Isaías 26:19 - Dios Iwene

¹⁹ Jo̧kwaijayonö, Diosnö ösödadötjö ö'wö babibajadöma, isabenö a̧tjabayedö yemidanö 'yatjibakwedö. Jo̧kwajabetjö̧ ökwödö nijiso̧pjanö ba̧jadöma, wilubö kwo̧'woduwi ösöwachibanö lo̧köbaduwo. Jau, 'yakibaduwanö idejatakwo̧ Diosma, si̧li̧'idö tji'oli pokwi̧ pokwobö pjaati̧danö, Dios ökwödönö dejatima 'yakibaduwanö idejatakwo̧. Wanedö yöta̧la, jojosuju jitji̧nö jemi̧danö bö̧jȩma jojodönö emakobe ichejekwa, niji okwa ju̧kwadö ö'wö babibinadöma yemidanö 'yatjibajakobetjö̧. jö̧ba̧lö lo̧tjakwedö.

Isaías 26:19 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 14:8

Jau, bö'diya ida̧ökö lekwe möle niji okwa ji̧najayonö, ja̧danö la'aka ida̧ökö jamatö woijayonö,

Diosnö ösödo̧ Job mikwo̧ usula emawina jawa 29:19

Ja̧ möle towi 'diowi, bö'dia ojwiyo jȩmi söowidanö chichejekwijatö, jadanö yö̧te baledibanö si̧li̧'idö tji'olitjö 'yoliwowidanö chichejekwijatö, otiwanö chö̧jinobetjö̧.

Isaías 18:4

Jau, jobekwö isabenö baledakobe, Isabenö Jo̧ma baledakwa̧ ötjönö yöawinobetjö̧, baikwö: —Ötjö Diosma wi̧inö janö, chöjelö edö chö̧jakwo̧sa, möle jawo̧ wi̧inö tjo̧'omanö utubedi̧danö, ja̧danö wa̧ji̧ emajitjena si̧li̧'idö tji'oli wi̧inö yoliwi̧danö, wi̧inö ba̧nö cheda̧lakwo̧sa.

Isaías 25:8

Ö'wö baibakwawabi söbebö loakobe duluwo̧ Isabenö Jo̧ma, ja̧ möle tupakwö, la'akatjöda ö'wö batjibökakobetjö̧. Ja̧danö o̧'wo tjo̧achö tjubudesobuma, okobe deinö tjöbajaletjö 'do̧bebö loakobe. Ja̧danö, ökwödö israel jojodö, iteda ömöledö tabakwö dö̧ji̧bi söbebö loakobe, jemi tupakwö la'akatjöda tabakwö dö̧jökakobetjö̧. Jobekwö yöawajabe Isabenö Jo̧ma, ja̧danö isabenö yöawaja̧danö badekwachinö baledakobe.

Isaías 51:17

Ökwödö 'dukwachawö̧danöbedö Jerusalen jojodöma, wilubaduwi, wilubö a̧la̧ibaduwi. Wanedö yöta̧laduwakwö, Isabenö Jo̧ma iteda ödameakwi̧ a̧ja̧'do̧ deja'do̧tjö kwowaduwobö iyinobe, ja̧danö iyajawö̧, okobe jwiinö kwowaduwajabe, ja'yubebi ji̧bökönö kwowaduwajabe, inesö yeabikwawa jawa deja'do̧ a̧ji̧ma.

Daniel 12:2

Ja̧danö ja̧ mölema, ba̧jekwadö ö'wö babibinadötjö tjebachajö wilutjakobe. Ja̧danö, wilubajadötjö ju'wedöma ba̧kwȩlö̧jatebö Dioskwö tjö̧jakwedö, ja̧danö jobadötjö ju'wedöma Dios lȩebawö̧ ba̧kwȩlö̧jatebö taba lö̧jawö̧ tjö̧jakwedö.

Mateo 27:52

Ja̧danö wobiakotjö, jojodönö tjo̧tjinemi po̧ebinobe, ja̧danö ba̧jekwadö Dios ömöledötjö wobinadöma yemidanö 'yatjibajinobe.

