Isaías 26:10 - Dios Iwene

¹⁰ Jweinö lȩkebi̧ma isabenö otiwa chuluwo. Sulabedönö lȩbebökönö, jobadönö dösölö̧jinö kweditjö̧ma, sulabenö tjomukwati̧ kabatibökönö, weköbi̧ a̧ja̧kwökönö tjö̧jo jö̧tja̧lena. Weköbi̧ a̧ja̧kwö ju̧kwadö tjö̧'dade ja̧nö, jwaikwöda sulabenö jabö tjö̧jo jö̧tjalena. Jau, sulabedönö lȩkebökötjöma, ökwönö tjöwaisachibökena, —Isabenö Jo̧ Diosda inesö la'aka luwo̧ma, —jö̧ba̧lö tjöwaisachiboko jö̧tja̧lena.

Isaías 26:10 ပူးပေါင်းရင်းမြစ်များ

2 Reyes 13:6

Jo̧kwaijayonö, jobekwö otiwanö israel jojodönö pjaatinajayonö, Jeroboan sulabenö otidinawö o̧'wo jawa katjatibinokobe. Ajayinö, Jeroboanma israel jojodönö sulabenö weinobe, otidinawö̧ o̧'wo jawa tjösödobö, ja̧danö jwaikwöda jobadönö ösödö tjö̧jinobe israel jojodöma. Ja̧danö, ju'wibi Asera ötjaboko jo̧'wo jawa Samarianö ju̧junö söbebö lotjinokobe, ja̧danö jemi tupakwö Asera jo̧'wo jawama ina Samaria comunidadnö jö̧jobö sulabenö wetjinobe.

Éxodo 8:15

Jejenö Isabenö Jo̧ma jwo̧i̧dönö wotjobö weijayonö faraónma, tjo̧wi otiwa, jwo̧i̧döma wotjajabe, jö̧balö edena ina omajade 'diinö ji̧jetö. Ja̧danö, Isabenö Jo̧ yöa̧linadanö a̧ja̧kwijökötö Moisés, Aarón atjebi̧ma. Israel jojodönö latjebobö webijökötö.

Éxodo 9:30

Jo̧kwaijayonö ökwönö, kwipjea jojodö kwömöayedönöbi chöwaisa: ina yekaibaduwökökwe Isabenö Jo̧nö, ökwödö Dösödökwe Diosnöma.

Éxodo 9:34

Ikenama faraónma jejenö ojwiyo o̧bökönö, böba kwaökönö, inawiyadanö ichekwi̧ tjoduwökönö baibajabe edö, tjo̧wi̧ baibajabe, jö̧ba̧lö yemidanö jelobekwö omukwatö öpöjödijetö. Jo̧babi, ipjea ömöayedöbi ina tjomajade 'diinö ji̧jadötö.

Proverbios 1:32

Isabenö yötawaduwakwö: Ötjö yötawi̧ öpöjödö jelobekwö omukwatadöma wajwitjobe jweinö omukwatö tjö̧ji̧ma. Ja̧danö, yötawi̧ tjöpöjödobe, da̧ja̧kwobö jwiobe, da̧ja̧kwokobe, jö̧ba̧lö. Jo̧kwaobetjö̧ yelösöda söbebö lotjakwawö̧.

Isaías 1:21

Jerusalen comunidadwe! Ajayinö Jerusalennö ju̧kwadöma, otiwanö Diosnö ösödö tjö̧jinobe, jo̧kwaijayonö babema bakwuju jilekwebö̧kö̧kwö sulabenö 'da̧'da̧bakwawuju jalewi̧danö, ju'wedö tjösödawö̧nö sulabenö ösödö tjö̧jobe. Ja̧danö ajayinö Dios wei̧ otiwanö a̧ja̧kwadö Jerusalennö tjö̧jinajayonö, babema jojodönö kwabawö lobadöda Jerusalennö tju̧ju̧kwobe.

Isaías 2:10

Isabenö iteda dejatinö ujulu i̧sȩbö lȩebakwo̧ Isabenö Jo̧ma, isabenö iteda inesö la'aka luwo̧ ö̧ji̧ otiwanö dewinö i̧sȩbakwo̧. Jo̧kwajabetjö̧ ökwödö sulabenö ja̧badöma Dios öba a'otjö kwuju̧kwawaduwobö ja̧kobe, inawa ötöla okwa tebachö, ja̧danö nijiso̧pja̧nö ju̧kwawö kwö̧jaduwobö ja̧kobe, inesö juluwo̧ lȩebakobetjö̧.

