Isaías 26:20 - Dios Iwene

²⁰ Isabenö jobekwö pjaatakwo̧ yadakwö chömöledö. Jo̧kwaijayonö babema dameakwö lȩbebo̧ Diosma chömöledö, jo̧kwajabetjö̧ okwasȩko̧ tebachö, apjude kwutumataduwo chömöledö. Ja'yubenö lekwe kwu̧ju̧kwawaduwo, Dios dameakwö lȩebi̧ma 'dö̧ibajenanö kabatö.

Isaías 26:20 ပူးပေါင်းရင်းမြစ်များ

Génesis 7:1

Jemi ikenama Isabenö Jo̧ma webijetö Noénö: —Noé, chedemi böjȩnö ju̧kwadötjö ökwöda ötjö weti̧ a̧ja̧kwö ja̧jibo̧ma. Jo̧kwaitjö̧ wetakwö: Isowi okwa tebachi, kwilekwokwö, kwi̧tji̧mukwö, kwo̧jo̧li̧mukwö.

Génesis 7:16

Iso̧kwö isujukwö tebachijadötö Dios wei̧danö. Ja̧danö, okobe deinö tetjachaja̧ ikena Isabenö Jo̧da tumatijetö apjudema.

Diosnö ösödo̧ Job mikwo̧ usula emawina jawa 14:13

—Chuluwo̧ Dios, baikwö chösödi̧ yöta̧lakwö, ö'wö babibinadö tju̧ju̧kwemi ötjönö tojö kwujunobö chösöda, inesö ötjönö kwödameakwi̧ seachibenanö kabatö. Tupakwö yemidanö ötjönö kwomukwatakwa̧ möle omudawö kwujunobö chösöda, ja̧danö ja̧ mölȩda yemidanö ötjönö kwomukwatobö chösöda chuluwo̧.

Proverbios 18:10

Ja̧danö, ju'wibi yötawa: Isabenö Jo̧ma jo̧banö tjo̧'wo̧ wa̧na̧ladönöma te'ada̧lo̧. Wanedö yötawa: Isabenö Jo̧ma o̧do möeju, 'diinö otikwejudanö wanekwacho̧. Jo̧banö tjo̧'wo̧ wa̧na̧ladöma labi̧ jawa ichena jeju jo̧bekwö juluwanö ö'öbakwawö tetjachi̧danö tjö̧jibobö tebachadö.

Proverbios 22:3

Ja̧danö, ju'wibi yötawa: Isabenö, ö'wiyawakwawönö omukwato̧ma labi jawa baledakwa̧ waiso̧, chedemi labinö baledakobe, jö̧ba̧lö. Jobekwö öwaisasobetjö̧ itedada te'ada̧lo̧, labi̧ jawa baledobekwöma i̧'yapji jö̧ba̧lö. Jobekwö omukwatokobe jweinö omukwatobö wajwibo̧ma. Jo̧bama omukwatökönö labi̧ jawa baledobekwö 'yo̧. Ja̧danö, labobekwö i̧'yobetjö̧ yelösöda usula emawakwo̧.

Isaías 10:25

Ja'yubenö lekwajabetjö ökwödö israel jojodönö inesö chödameakwi̧ma seachibakobe, ja̧danö ökwödönö chödameakwi̧ seachibenama, jobadö Asiria jojodönöda chödameakwi̧ chi̧sȩbakwo̧sa, jobadönö söbebö lotakobetjö̧.

Isaías 10:5

Baikwö yöawobe Diosma: —Isabenö lȩtebakwawö̧ Asiria jojodönö. Jobadö Asiria jojodöma, ö̧sö̧'a inesö chödameakwi̧ ichejekwö̧'adanöbedö, ja̧danö jobadönötjö̧ lȩtebobe chödameakwawö̧nöma.

Isaías 13:5

Ja̧danö jobekwö o̧ko̧kodajawö̧, ödö tjitebo, bö̧jȩ bajale ji̧ tjitebotjö ichadö. Jau, ja̧ ökwöi̧ kwa̧ja̧kwaduwi̧ma, Isabenö Jo̧ lȩebakwa̧ tjotidakwedö tjichobe ökwöobe, ja̧danö weawö̧, jwiinö söbebö lotjakwedö Babilonia nijima.

