Isaías 28:12 - Dios Iwene

¹² Jau, ajayinö ökwödö iteda ömöledönö yöawinobe, —Bemi niji chiyaduwakwö, nöinö kwotidaduwaja̧tjö kwö'wachaduwobö. Lekwe möle nöinö kwebachö kwö̧jinaduwijayonö, babe bemi nijinö ja̧nö otiwanö kwö'wachaduwobö ja̧kobe, —jö̧ba̧lö yöawinobe, jokwaijayonö yöawi̧ tja̧ja̧kwobö tjöpöjödinobe.

Isaías 28:12 ပူးပေါင်းရင်းမြစ်များ

Isaías 11:10

Ja̧danö, ja̧ möle bandera ötjabi̧ jawa öwawi̧danö, Isai itji̧ tupadanö jojo la'aka luwo̧ma öwawinö öjamatakwo̧, okobe deinö bö̧jȩnö ju̧kwadöma joba ö̧jobekwö ko̧ko̧kwö tji̧'yakobetjö̧. Ja̧danö, öba a'o ichibajadö, tjitebotenia jojodöma jo̧banö abebö tja̧ja̧kwakwedö, otiwanö ja̧bö tjö̧jakwa̧ tjöwaisakobetjö̧. Ja̧ mö̧le, isabenö okobe deinö jojodöma jo̧ba itebo comunidad ösödö otiwanö tjomukwatakwedö, —Duluwo̧ itebo comunidadma dejatinö salöi̧ comunidad, —jö̧ba̧lö.

Isaías 29:12

Ja̧danö kwiyalu wajwibo̧nö iyö, —Yöba̧li̧, —jö̧ba̧lö wetjitjö̧ma, —Dakwö yöta̧lobö, kwiyalu wajwibo̧sa, —jö̧ba̧lö atadakwo̧, jö̧tö? Jobadödanö ichejekwadöja chömöledö, yötawi̧ kwa̧ja̧kwaduwijayonö, okwa jawa do̧kataduwokobetjö̧.

Isaías 30:15

Jobekwö isabenö baledakwawö̧ja chömöledö, Dios yöawi̧ kwöpöjödinaduwobetjö̧. Jau chömöledö, Isabenö Jo, Israel jojodö tjösödökwe Sulabe Jwibo̧ Diosma ökwödönö yöawinobe, —Sulabenö kwomukwataduwi̧ kabatibö, tjebachajö ötjönö kwo̧'wo kwöwana̧laduwitjö̧ma, kwö̧jibaduwakwedöja. Kwujuluduwi̧ma, ökwödöda jawamaökö, wi̧inö ja̧nö, ötjönö ösödö kwo̧'wo kwöwana̧laduwitjö̧ma, ja̧ kwösödaduwi̧da kwujuluduwi̧danö ja̧kobe, —jö̧ba̧lö yöawinobe. Jo̧kwaijayonö yöawi̧ a̧ja̧kwajadö, kwösödaduwoböma öpöjödinadöja chömöledö.

Isaías 32:17

Ja̧danö otiwanö Dios wei̧ a̧ja̧kwö tjö̧jiökwe, wene jwiinö ölakwabikwawökönö tjö̧jobö pjaatakobe. Okobe jwiinö ditebo ba̧kwemwachibanö, lekwe möle wene jwiinö tjö̧jakwedö, ja möle ju̧kwadö Dios wei̧ a̧ja̧kwö tjö̧jobetjö̧.

Isaías 32:18

Jau, ja̧ möle chömöledö Juda jojodöma otiwanö ölakwabikwawa jwiinö otiwanö tjö̧jakwedö, wene jwiinö tjeju 'diejunö tjö̧jakwedö, otiwanö wi̧inö ö'wachö tjö̧jakwedö.

Hebreos 12:25

Chömöledö, Diosma böjȩnö mö'ösa'otjö weinobe Moisésnö, böjȩnö jo̧nöma, da'dödöminenö yöawobö. Ja̧danö Moisés jobadönö yöawinobe, Dios wei̧ da̧ja̧kwobö jo̧be, ökwödönö lȩebapji jö̧ba̧lö. Jo̧kwaijayonö jobadöma Moisés yöawi̧ma tja̧ja̧kwijayonö tja̧ja̧kwinokobe, Dios wei̧ma. Jo̧kwaobetjö̧ Diosma lȩebinobe jobadönöma. Yötawaduwakwö chömöledö. Dios wei̧ Moisés yöawina, böjȩnö mö'ösa'otjöda yöawinama Dios mölejȩbetjö wei̧ yöawinanötjö nijakwönönö mikwawobe ¿jö̧tö? Jo̧kwaobetjö chömöledö ¿ökwödöja? Diosma iteda Itji̧nöda mölejȩbetjö weinobe ökwödönö yöbawö. Diosma böjȩnö mö'ösa'otjö wei̧ a̧ja̧kwöködönö lȩebinadanö ¿lȩebökenaji̧ iteda itji̧ Jesús yöawi̧, Dios mölejȩbetjö wei̧ yöawi̧ a̧ja̧kwöködönöma? Yelösöda da'dödöminenö lȩebinatjö o̧penönö ökwödönöma lȩebena chömöledö, iteda Itji̧ yöawi̧ weina da̧ja̧kwaduwökötjö̧ma. Isabenö lȩebakwawö̧sa, Dios mölejȩbetjö wei̧ yöawi̧ma böjȩnö mö'ösa'otjö yöawi̧nötjö o̧penönö mikwawobetjö̧.