Isaías 30:32 - Dios Iwene

³² Ja̧danö lȩebakwawöte otokwötenö Isabenö Jo̧ kwaenama, kwo̧'woduwi ösöwachibanö lo̧köbaduwakwedöja, panderos pjeböbi, arpas pjeböbi, kwo̧'woduwi ösöwachibanö lo̧köbaduwakwedöja. Jau, iteda inesö ujulu i̧sȩbö, iteda ömamu kabebö, Asiria jojodökwö ölakwabikwawakwo̧ Isabenö Jo̧ma.

Isaías 30:32 ပူးပေါင်းရင်းမြစ်များ

Génesis 31:27

¿Tajawedö detobe okobetjö̧ yöbawökönö döbibajö kwȩwa̧jinada? Yökawinatjö̧ma, lo̧awa lo̧bö, harpa pjebö, la̧tijayudanö chabö, otiwanö ösödö kwȩwa̧ja̧duwakwa̧ pjiesta chujunochijatö.

Diosnö ösödo̧ Job mikwo̧ usula emawina jawa 16:12

—Ötjöwe, ajayinö otiwanö cho̧'wo ösöwanö chö̧jijatö, jo̧kwaijayonö cho̧'wo ösöwanö chöjemi ja'ötjö, 'detawinö kwaajabe Diosma. Chulume'anö do̧balö, ötjönö ya̧ebajabe ichejekwa, jwiinö 'detawenanö batibanö. Ju'wibi ötjönö ujunajabe ichejekwa, ömöayedö ötjönö 'bötjo jö̧balö,

Isaías 10:24

Jo̧kwajabetjö̧ baikwö yöawobe Isabenö Jo̧ Okobe Jwiinö Juluwo̧ Diosma: —Chömöledö Jerusalennö ju̧kwadö, Asiria jojodönö yekabiduwoko. Damötjö Egipto jojodö ö̧sö̧'anö kwakwatjinadanö, ja̧danö ökwödönö kwatjotö jö̧ba̧lö tjotokwa'o katjebinadanö idö Asiria jojodöbi ja̧tjijayonö, jobadönö yekabiduwoko, baikwö yötawa:

Isaías 10:26

—Jau, ja̧ möle ötjö Isabenö Jo̧ Okobe Jwiinö Juluwo̧ma jobadönö lȩtebakwo̧sa, kwakwaakwawa jawanö jobadönö kwakwachakwo̧sa, damötjö Oreb mikwawa inawatjö madianitas jojodönö kwatinadanö. Ja̧danö, damötjö Egipto nijitjö lakebaduwenama, chotokwa'o jwaibalawa wamenö i̧sebajo̧, Egipto jojodönö söbebö lotinadanö, Asiria jojodönöbi söbebö lotocha.

Isaías 11:15

Ja̧danö Isabenö Jo̧ma jwiinö söbebö loakobe Egipto niji jwaibalawa bajalema, ja̧danö iteda ujulunö, jwa̧le'epjo inesö tubapjo weakobe, inesö jalödö Eufrates ojwema ja'yuwödöda baibakobetjö̧. Jobekwö weobetjö̧, inesö jalödöma ja'yuwödöbiya baibanö 'da̧achibakobe, da̧kwöködö jelemutjö dödölataja ojwebiya baibanö. Ja̧danö Diosma jojodönö öibakobe wene jwiinö kwebachöda jalödö ji̧nemi petjibakobetjö̧.

Isaías 19:16

Ja̧ möle Egipto jojodöma ya̧dö juluwöködödanö tjö̧jakwedö. Isabenö Jo̧ Okobe Jwiinö Juluwo̧ Diosma, ömamu kaebakwo̧, jobadönö kwaobö, ja̧danö jobekwö ömamu kabebö i̧sȩbiawö̧, jwiinö yebabinö tjötja̧wakwedö Egipto jojodöma.

Isaías 2:19

ja̧danö Isabenö Jo̧ öba a'otjö bö̧je jojodöma inawa ötöliyanö tebachö tjuju̧kwawakwedö, ja̧danö laju okwa söbibö tju̧ju̧kwawakwedö, yebabinö. Jobekwö baledakobe, löji möle Isabenö Jo̧ iteda inesö dejatinö ujulunö bö̧jȩ jojodönö lȩebobö a̧la̧ibenama.