Isaías 24:5

Ja̧ baledakwa̧ baikwö labebö lobö yöta̧la: Bö̧jȩnö ju̧kwadöma Dios wei̧ a̧ja̧kwökönö tjö̧jajabe, ja̧tjoko jö̧ba̧lö wei̧ a̧ja̧kwökönö sulabenö ja̧tjajabe, ja̧danö jobekwö sulabenö ja̧tji̧ma bö̧je samajabe, sulaböjȩ yȩöje baibanö. Jau, Diosma 'dö̧ibajökö ji̧ yöbawö junawa jawa jobadönö yöbawö ujuninobe, —Weti̧ a̧ja̧kwö kwö̧jaduwobö jo̧be, —jö̧ba̧lö, jo̧kwaijayonö wei̧ a̧ja̧kwökönö sulabenö ja̧bö tjö̧jajabe, bö̧jȩnö ju̧kwadöma.

Isaías 27:13

Jau, ja̧ möle badekwachenama, trompeta labinö ökwöakobe, ja̧danö israel jojodötjö jobe ju̧kwadöma tjitebobe israel nijibe tjetjachajakwedö. Jau, Dios lȩebajawö̧, ba̧jȩkwadö Asiria nijitjö tjile'dewakwedö israel jojodöma, ja̧danö ju'wedönö a'dewö loakobe, Egipto nijibe. Jo̧kwaijayonö ja̧ möle badekwachenama, ditebobe tjetjachajakwedö, ja̧danö tjebachajadö, Dios itea'o mösa'obe, Jerusalen comunidadbe tjichibakwedö, jobetjö Isabenö Jo̧ Diosnö tjösödakobetjö̧.

Isaías 32:6

Isabenö wajwibö, jweinö omukwatöködönö otiwanö kwomukwataduwobö jwiobe chömöledö, jobadöjayedöma sulabenö yötja̧lobetjö̧, jadanö sulabenö jatjobö omukwatö isakwadö. Jobadöma Dios öpöjödi̧ jawa sulabenö jabadö, ja̧danö Isabenö Jo̧nö yötja̧lenama, jweinö yöba̧lökönö ö'öbönö sulabenö yöba̧ladö Isabenö Jo̧nö. Ja̧danö ju'wibi a̧wi̧chi̧ tjöbadönöma, kwakwawa iyöködö tjukwobö, ja̧danö o̧ti̧tjö tjöbadönö ojwiyo iyökönö, sulabenö a̧'dȩladö.

Isaías 32:7

Suli̧ waedadöbi ja̧danö, jobadönöbi otiwanö tjomukwatobö jwiobe. Jobadöma sulabenö omöna yöba̧lö jojodönö suli̧ waedadö, ja̧danö sulabenö ja̧tjo̧bö omukwatö junadö. Usula emawadönö suli̧ tjöwaedotö jö̧ba̧lö, sulabenö omöna yöba̧ladö. Jwibo̧ma lȩekwa luwo̧ öba a'o ja̧nö, jweinö yöawenabi, yayonö jo̧banö suli̧ tjöwaedotö jö̧ba̧lö omöna yöba̧ladö, suli̧ waedadöma.

Isaías 5:12

Ja̧danö ba'ali junö, lo̧awa jawa arpabi, lirasbi, tamboresbi, flautasbi kwujuna̧laduwijayonö, jadanö ubasobu kwujuna̧laduwijayonö, Isabenö Jo̧ otidi̧ jawa omukwatöködöja. Jau, Diosnö omukwatö, —Isabenö inesö otiwi̧ jawa otidajabe duluwo̧ Isabenö Jo̧ma, —jö̧ba̧lö kwomukwataduwo jö̧ba̧ladöja, jo̧kwaijayonö omukwatöködöja.

Mateo 4:5

Jemi ikenama Awetjama Jesúsnö öbibö i̧'yinobe Jerusalénbe, Dios ejutjö wa̧pekwobe,

Deuteronomio 32:15

Jejenö iyiawö̧, tjomeawinö tjukwinobe israel jojodöma, o̧tewadö batjibanö. O̧tewadö babibö, nötja̧chibinobe, inesö o̧tewadö batjibanö, ja̧danö jobadönö otidina Diosnö katjatibinobe, tjö̧jibinö pjabato̧ inawadanöbo̧ Diosnö obö katjatibinobe.

Apocalipsis 2:21

Ötjöma chite'ada̧lijatö sulabenö jomukwati̧ kabatibö jöbalewachoböma. Jo̧kwaijayonö chedemi jobujuma yelösöda 'dibuju. Sulabenö ja̧ji̧, jelo̧ jelo̧kwöma, Katatibökö, jö̧ba̧lö, jöpöjödobe.

1 Samuel 15:17

Ikenama Samuelma Saulnö yöawinobe Isabenö Jo̧ Saulnö yöa̧li̧ma: —Ajayinö kwomukwatinobe, ökwödada, ju'wedö israel jojodötjö baikwönönöbo̧sa jö̧ba̧lö. Jo̧kwaijayonö israel jojodö bakwasokwena jojodö la'aka tjuluwo̧ babibinaja, ¿jö̧tö? Jau, Isabenö Jo̧ma ökwönö omudawö ujuninobe, Israel jojodötjö inesö la'aka luwo̧ bakibanö.