Isaías 30:24 - Dios Iwene

²⁴ Kwajwimuduwi niji sobö otidadö pakayadöbi, buludöbi tju̧kwa sö̧i̧ kwakwawa tjukwakwedö, sula'wo jwii̧ baibanö otikwa batjo waji̧ma.

Isaías 30:24 ပူးပေါင်းရင်းမြစ်များ

Génesis 24:25

Ökwödöma ka̧mȩyu̧dö tjabemibi, tjukwi̧bi nöinö dujuna̧lobe. Ja̧danö, kwabaduwakwemibi jo̧be— yöba̧lijotö.

Génesis 45:6

Tjo̧wi̧ dötölataja a̧yo a̧wi̧chö̧lö̧ji̧ma baledinobe. Ja̧danö, ina bakwamu jawa a̧yo ja̧kobe. Tiböbi tiawökakobe, 'yeböbi 'yeawökakobe.

Éxodo 34:21

Ja̧danö, bakwöta semanakwena jelemutjö bakwöta mölȩkwena kwotidaduwo. Jo̧kwaijayonö jelemutjö dötölataja möle baibenama kwö'wachaduwobö jo̧be, otidökönö. Batjo junawa mölȩbiyabi, ja̧danö batjo kwujuninaduwatjö kwmaduwi̧ mölȩbiyabi kwö'wachaduwo otidökönö jelemutjö dötölataja mölȩ baibena, bakwöta semanakwena.

Isaías 32:20

Isabenö otiwanö Dios pjaatawö̧ kwö̧jaduwakwedöja chömöledö Juda jojodö. Ojwebiya otiwanö niji 'yoliwemi nijinö, kwöbatjoduwi otiwanö kwotidaduwakwedöja, ja̧danö kwajwimuduwi pakayadönöbi, buludönöbi wene jwiinö tjösödobekwö kwebachö, tju̧kwa otiwanö tjukwakwedö.

Mateo 3:12

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

Lucas 3:17

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

Deuteronomio 21:4

Ja̧danö omudawö junajadö, pakayasujunö öbibö tji̧'yobö ja̧kobe, jobe pjeanö wabeko, ojwe lȩkobe, ja̧danö ina batjo soböbi, ödebiya lödöbi tjotidokobema. Ja̧danö, jobe wabekobe ichibajadö, pakayasuju ju̧lu̧mea 'debatö lotjobö ja̧kobe, pakayasuju ö'wö bajibanö.

Deuteronomio 25:4

—Ja̧danö ju'wibi yötawaduwakwö, pakayakwö trigo sula'wotjö chabö kwotidaduwenama, kwajwi pakaya aa di̧kataduwoko, jejenö otidonö, wainö kwo̧, —jö̧ba̧lö yöawinobe Moisesma.

1 Samuel 8:12

Ja̧danö jobadö ölakwabikwawa jojodötjö, ju'wedönö omudawö ujunakobe, milbedö tjuluwedö batjibanö, ja̧danö ju'wedönö cincuentabedönö tjuluwedö batjibanö. Ja̧danö, ju'wibi, kwi̧tji̧muduwitjö ju'wedönö weakobe iteda öbatjo otidadö batjibanö tjö̧jobö, ju'wedö niji sobö tjotidobö, ja̧danö ju'wedö wa̧ji̧ emö tjotidobö. Ja̧danö ju'wibi kwi̧tji̧muduwitjö ju'wedönö weakobe, ölakwabikwawa jawa tjotidobö, ju'wedönö weakobe kwölöte'ijubi, 'böpöbiyabi, ju'wi ja̧ jaye jawabi tjotidobö, ja̧danö ju'wedönö kolukiya jawa tjotidobö weakobe kwuluwo̧duwi ö̧jakwo̧ma.