Isaías 28:28 - Dios Iwene

²⁸ Ja̧danö pan otikwa jawa trigo wa̧ji̧ma, i̧sopja baibanö 'dobö otidadö, jo̧kwaijayonö kabatibökönö 'dobö otidöködö, jö̧tö? Ja̧danö, trigo jawa ochobiya wamenö, ajwimu kabayudö koluka tötjobö weijayonö, kabatibökönö wamenö tjöbaledobö webö̧kö̧, trigo jawa 'dainö suli̧ waekwapji jö̧ba̧lö, jö̧tö?

Isaías 28:28 ပူးပေါင်းရင်းမြစ်များ

Isaías 21:10

Jobekwö yötawaduwakwö chömöledö juda jojodö, ökwödö jwiinö usula emawadönö. Jau chömöledö, wanedö yöta̧la usula emawö kwö̧jaduwi̧ma, trigo waji̧ chabö loawejutjö, isa'ye ja̧tö loawa'ye ji̧danö usula emawadöja, ja̧danö ökwödö usula emawadönö jweinö yötawajabe Dios yöawaja̧ma, Isabenö Jo̧ Okobe Jwiinö Juluwo̧ Dios, ökwödö israel jojodö dösödökwe Dios ökwödönö yötawobö weaja̧ma.

Isaías 28:27

Ja̧danö wa̧ji̧ emadö tjotidi̧bi kwomukwataduwo chömöledö. Bakwo̧ eneldo jawa waji̧ emenama, trigo chabö loawakanö chabö loawö̧kö̧, jö̧tö? Ja̧danö comino jawa emajo̧, kolukasa'onö baledakwawokobe, jö̧tö? Kwöwaisaduwa, eneldo emajadö, ö̧sö̧'a ja'yuwö̧'anö kwabadö, waji̧ nijakwö tjoduwobö, ja̧danö comino emajadö, ö̧sö̧'anö kwabadö, jö̧tö?

Isaías 28:29

Ja̧ otikwa tjöwaisi̧bi, Diostjö ichi̧ chömöledö, batjo ajayi otikwa jawa tjöwaisi̧bi, waji̧ emö otikwa jawa tjöwaisi̧bi Isabenö Jo̧ Okobe Jwiinö Juluwo̧ Diostjö ichi̧ chömöledö. Isabenö jwiinö waiso̧ Diosma, ja̧danö ju'wibi waisakwawa jawa otiwanö ba̧ja̧do̧, ökwödöbi waisanö domukwatakobetjö̧.

Mateo 3:12

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

Juan 12:24

—Isabenö yötawa. Trigosade, niji okwa lödawade i̧sȩdo̧ 'yo̧bibö woobetjö̧ pokwobe. Jade niji okwa lödawade i̧sȩdo̧ 'yo̧bibö woökötjö̧ma pokwökena, jadema 'diadeda jo̧betjö̧. Jejenö diadeda jitjö̧ma bakwadeda jena. Jo̧kwaijayonö ja̧de niji okwa lödawade i̧sȩdo̧ 'yo̧bibö woajadetjö otiwanö pokwobe, ochobiyabi nöinö baibanö, ödebiyabi nöinö nö̧jinö. Ja̧danö, ajayima bakwadeda ji̧jayonö jade bakwadetjöma ödebiya nöinö nö̧ji̧— yöawinobe Jesúsma, iteda ö'wöchakwa̧ yöbawö.

1 Corintios 3:9

Jau chömöledö, ötjöbi, Apolosbi bakobe Dios wei̧ otidö batjo otikwa jojodödanö ichejekwadösa. Ja̧danö, ökwödö Corintio jojodöma Dios öbatjodanö ichejekwadöja chömöledö. Ja̧danö ju'wi wanedö yötawa chömöledö: Ökwödöma Dios ejudanö ichejekwadöja.