Isaías 28:22 - Dios Iwene

²² Jau chömöledö, Isabenö Jo̧ Okobe Jwiinö Juluwo Diosma ötjönö yöawajabe, ditebo niji suli̧ tjöwaedobö weakwa̧ma, ja̧ yöawina cha̧ja̧kwajabe. Jo̧kwajabetjö̧ baikwö atebaduwakwö, Dios yöawi̧ a̧ja̧kwö, oköbaduwoko, oköbaduwiökwe ajayitjö bajalekwönönö ökwödönö tjunu'yakwa̧ tjunu'yobö weapji jö̧ba̧lö.

Isaías 28:22 ပူးပေါင်းရင်းမြစ်များ

Éxodo 8:25

Jejenö balediökwe faraónma jwöbijetö Aarónnö, Moisésnö tjichobö. Ichajadönö jö̧ba̧lijetö: —Jao otiwa, ökwödö Israel jojodöma kwuluwo̧duwi Diosnö juwö kwiyaduwo. Jo̧kwaijayonö chitebotjöda kwiyaduwo—

Proverbios 19:29

Ja̧danö, ju'wibi yötawa: Diosma itenöda obadönöma lȩebakwa̧ ida̧ökö ujuninobe. Ja̧danö ju'wibi yötawa: Jweinö omukwatökönö ja̧badönö kwakwabö lȩtjebobö jo̧be.

Proverbios 29:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Bakwo̧nö ba̧kwȩlö̧jatebö jwebebö yötjawijayonö uu 'diobe a̧ja̧kwökötjö̧ma ju'winö juluwanö 'dö̧achakwo̧, ö̧bibajoböma jwiinö.

Isaías 10:12

—Jo̧kwaijayonö, jobekwö omukwatö yöa̧lijayonö, ötjö Isabenö Jo̧ma baikwö yöta̧lobe jo̧ba Asiria la'aka luwo̧nö: Babema jo̧banötjö Jerusalennö ja̧'o Sion mösa'onö ju̧kwadönöbi, ju'wedö Jerusalennö ju̧kwadönöbi lȩtebobe. Ja̧danö, jo̧banötjö̧ lȩtebo jö̧ta̧li̧ jawa katatibenama, jo̧ba Asiria la'aka luwo̧nö lȩtebakwo̧sa. Jau, iteda omajadenö, Juluwo̧sa jö̧ba̧lö jwiinö sulabenö yöba̧lo̧, ja̧danö sulabenö ju'wedönö nijakwönönö edo̧, idötjö bajalekwönönö jo̧sa, jö̧ba̧lö, ja̧danö jobekwö omukwatö ö̧jitjö̧ jo̧banö lȩtebakwo̧sa.

Isaías 28:23

Yötawi̧ otiwanö kwa̧ja̧kwaduwo chömöledö, chiwene ökwöi̧ a̧ja̧kwö, otiwanö a̧ja̧kwö kwomukwataduwo.

Mateo 27:39

Jojodö jobe baledadöma Jesúsnö sulabenö obö tjuu löwö löwö ja̧bö Jesúsnö yötja̧linobe:

Mateo 27:44

Ja̧danö Jesús ipjeanö bȩbö tjujunaja̧wö̧ naukwabidöma ju'wedö Jesúsnö otjidanö jobadöbi Jesúsnö obö yötja̧linobe.

Lucas 21:24

Jobadötjö ba̧jekwadönö kwölöte'onö kwabö lotjakobe, ja̧danö jobadötjö ba̧jekwadönö tjitjebotjö öbibö, ju'wedö judío jojodöböködö tjitebokwena tjö̧jobö ötjibakobe. Ja̧danö, jemi tupakwö Jerusaléntjö judío jojodöböködöda webö tjö̧jakobe, Dios jobadö webö tjö̧ji̧tjö latjebobö ujunina möle badekwachenanö kabatö— jö̧ba̧lö yöawinobe Jesúsma.

Hechos 17:32

Jejenö yöawiawö̧, Diosma tjeachajinö ja̧inobe, jö̧ba̧lö, Atenasnö ju̧kwadötjö ju'wedöma oböda obijadötö Pablonö. Jo̧kwaijayonö ju'wedöma: —Yemidanö da̧ja̧kwobö jö̧da̧la ja̧ yökawaja̧ma— jö̧ba̧lijadötö.