Isaías 25:6 - Dios Iwene

⁶ —Bi'o Jerusalen mösa'onö, Isabenö Jo̧ Okobe Jwiinö Juluwo̧ Diosma ba'ali ujunakobe, okobe deinö tjitebotenia jojodö tjukwobö. Inesö otiwi̧ ba'ali ujunakobe, söi̧ kwakwawabi tjukwobö, ja̧danö ubasobu o̧'dobu, jwiinö otiwi̧ lekwe möle tjo̧'omanö o̧'dibina ubasobu tjowobö. Jau, jwiinö tjösödi̧ 'wai̧ itebiyakwöbi, jwiinö otiwi̧ lekwe möle tjo̧'omanö o̧'dibina ubasobukwöbi ba'ali ujunakobe, tjitebo tenia jojodö tjukwobö.

Isaías 25:6 ပူးပေါင်းရင်းမြစ်များ

Isaías 1:19

Jau chömöledö, isabenö otiwanö omukwatö, –Dios wei̧ a̧ja̧kwö dö̧jo, –jö̧ba̧lö weti̧ a̧ja̧kwö kwö̧jaduwitjö̧ma, isabenö otiwanö pjatatakwo̧sa, jadanö yemidanö kwiteboduwi batjo jawa otiwanö kwukwaduwakwedöja.

Isaías 25:10

—Isabenö Jo̧ Diosma isabenö iteda ömamu bi'o Jerusalen mösa'onö 'bieba̧lakobe ichejekwa, bi'otjö iteda ujulu i̧sȩbö ökwödönö pjaatakobetjö̧. Jadanö ökwödö israel jojodönö pjabatö, Moab niji jojodönö lȩebakobe. Wanedö yöta̧la, tjide'o wame me'je'ye kököa'ye tjö̧ja̧tidanö, Moab niji jojodönö ja̧tö loakobe.

Isaías 56:7

Jobadönö öbibö chichejebocha, ötjöda chitea'o mösa'o Sion mösa'obe, ja̧danö jobadö cheju, ötjönö aekwejube ichibajadönö, tjo̧'wo ösöwachibanö pjatatocha. Ja̧danö jwiinö ubinö iyawabi, ötjökwö ösökwö ja̧kwawa iyawabi, ötjönö iyawapjotjö tjiyenama, tjiyaja̧ chösödakwo̧sa, —Ötiwanö ötjönö ösödö iyadöja, —jö̧ba̧lö. Jau chömöledö, ötjö chejuma, —Tjitebotenia ju̧kwadö Diosnö atjebeju, —jö̧ba̧lö ötjabikobe, israel jojodöbököböbi jobetjö ötjönö tjösödakobetjö̧, jö̧ba̧lö yöawobe Isabenö Jo̧ma.

Daniel 7:14

Ja̧danö Diosma jo̧banö iyobekwö chedatö, inesö la'aka luwo̧ baibobö. Dejatinö ujulu jo̧banö iyatö, ja̧danö yöbawö weakwa̧bi iyatö, okobe deinö böjȩ bakwameachibanö ju̧kwadö jo̧ba wei̧ tjotidobö, tjitebotenia ju̧kwadöbi, tjiwenetenia yöba̧ladöbi. Jo̧ba yöbawö wei̧ma, ba̧kwȩlö̧jatebö 'dö̧ibajökenanö yöbawö weakwo̧. Bakwo̧bi la'akatjöda söbebö loökakobe jo̧ba yöbawö wei̧ma, 'dö̧ibajökenanö kabatökönö yöbawö weakwo̧.

Mateo 26:29

Isabenö yötawaduwakwö chömöledö, babe ökwödökwö chowi̧danöma yemidanö bobu ubasobu o̧'do̧bu chowökakobe, Chabe'do la'aka luwo̧ ö̧jena ja̧nö, 'yayobu ökwödökwö chowenanö kabatö— jö̧ba̧lö yöawinobe.

