Isaías 28:13 - Dios Iwene

¹³ Ja̧danö, jobekwö tjöpöjödiökwe, tjemu ajayinö yöa̧lakwawa tjöwaisachena wanekwachökönö yötja̧li̧danö ökwöakobe jobadönö, otiwanö tja̧ja̧kwobö tjöpöjödobetjö̧. Jadanö, Dios yöawi̧ tja̧ja̧kwokobetjö̧, tjölakwabikwawenama ökömakwö mebö 'detjawakwedö, ja̧danö 'daliwa tjö̧lakwedö, ja̧danö tjöpöjojodö tjujuluwajawö̧, jelobekwö öbibö tjemakwawö̧.

Isaías 28:13 ပူးပေါင်းရင်းမြစ်များ

Isaías 28:10

Ökwödönö yöawi̧ma, tjemunö öba̧ja̧didanö, tjo̧'omanö baikwö ja̧baduwi, baikwö ja̧bökönaduwi jö̧ba̧lö, bakwainö pea'ba tjemu ajayinö yöa̧lakwawa tjöwaisachena yötja̧li̧danö ökwöobe, otiwanö yöbawö̧kö Diosma, —jö̧ba̧lö obö yötja̧lobe.

Isaías 59:10

Kwedachenama, tjöekwemi madotö jö̧ba̧lö, mamabö kwebachadösa, tjöbajale tjewawadö mamabö kwetjachi̧danö. Möle ja'ö kwedachijayonö, yi̧bena yi̧atibena kwedachobedanö tötöbö kwebachadösa. Ja̧danö isabenö juluwöködösa chömöledö, 'dö̧bachöködö tjö̧'dade ja̧nö, ida̧ökö ö'wö babibajadödanö ichejekwadösa.

Mateo 13:14

Dios yöawi̧ yöbawina Isaías iwȩyudinama jobadönö badekwachobe chömöledö. Baikwö iwȩyudinobe Isaíasma: Bidöma isabenö tja̧ja̧kwobe, jo̧kwaijayonö otiwanöma a̧ja̧kwöködö, ja̧danö tjedijayonö, waisachibanöma edöködö,

Romanos 11:9

Ja̧danö, Dios iwene wȩyudina Davidbi biya̧ wene iwȩyudinobe. Baikwö laebobe Dios iwene, David Diosnö aebinama: Dios, ökwönö ateba, bidönö lȩkebobö. Pjiesta tjujunenama, tju̧kwa pjiesta 'daliwa baibanö ja̧bidönö, metjobö ja̧bidönö,

2 Corintios 2:16

Ja̧danö, Dios lȩebakwawö̧ 'dö̧tjatemima, woinö omewi̧danö 'dö̧ekwi̧, ja̧danö yödawi̧ tjöpöjödobe. Jo̧kwaijayonö tjö̧jibakwedönöma wainö 'dö̧ekwi̧nö jo̧be, ja̧kwawa söinö omewi̧danö 'dö̧ekwi̧, ja̧danö yödawi̧ tjösödobe. Ja̧ otikwama waiya chömöledö, ¿dakwö otiwanö dotidoböjö?

2 Pedro 3:16

ja̧danö okobe jwiinö jo̧ba iwȩyudi̧ kwialusöjanö, Duluwo̧ yemidanö ichakwa̧ tjomukwatobö iwȩyudobe. Jau chömöledö, Pablo iwȩyudi̧ jawatjö, ju'wi laebachi̧ labebö loawama waiya, ja̧danö ba̧jekwadö otiwanö do̧tjatijayonö, ju'wedö ja̧ jawa do̧tjatokobe. Jau chömöledö, isabenö wene 'diinö do̧ba̧löködötjobetjö, ja̧danö wajwibadötjobetjö̧, Pablo iwȩyudina sulabenö balewö lobö yötjawobe, ju'wi Dios iwene jawa sulabenö balewö lobö yötjawi̧danö. Ja̧danö, jejenö ja̧tji̧ma, jobadönö lȩebakwa̧ baibakobe chömöledö. Jau chömöledö, jobadö balewö lobö sulabenö yötjawijayonö, Pabloma isabenö otiwanö iwȩyudinobe, Duluwo̧ yemidanö ichakwa̧ wenema. Ja̧danö jo̧ba iwȩyudinabi, böja chiwȩyudöjabi, Duluwo̧ yemidanö ichakwa̧ kwomukwataduwobö diwȩyudobe.