Mateo 27:58

Jo̧ba Joséma, Pilato ö̧jobekwö 'ya̧nö aebinobe, Jesús iteba'o emö ödobö. Jejenö aebökwe, Pilatoma weinobe, Jesús iteba'o jo̧banö tjiyobö,

Hechos 24:15

Ja̧danö, ötjöma, bidödanö te'ada̧lo̧sa ju'wi möle Dios jojodö wobinadönöma yemidanö 'yatjibajinö ja̧akwa̧ma, suli̧ jwibadönöbi, suli̧ juna̧ladönöbi.

1 Corintios 15:20

Jo̧kwaijayonö, jobadöwe jö̧ba̧lö ökwödönö tjomukwatoböma jwia chömöledö, Cristoma isabenö woawatjö tjeachajinobetjö̧. Jau chömöledö, Diosma Cristonö tjeachajinö ja̧inobe, ja̧danö jejenö Cristonö tjeachajinö ja̧bö, wobinadö woawatjö tjetjachajakwa̧ wene yöbawö ujuninobe Diosma chömöledö.

Efesios 5:14

Jejenö omukwatö bakwo̧ma damötjö wȩyudijetö biya̧, damötjö lo̧awadanö: Wilubaduwi ökwödö aba̧ladödanö ju̧kwadöma. Yemidanö 'yabibajaduwi ökwödö wobinadödanö ju̧kwadöma. Cristoma ökwödö kwo̧'wo̧ luwo̧duwi okwanö dewinö idejatakobe kwöwaisachibaduwobö. Jejenö wȩyudijetö damötjö.

Deuteronomio 32:2

Lo̧bö yöta̧li̧ma, ojwiyo o̧bi̧ pjaati̧danö ichejekwobö chösöda, baikwö yöta̧la̧: Si̧'i̧lidö ti'olibi, tjo'omanö ojwiyo o̧bi̧bi meje'ye pokwobö pjaati̧, ja̧danö ojwiyo obi̧ yayinö pokwi̧ otiwanö da̧peachobö pjaati̧, jö̧tö? Lo̧bö yötali̧bi jejenö kwö̧da̧peachaduwinö yöta̧lobö chösöda.

Deuteronomio 33:13

—Ja̧danö Jose itji̧mu sasokwena jojodönö baikwö yöta̧la: Isabenö Jo̧ otiwanö jobadö tjitebo niji pjaatobö chösöda, mölejebetjö si̧li̧'idö tji'oli weobö chösöda, ja̧danö niji teebe ojwiobi otiwanö weobö chösöda,

Deuteronomio 33:28

Jo̧kwajabetjö̧, israel jojodöma wene jwiinö tjö̧jobe, Jacob itji̧mu tupadanö jojodöma labokobe otiwanö tjö̧jobe. Israel nijima, si̧li̧'idö ti'oli otiwanö tjoduwemi, ja̧danö trigojaye waji̧bi, ubasobubi nöinö jȩmi niji̧.

Filipenses 3:10

Jwaikwöda Cristonö chöwaisobö chisakwobe chömöledö, ja̧danö jo̧ba ujulu chöwaisobö chisakwobe. Jau chömöledö, Cristoma isabenö juluwo̧obetjö̧, woawatjö tjeachajinobe, ¿jö̧tö? Ja̧ Cristo ujulu chöwaisobö chisakwobe. Jo̧kwajabetjö̧ chömöledö, wanedö yötawa: Jo̧bakwö bakobe usula chemawobö chisakwobe, ja̧danö jo̧ba woinama, jo̧bakwö bakobe batibobö chisakwobe, jo̧ba woawatjö tjeachajinadanö ötjöbi tjetachajobö.

Filipenses 3:21

Jo̧ba ichenama, diteba'o böjȩ jawasa'o balewachinö ja̧akobe chömöledö, iteda iteba'o otiwa'o juluwa'odanö ökwödöbi dujuna̧lakobetjö̧. Jau chömöledö, Duluwo̧ Jesucristoma okobe jwiinö juluwo̧, okobe deinöbi okobe jwiinöbi ujuluwo jö̧ba̧lö, ja̧danö ja̧ iteda ujulunö, döbalewachinö ja̧akwo̧.

1 Samuel 2:6

Isabenö badedö edö jwebebo̧ Isabenö Jo̧ chuluwo̧ma, woawabi ja̧kwawabi luwo̧ma jo̧bada. Ju'wedönö ö'wö batjibobö weonö, ju'wedönö 'yatja̧lobö webo̧ Diosma.