Mateo 8:11

Isabenö yötawaduwakwö, Mölejȩbe jo̧ Dios la'aka luwo̧ ba̧nö weenama, ba̧jekwadö Israel jojodöböködö jelobetjö ichajadöma ichö mesasötenö tjöbamatakobe Abrahamkwö, Isaackwö, Jacobkwö.

Marcos 16:15

Ikenama Jesúsma jö̧ba̧lijetö jobadönö: —Wetaduwakwö. Böjȩ okobe jwiinö 'ya̧duwi Dios otiwa jawa wene okobe deinö Dios otidinawö̧nö yökawaduwo.

Lucas 22:30

Jau chömöledö, inesö la'aka luwo̧ ja̧nö, yöbawö wetocha, ja̧danö ökwödö chöba̧ja̧di̧ waisachadönö chiyobe, ötjökwö yöbawö weköbaduwobö. Jo̧kwajabetjö̧ ötjökwö luwedö kwö̧jaduwobetjö̧, ötjö ba̧nö chukwöte mesasötetjö ökwödöbi kwanöbi kwukwaduwakwedöja, ja̧danö owöbi kwowaduwakwedöja. Ja̧danö, ju'wibi Israel jojodö a̧li̧nösamutjö dösolataja saso jojodötjö tjuluwedö ja̧nö, luwedö tjiteaka wa̧kwawaökiya wamatö jobadönö yöbawö weköbaduwakobe— jö̧ba̧lö yöawinobe Jesúsma, iteda öba̧ja̧di̧ waisachadönöma.

Lucas 5:39

Ja̧danö, kwöwaisaduwa, damösobu ubasobu owadöma, 'yayobu öpöjödadö, damösobuda o̧penönö otiwa— jö̧ba̧lö wanedö yöawinobe Jesúsma. Jobekwö wanedö yöawinobe Jesúsma, damötjö jawa yöawakwawama damötjö jawa, ja̧danö 'yayi̧ jawa yöawakwawama 'yayi̧ jawa, ja̧danö damötjö jawakwö pjabacha̧löma jö̧kö̧ jö̧ba̧lö, ja̧danö damö yöawakwawa ösödadöma 'yayi̧ jawa yöawakwawama tjöpöjödena jö̧ba̧lö.

Hebreos 12:22

Jejenö ji̧nobe da'dödömine Dios ö̧jobekwö tjichibinama. Ja̧danö, ja̧ baledina ökwödönö i̧sebobe Dios ajayinö yöbawö ujunina wei̧ jamatö 'yi̧na, Dios wei̧ Moisés iwȩyudinama. Jo̧kwaijayonö chömöledö, jejenö baledinokobe ökwödö, Jesúsnö ösödadönöma. Dios 'yayi̧ balekwa yöbawö ujuni̧ma jejenöma jamatö 'yi̧nokobe, ökwödö Dios ö̧jobekwö kwichibinaduwama. Ökwödö Dios ö̧jobekwö kwichibinaduwama, da'dödömine ja'o mö'ösa'o yebabinö tjichibinadanömaökö. Ökwödöma jele'o, Sión mikwa'o, ja̧danö mölejȩbe Jerusalén mikwa'o jo̧bekwö ichibinadöja, 'yaba̧lo̧ Dios ö̧jobe wanekwacha'o jo̧bekwö. Chömöledö jobe kwo̧'wo̧ luwo̧duwinö ichibö Dioskwö ju̧kwadöja. Ja̧danö, jobema ángelesdö ba̧jekwadö ko̧ko̧kwa̧lö, tjo̧'wo̧ ösöwö, Diosnö jwiinö ösödö tjö̧jobe.

Apocalipsis 19:9

Ikenama ángelma weijatö ötjönöma, chiwȩyudobö: —Biya̧ yöta̧li̧ma wȩyudi. Obeja Itji̧danö Jo̧ ilekwonö emi̧ pjiesta jobe tjichobö a̧debajawö̧ma, tjo̧'wo̧ ösöwanö ichö tjedakwedö. Ja̧ yöta̧li̧ma Diosda yöawi̧, isabenö yöawi̧ma— jö̧a̧lijatö ángelma ötjönöma.