Isaías 34:2

Isabenö Jo̧ma ödameakwobe tjitebotenia jojodönö, jwiinö dameakwo̧ tjitebokwena ölakwabikwawa jojodönö, ja̧danö dameakwö jobadönö söbebö loakobe, ö'wö batjibanö lȩbebö loakwo̧.

Isaías 51:16

Ja̧danö ötjöma ötjöda yötawi̧ ökwödönö chijayabe, yöka̧laduwobö, ja̧danö ötjöda chömamunö ökwödönö tjöbeba̧lö chösadobe, wene jwiinö kwö̧jaduwobö. Jau chömöledö, ötjöda mölejȩ otidö nöninasa, ja̧danö ötjöda bö̧jȩ la'aka lödinasa, ja̧danö ötjö jobekwö otidinama ökwödö Jerusalen jojodönö yöta̧lajabe, —Ökwödöma ötjöda chömöledöja, —jö̧ba̧lö, jo̧kwajabetjö̧ isabenö kwöpöjojodöduwitjö kwö̧jibaduwakwedöja.

Isaías 51:4

Chömöledö, yötawi̧ otiwanö kwa̧ja̧kwaduwo, yötawakwa̧ otiwanö kwa̧ja̧kwaduwobö jo̧be chö̧mö̧ledö̧. Jau chömöledö, bö̧jȩ ba̧kwemeachibanö ju̧kwadönö chö̧ba̧ja̧di̧ yötjawobö wetakwo̧sa, ja̧danö ja̧bö tjö̧jobö weti̧ma, tjitebotenia jojodönö dejuwa̧'yudanö ja̧kobe.

Isaías 66:14

Ja̧danö chömöledö, jobekwö baledobe edö, kwo̧'woduwi ösöwachibanö kwö̧jaduwakwedöja. Dios otiwanö pjaatobetjö̧, meje'ye juluwanö pokwi̧danö, juluwanö kwujuluwachibaduwakwedöja. Jau, ja̧ möle iteda ömöayedönö otiwanö pjaatiawö̧, okobe deinö edö tjöawaisakwedö, —Diosma isabenö juluwo̧, iteda ömöayedönö otiwanö pjaatakobetjö̧, —jö̧ba̧lö. Ja̧danö ju'wibi edö tjöwaisakwedö, —Diosma isabenö dameakwö lȩbȩbo̧, iteda öpöjojodönöma, —jö̧ba̧lö.

Daniel 11:36

Tupakwö yöawinobe ángelma: —Jo̧ba Siria la'aka luwo̧ma iteda ösödi̧danö ja̧akobe. Ja̧danö yöa̧lakobe, ötjöma okobe deinö diosbedötjö bajalekwönönö juluwo̧sa jö̧ba̧lö, ja̧danö jojodö tjöbajale jalaka baibanö Okobe Jwiinö Juluwo̧ Diosnöbi sulabenö yöa̧lakobe, mikwawö̧kö̧, ujulu jwibo̧ jö̧ba̧lö. Ja̧danö jejenö sulabenö ja̧ijayonö, ina iteda ösödi̧danö ja̧obö ja̧kobe, Dios jo̧banö lȩebobö badedö ujunina möle badekwachenanö kabatö, ja̧danö ja̧ mölema, Diosma jo̧banö dameakwö labinö lȩebakobe.

Mateo 23:37

Jesúsma Jerusalénnö ju̧kwadönö o̧'wo̧ tjo̧achö yöa̧linobe: —Ökwödö Jerusalénnö ju̧kwadöwe. Ökwödöma Dios yöawi̧ yöbawadönö kwabawö lobadöja, ja̧danö ökwödönö yötjawobö Dios weawö̧nö inawiya ikwawö lobadöja. Isabenö nöinö ökwödönö wo̧batö chite'ada̧lobö chösödijatö, akalasuju ji̧tji̧munö jo̧wa̧ja̧pa̧ teebe ko̧ko̧dö junö jite'ada̧li̧danö, jo̧kwaijayonö kwöpöjödaduwobe.

Mateo 6:6

Jau chömöledö, ökwödö Diosnö akebaduwenama, isȩko̧ okwa tebachö, apjude tumatö, jojodö wajwitjonö Kwabe'doduwinö akebaduwo. Ja̧danö, jejenö akebaduwiökwe, jojodö tjedökö jawa edo̧ Kwabe'doduwima, akebaduwaja̧ mikwa baibanö pjaatakobe.