Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 32:14 - Dios Iwene

14 Jau, inesö la'aka luwo̧ eju otiwejuma, deeju ji̧bakobe, ja̧danö ba̧jȩkwadö tjuju̧kwemi comunidadma, jojodö dei̧ comunidad ji̧bakobe. Ja̧danö 'diinö tjöbebö tjotidina'o mösa'obi, mösaka mö wa̧nö eda̧lakwawakabi, lekwe möle tebonö ju̧kwadö tjö̧jemida jakobe, ja̧danö tjajikwököwö̧ bu̧lu̧döbi, obejadöbi jobe pjeanö tjukwobö tjösödakwedö.

အခန်းကိုကြည့်ပါ။ ကော်ပီ




Isaías 32:14
27 ပူးပေါင်းရင်းမြစ်များ  

Ja̧danö Jerusalenbe ichibajo̧, Isabenö Jo̧ eju juwo loinobe, ja̧danö Juda inesö la'aka luwo̧ ejubi juwö loinobe, ja̧danö okobe jwiinö ju'wi Jerusalen comunidad ejubiyatjö, ejuawi̧ma juwö loinobe.


Kwiteboduwi comunidadma labinö ökwöobe, jojodö ba'ali tjukwobe ökwöi̧danö ökwöobe, tajawedö kwo̧'duwi ösöwanö kwö̧jaduwobedaja? Kwo̧'woduwi ösöwanö kwö̧jaduwobö jwibadöja chömöledö. —Ökwödönö baledaja̧ma, baikwö yöta̧la: Ökwödötjö ö'wö babibajadöma, tjöpöjojodökwö ölakwabikwawö ja̧nö, tjöpöjojodö dȩdȩbö lotjajawö̧ ö'wö babibajöködö.


Jojodö tjitebo comunidad suli̧ waekwakobe, pjolö loawemida baibanö, ja̧danö okobe deinö tjejubiya 'diinö tjipje'datakwedö, bakwo̧bi teachapji jö̧ba̧lö.


Bö̧jȩ ba̧kwemeachibanö tjitebo comunidadbiyama, söbebö loawemida ji̧bakobe, comunidad apjubebi 'dobö loawadeda ji̧bakobe. Jo̧bekwö bö̧jȩ ba̧kwemeachibanö ja̧kobe, ja̧danö bö̧jȩnö ju̧kwadötjö o̧bukwedöda tjö̧jibakwedö, wanedö yötawa: Uba waji̧ emajitja möle baledaja̧ ikena, uba waji̧ ja'yubeda ji̧danö, ja̧danö olivo towi kwakwabajadö, e'dö tjemaja̧ ikena olivo waji̧ ja'yubeda wa̧ji̧danö, bö̧jȩnö ju̧kwadötjö sule o̧bukwedöda tjö̧jibakwedö.


—Jau chuluwo̧, comunidadbiyatjö mö japopo pjolö loawemida baibanö webo̧ja, inesö 'diinö tjöbebö tjotidinemi comunidadbi pjolo loawemida baibanö webo̧ja. Ja̧danö ju'wedö tjitebo niji inesö la'aka luwo̧ eju comunidad, comunidad jwiemi baibanö webo̧ja, la'akatjöda tjotidökakwemi baibanö webo̧ja, isabenö juluwo̧ja chuluwo̧, omukwatö kwujunaja̧danö badekwachakobetjö̧.


Jau, ditebotjö 'diinö tjöbebö dotidina comunidadma, jojodö deakobe. Tjejubiyabi deeju ja̧kobe, ja̧danö jojodö tjö̧jinemi pakayadö tjitji̧mu meje'ye tjukwakwedö, jobe bamatö towi öjiya tjukwakwedö, towi öjiyabi jwienanö baibanö.


Ja̧danö, ja̧ möle comunidad apjudetjö, jojodöma bakobe budekwöda tjubudekwakwedö, —Ayö, ökwödöwe, ditebo inesö otiwemi söbebö lotjajabe, —jö̧ba̧lö. Wanedö yötawa, ja̧ möle Jerusalen comunidadma bakwuju, ja̧do̧ 'yobekwö lotjinoko nijinö bu̧ju̧danö ichejekwakobe, jwiinö söbebö lotjakobetjö̧.


Jobekwö ja̧bö kwö̧jaduwiökwe, isabenö lȩebakwo̧ Diosma. Jau, cha̧ja̧kwonö, Isabenö Jo̧ Okobe Jwiinö Juluwo̧ Diosma iteda lȩebakwa̧ jawa yöbawö ujuninobe, baikwö: —Isabenö ba̧jȩkwejubiyama jojodö dei ejubiya ji̧bakobe, inesö otiweju jalejubiyabi jojodö dei ejubiya ji̧bakobe, lȩtebakobetjö̧, —jö̧ba̧lö Dios yöbawö ujunina cha̧ja̧kwijatö.


Jobekwö yöa̧litjö̧, Isabenö Jo̧nö atadö abebö cha̧ja̧kwijatö: —Ayö Chuluwo̧ Isabenö Jo̧, dokwa lekwe yöka̧laja̧danö baledakwa̧da? —jö̧ba̧lö. Abebö cha̧ja̧kwökwe, —Tjitebo comunidadbiya söbebö loawemi jojodö deemi baibenanö kabatö jobekwö baledakobe, ja̧danö tjejubiya jojodö deejubiya baibenanö kabatö jobekwö baledakobe, ja̧danö israel niji suli̧ waekwenanö kabatö jobekwö baledakobe.


—Ja̧danö, israel niji ba̧kwemeachibanö, batjo jinelötenia suli̧ waekwakobe, sȩötjebi, ju'wi sula'wo pokwi̧bi jȩna baibenanö. Jau, nöinö mikwawina batjo, mil ö'biya ubasa'ba jinayu, ajayinö mil plata ö̧piya mikwawinajayonö, batjo jwiemi, sula'woda pokwemi baibanö ji̧bakobe.


Tupakwö Jerusalén comunidad söbebö lotjakwa̧ jawa yöawinobe Jesúsma: —Chömöledö, Jerusalén comunidad ö'öbönö guardia jojodö tjösawibö tjuju̧kwobe kwedaduwenama, kwöwaisaduwakobe, tjo̧wi̧ juluwanö Jerusalén comunidad söbebö lotjakobe jö̧ba̧lö.


Jobadötjö ba̧jekwadönö kwölöte'onö kwabö lotjakobe, ja̧danö jobadötjö ba̧jekwadönö tjitjebotjö öbibö, ju'wedö judío jojodöböködö tjitebokwena tjö̧jobö ötjibakobe. Ja̧danö, jemi tupakwö Jerusaléntjö judío jojodöböködöda webö tjö̧jakobe, Dios jobadö webö tjö̧ji̧tjö latjebobö ujunina möle badekwachenanö kabatö— jö̧ba̧lö yöawinobe Jesúsma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