Isaías 28:18 - Dios Iwene

¹⁸ —Jobekwö baledenama, ökwödökwö Egipto luwedökwö yöbawö kwujunaduwinama söbebö loakobe, ja̧danö ö'wö badibökakwedösa, ö'wö babibinadö tjö̧jemi dichibökakwedösa, jö̧ba̧lö kwomukwataduwi̧ma waekwakobe. Ja̧danö kwakwaakwawopjadanö ichejekwadö ölakwabikwawadö kwiteboduwi ö'wejenö tjöbaledenama, ökwödönö tjö̧jatakwedö, nijakwö bakibaduwanö.

Isaías 28:18 ပူးပေါင်းရင်းမြစ်များ

Isaías 2:15

Ja̧danö ju'wibi tjomukwatobe, —Inesö möaka tjöekwaka ji̧danö, ja̧danö 'diinö tjöekwi̧danö, ju'wedötjö bajalekwönönö isabenö juluwo̧sa, —jö̧ba̧lö.

Isaías 28:15

—Ökwödöma Egipto jojodökwö bakobe pjabatakwawö kwö̧jaduwakwa̧ wene yöbawö kwujuninaduwobetjö̧, omukwatadöja: –Ökwödöma Egipto luwedökwö bakobe pjabatakwawö dö̧jakwa̧ wene yöbawö dujuninobetjö̧, ö'wö badibökakwedösa, ja̧danö ö'wö babibajadö tjö̧jemi dichibökakwedösa, otiwanö wene jwiinö dö̧jakwedösa. Jau, inesö labinö kwakwaakwawopja ji̧danö̧ ichejekwadö Asiria ölakwabikwawadöma, yö̧ne israel niji ö'wejenö tjöbaledijayonö, ökwödönö mebibö tjujuluwökakwedö, –jö̧ba̧lö omukwatadöja. Jo̧kwaijayonö ja̧ yöbawö kwujuninaduwama, omöna yöba̧lakwawö yöbawö kwujuninaduwobe, ja̧danö kwo̧'wo kwöwana̧laduwi̧ma, ömöna yöa̧lakwawa jawada ösödö, tjökeba̧la̧duwobö kwisakwaduwobe. Jo̧kwajabetjö̧, baikwö yötawaduwakwö ökwödö Juda jojodönö:

Isaías 28:3

Jau, Efrainsaso jojodötjö 'dukwachawö̧ tjubutjawakadanö ji̧ comunidad Samaria ja̧takwö lotjakobe tjöpöjojodöma.

Isaías 5:5

—Ja̧danö, jobekwö suli̧ jawada pokwobetjö̧, baikwö yötawaduwakwö chöbatjo ja̧takwa̧ma: Chöbatjo ö'öbö tjöekwi̧, ja̧danö inawatjö otikwemi tjöekwemibi 'dobö lotocha, tebonö ju̧kwadö chöbatjo tebachö, ja̧tö lotjakobetjö̧.

Isaías 7:7

Jo̧kwaijayonö, jobekwö omukwatö tjujunajayonö, baikwö yöawobe Isabenö Jo̧ Diosma: Omukwatö tjujunaja̧ma waekwakobe, tjomukwati̧danöma baledökakobe.

Isaías 8:10

Jau, waisanö ölakwabikwawö kwö̧jaduwakwa̧ omukwatö kwujunaduwakwedöja, –Baikwö baikwö ölakwabikwawö dujuluwakwedösa, –jö̧balö. Jo̧kwaijayonö, waekwakobe, omukwatö kwujunaduwaja̧ma badekwachökakobe, Diosma ökwödö Juda jojodökwö ja̧nö pjaatobetjö̧, jö̧ba̧lö yöta̧la döpöjojodönö.

Daniel 11:40

Ja̧danö, yöbawö wei̧ 'dö̧ibakwa̧ möle ida̧ökö yöneawachibenama, Egipto la'aka luwo̧ma ömöayedö guardia jojodökwö ichö jo̧banö tjölakwabikwawakobe, jo̧kwaijayonö waekwakobe. Jejenö tjichibiökwe, Siria la'aka luwo̧ma jobadönö labinö meibakobe. Ömöayedöma kabayu̧dö tjötji̧ kolukiyanö a̧jöbi, ka̧bayudönö wanöbi, isowi nöowinö a̧jiböbi, Egipto luwo̧nö labinö metjibakobe, ja̧danö ju'wedö tjitebobenö baledö, ojwe okwatibidanö yelösöda ba̧jekwadö tjöbaledakobe.

Apocalipsis 12:15

Ja̧danö, toba'dadanöso̧ma isujunöma o̧bebö loobö omukwatö, aatjö ojwedanö doibobö ja̧obe chedijatö, isujunöma ojwe emibö o̧bebö loobö.

Apocalipsis 17:15

Ina yöawijatö ötjönöma: —Ojwebiya ba̧jekwi̧ ödö kwedaja̧, isuju jelo̧ jelo̧nö juju ö'öbönö jö̧bena ojwebiya kwedaja̧, jojodönöda wanekwachobe, böjȩ okobe jwiinö ju̧kwadö jojodö, jelobebi, jelobe ju̧kwadönö, wainökwena tjiwene yöba̧ladönö.