Isaías 28:4 - Dios Iwene

⁴ Jau, Samaria comunidad juluwajadö, otiwi̧ma 'dötjebakwedö, baikwö wanedö yöta̧la: Samaria comunidadma, batjo jawa otiwanö pokwi̧ wabeko bajale mösa'o ji̧ comunidad, wabeko uudanö ichejekwi̧nö, ja̧danö jwiinö otiwi̧'obu o̧bubiyadanö ichejekwobe Samaria comunidadma. Ja̧danö ja̧ o̧bubiya damö jawa babibö suli̧ waekwakwa̧ma, baikwö yöta̧la: Higo towi ajayi wa̧ji̧, deiökwe, bakwo̧ edö 'döebenama, juluwanö ö̧ka̧to̧, jö̧tö? Jobekwö baledakobe Samaria comunidad otiwi̧ma, tjöpöjojodö ichibö, otiwi̧ juluwanö 'dötjebakwedö.

Isaías 28:4 ပူးပေါင်းရင်းမြစ်များ

Isaías 28:1

Efrainsaso jojodötjö 'dukwachawö̧ tjubutjawakadanö ji̧ma, Samaria comunidad, —Inesö otiwemi, —jö̧ba̧lö. Jau, jobadö nöinö ubasobu o̧wa̧lö, 'dukwachawö̧ babibajadö tjö̧jemi wabeko ö'öbö mösa'o otiwa'o wame öwawinö jo̧be Samaria comunidadma, ja̧danö mösa'o wa̧pekwa'o ja̧nö, butjawakadanö ichejekwobe. Jau, butjawaka otiwakadanö, o̧bubia jwiinö otiwo̧'o̧bu ji̧danö ichejekwobe Samaria comunidadma. Jo̧kwaijayonö, o̧bubiya damö jawa babibö, suli̧ waekwi̧danö baledakobe Samaria comunidadma, Samaria comunidadwe.

Isaías 8:4

Jau Isaias, lekwökö ja̧ baledakwa̧ma, baikwö yötawa: kwitji̧ –Chabe'do, Chojo'do, –jö̧ba̧lö yöa̧lakwa̧ abönö, Asiria jojodötjö la'aka luwo̧ma kwöpöjojodönö ujuluwakobe, ja̧danö ida̧ökö juluwajo̧, Siria niji la'aka comunidad Damasconö ji̧ nöinö mikwawi̧ jawabi, israel niji la'aka comunidad Samarianö ji̧ jawabi 'döbebö e'ewakobe iteda itebobe, jo̧kwajabetjö̧ ja̧ baledakwa̧ wene i̧sȩbö jobekwö kwimido kwitji̧nö, —jö̧ba̧lö weinobe Diosma.

Apocalipsis 6:13

Ja̧danö, si̧li̧'i̧döma böjȩkwö tjodutjawibobe chedijatö, towinö wa̧ji̧ jwa̧lȩ'epjo labinö jwa̧lȩ'ewobe tjoduwi̧danö.