Isaías 30:11 - Dios Iwene

¹¹ –Di̧'yama manatjö labebaduwi, jweinö dösödi̧danö di̧'yakobetjö̧, Israel jojodö tjösödökwe Sulabe Jwibo̧ Diosnö da̧ja̧kwobö döpöjöda, jo̧ba yöawi̧ yökawi̧ma kabatibi, –jö̧ba̧lö sulabenö webadö, jobadönö yötawi̧ tjaja̧kwapji jö̧ba̧lö.

Isaías 30:11 ပူးပေါင်းရင်းမြစ်များ

2 Reyes 19:22

Tinö oköbinada Senaquerib, tinö juluwö̧kö̧ jö̧ba̧lö kwöpöjödinada? Ötjödasa juluwo̧ma jö̧ba̧lö, tinö öpöjödö jwökeba̧linada Senaquerib? Ötjö Israel jojodö tjösödökwe Sulabe Jwibo̧ Diosnöda sulabenö kwöpöjödajabe Senaquerib.

Diosnö ösödo̧ Job mikwo̧ usula emawina jawa 21:14

—Jejenö wene jwiinö tju̧ju̧kwobetjö̧, Diosnö yöba̧ladö, –Dö̧jelö labebi Dios, ökwö weköbi̧ da̧ja̧kwoböma öpöjödadösa.

Isaías 29:13

Ja̧danö, Isabenö Jo̧ Diosma baikwö yöawajabe ökwödönö chömöledö: —Bidö jojodöma tjaanö yötja̧lobe, –Dioskwö yö̧ne ja̧dösa, –jö̧ba̧lö, ja̧danö tja̧jȩnö ötjönö ösödö yöba̧ladö, –Diosma otiwo̧, jo̧banö yebabinö ösödadösa, –jö̧balö. Jo̧kwaijayonö jobekwö yötja̧lijayonö, omöna, tjomajadenö yö̧ne jö̧kö̧nö chö̧jelö ödö ju̧kwadö. Ja̧danö, –Diosnö yebabinö ösödadösa, –jö̧ba̧lö yötja̧li̧ma, ötjöda weti̧ a̧ja̧kwö, jobekwö yöba̧löködö, jojodöda wetji̧ a̧ja̧kwö, jobekwö yöba̧ladö.

Isaías 29:21

tjömöledö sulabenö ja̧tjököjayonö, lȩekwa luwedö tjöba a'o, —Sulabenö ja̧bo̧, —jö̧ba̧lö omöna yöba̧ladönöbi, lȩekwa luwedö 'daliwanö tjö̧lobö suli̧ tjöwaedobö isakwadönöbi, omöna yöba̧lö sulabenö jaböködönö suli̧ waedadönöbi.

Hechos 13:8

Ja̧danö, jo̧bama a̧ja̧kwobö jö̧a̧lonö mea boawa luwo̧ma, Barjesús, griego tjiwenenö Elimas mikwo̧ma öpöjödijetö. Jo̧kwaobetjö̧ jo̧ba Elimasma, Saulo, Bernabé ichajadö yötjawena gobernador a̧ja̧kwökönö aliyadakwawönö ja̧bijetö, a̧ja̧kwö ösödapji jö̧ba̧lö.

Romanos 1:28

Chömöledö, bidöma, Diosnö tjomukwatoböma tjöpöjödobe. Ja̧danö, sulabeda tjomukwatiökwe jobadönö kaatibobe Diosma, Wainö sulabenö tjomukwati̧da ja̧bö ju̧kwadö, jö̧ba̧lö. Jo̧kwajabetjö̧, taba lö̧ji̧ jojodö ja̧awökö jawada i̧sebö ju̧kwadö.

Romanos 1:30

ju'wedönöma sulabenö omöna yöba̧ladö. Jobadöma Diosnö jwiinö öpöjödadö. Ja̧danö, ju'wedönö sulabenö yöba̧ladö, Ökwöma mikwawö̧kö̧ja, jö̧ba̧lö. Ja̧danö, Ötjöma juluwo̧sa, jö̧ba̧lö omukwatadö, ju'wedönöbi tjujulu i̧sebö yöbawadö, Ötjönö juluwo̧nö edi, jö̧ba̧lö. Ja̧danö, jemi tupakwö suli̧ tjöwaedotö jö̧ba̧lö omukwatadö, ja̧danö tjabe'donöbi, tjojo'donöbi a̧ja̧kwöködö.

Romanos 8:7

Jau chömöledö, suli̧ ömöayedödanö ju̧kwadöma, Dios öpöjojodö. Ja̧danö, Dios wei̧ma ja̧böködö. Ju'wibi, Dios wei̧ ja̧tjoböma jwibadö, tjujulu jwitjobetjö̧.

Efesios 4:18

Jobadöma yȩa'wo okwada ja̧dö, tjo̧'wo̧ luwo̧nöma, tjo̧'wo̧ luwo̧ jawa wajwitjobetjö̧. Ja̧danö, tjomajade 'ditjobetjö̧ Dios jawa tjöwaisachiboböma jwibadö. Jo̧kwaobetjö̧ Dios ba̧kwȩlö̧jatebö ja̧kwawa iyi̧ma jwibadö, wajwitjobetjö̧.