Isaías 24:1

Baikwö yötawaduwakwö: Ju'wi möle Isabenö Jo̧ma jwiinö lȩebakobe bö̧jȩ jojodönö. Jwiinö söbebö loakobe bö̧jȩma, jojodö deobe baibanö, niji yubatödanö ja̧akwo̧, ja̧danö bö̧jȩnö ju̧kwadönö tjipjelekwachinö a'dewö loakwo̧.

Isaías 24:8

Jojodö tjo̧'wo ösöwanö lo̧tji̧bi 'dö̧ibajakobe, tjo̧'wo ösöwanö tambores kwaböma lo̧tjökakwedö, ja̧danö tjo'wo ösöwachibanö arpa pjeawama katjatibakwedö. Tjo̧'wo ösöwachibanö jwötjeba̧li̧ ökwöi̧ma, bakobe ökwöökönö 'dö̧ibajakobe.

Isaías 30:29

Jobekwö kwöpöjojodöduwinö ujuluwiawö̧, kwo̧'woduwi ösöwanö lo̧köbaduwakwedöja, yö̧te ba'ali kwujunaduwena kwo̧'wo ösöwanö lo̧köbaduwidanö. Ja̧danö flauta jawa pjutji̧ a̧ja̧kwö, tjo̧'wo ösöwachibanö Israel jojodö tjösödökwe Inawadanöbo̧ Isabenö Jo̧ Dios itea mösa'obe tjo'wo ösöwachibanö lo̧bö tji̧'yidanö, kwo̧'woduwi ösöwachibanö lo̧köbaduwakwedöja.

Isaías 31:4

Chömöledö, baikwö laebobe Isabenö Jo̧ ötjönö yöawima: —Lȩbebö chichakwa̧ma, baikwö wanedö yötawa: Didiba juluwo̧, obejanö ujuluwajo̧, ukwotö jö̧ba̧lö tuluwenama, obejadönö teada̧ladö ko̧ko̧kwö jo̧banö jwötjeba̧li̧jayonö yebabö̧kö̧, jö̧tö? Jau, labinö ökwöinö jwötjeba̧li̧tjö̧bi, döbibajö̧kö̧ didibama. Ötjö lȩbebö chichakwa̧bi ja̧danö. Ötjö Isabenö Jo̧ Okobe Jwiinö Juluwo̧ Dios Sion mösa'otjö chölakwabikwawobö chichenama, yebabökönö ölakwabikwawö chö̧jakwo̧sa,

Hebreos 12:26

Ja̧danö, damötjö Diosma iteda wei̧ yöawena ja̧'o mö'ösa'oma labinö tjö̧ebinobe. Jo̧kwaobetjö̧ chömöledö, ökwödö dö̧ji̧ma Diosma yöbawö ujuninobe, Yemidanö tjö̧ebobö wetakwo̧sa, jo̧kwaijayonö böjȩdamaökö, mölejȩbebi, jö̧ba̧lö.

1 Samuel 10:5

Ikenama, jobetjö labebajo̧, Guibea comunidad mösa'o Dios iteasa'o jö̧ba̧lö ötjaba'obe kwichibakwo̧ja, filisteo ölakwabikwawa jojodö tjöjena pjeasa'obe. Jobe comunidadbe kwichibenama, möemi Diosnö iyawemitjö yutubajadö Dios yöawi̧ yöbawadönö kwöbadekwajakobe, lo̧awa jawa arpabi, panderobi, flautabi, lirabi kwebatö, Dios yöawi̧ yöbawö kwebachadönö.

1 Samuel 18:6

Jemi ikenama, filisteo jojodönö ölakwabikwawö kabatajadö, Goliatnö kwabö loaja̧ ikena, yemidanö comunidadbe tjȩwa̧jinobe. Ja̧danö ȩwa̧jö tjichibakwajibenama, israel jojodötjö ya̧döma lo̧böbi, baile döböbi latjebinobe, Saul ömöayedö ölakwabikwawa jojodökwö ȩwa̧jobe edö. Jobadö ya̧döma tjo̧'wo ösöwanö latjebinobe, ja̧danö pandero ötjabi̧ pjeböbi, ju'wi musika jawakwöbi, baile döbö