Isaías 25:10 - Dios Iwene

¹⁰ —Isabenö Jo̧ Diosma isabenö iteda ömamu bi'o Jerusalen mösa'onö 'bieba̧lakobe ichejekwa, bi'otjö iteda ujulu i̧sȩbö ökwödönö pjaatakobetjö̧. Jadanö ökwödö israel jojodönö pjabatö, Moab niji jojodönö lȩebakobe. Wanedö yöta̧la, tjide'o wame me'je'ye kököa'ye tjö̧ja̧tidanö, Moab niji jojodönö ja̧tö loakobe.

Isaías 25:10 ပူးပေါင်းရင်းမြစ်များ

Isaías 10:31

Asiria luwo̧ ichibiawö̧, Madmena comunidad jojodöma döbibajadö, ja̧danö Gebim comunidad jojodöbi döbibajadö, ju̧kwawö tjö̧jibobö.

Isaías 10:6

Jobadönö wetajabe, israelsaso Diosnö tjösödököso jojodönö metjibobö. Jwiinö chödameakwawö̧nö metjibobö wetobe Asiria jojodönö, israel jojodönö juluwajadö, söbebö lobö tjitea 'döbebö tjemakobetjö̧, ja̧danö manatjö lete'o ja̧tö lotji̧danö, jobadönö ja̧tö lotjakobetjö̧.

Isaías 11:10

Ja̧danö, ja̧ möle bandera ötjabi̧ jawa öwawi̧danö, Isai itji̧ tupadanö jojo la'aka luwo̧ma öwawinö öjamatakwo̧, okobe deinö bö̧jȩnö ju̧kwadöma joba ö̧jobekwö ko̧ko̧kwö tji̧'yakobetjö̧. Ja̧danö, öba a'o ichibajadö, tjitebotenia jojodöma jo̧banö abebö tja̧ja̧kwakwedö, otiwanö ja̧bö tjö̧jakwa̧ tjöwaisakobetjö̧. Ja̧ mö̧le, isabenö okobe deinö jojodöma jo̧ba itebo comunidad ösödö otiwanö tjomukwatakwedö, —Duluwo̧ itebo comunidadma dejatinö salöi̧ comunidad, —jö̧ba̧lö.

Isaías 11:14

Ja̧danö bakobe pjabatakwawö ja̧nö, Israel jojodöbi, Juda jojodöbi tjöpöjojodö jawo̧ meajobekwö ju̧kwadö filisteo jojodönö metjibakwedö, jadanö tjöpöjojodö jawo̧ laebobekwö ju̧kwadönö juluwajadö, bakobe tjiteaja̧ma 'döbebö tjemakwedö. Ja̧danö Edom niji jojodönöbi, Moab niji jojodönöbi tjujuluwakobe, tjömöayedö batjibakobetjö̧, ja̧danö Amonitas jojodöbi tjömöayedö ja̧nö, wetji̧ a̧ja̧kwö tjö̧jakwedö.

Isaías 12:6

Ökwödö Jerusalennö ju̧kwadöma labinö jwöbeba̧lö yökawaduwo, ja̧danö kwo̧'woduwi ösöwachibanö lo̧köbaduwo, ökwödö kwö̧'da̧deduwi jo̧, Inesö Suli̧ Jwibo̧ Israel jojodö tjösödökwema isabenö juluwo̧obetjö̧, —jö̧ba̧lö yöka̧laduwakwedöja.

Isaías 14:19

Jo̧kwaijayonö jobekwö baledökökweja ökwönöma, ökwönö o̧tjö̧könö, ikwö lotjökweja. Töwisötje mikwawökötje ikwö lotji̧danö ikwö lotjökweja, ja̧danö kwölöte'onö dȩdȩbö lotjawö̧kwö, laju okwa inawiya tjikwaju okwa ikwö lotjajabe, ja̧danö ja̧tö lotjinökwe iteba'o ichejekwo̧ja.

Isaías 16:14

ja̧danö babema 'yayi jawa yöawajabe jobadönö, baikwö yöawajabe Isabenö Jo̧ma ja̧ baledakwa̧ma: —Ida̧ökö ja̧ möle badekwachakwa̧ma yöneawachibobe. Kwöwaisaduwa, midö wetjökwema, tupakwö otidakwa̧ mölebiyama, otiwanö ba̧ja̧do̧, Ja̧ möleda chotidaja̧ mikwa chemakwo̧sa, jö̧ba̧lö, jö̧tö? Ja̧danö, jo̧banö tjimidakwa̧ möle öwaisi̧danö, Moabitas jojodönö baledakwa̧ möle kwöwaisaduwobö jo̧be, baikwö: O̧ba wapöbakwa baledakwa abönö, yötawinadanö baledakobe. Jau, babe Moabitas jojodöma juluwadö, jwiinö ba̧jȩkwadö tjö̧jijayonö, wapöbakwa o̧biya 'dö̧ibakwa̧ abönö, ida̧ökö jobekwö baledakobe, ja̧danö Moabitas jojodötjö ji̧badöma, sule o̧bukwedö juluwöködöda tjö̧jibakwedö, —jö̧ba̧lö yöawobe Isabenö Jo̧ma, ja̧ baledakwa̧ möle jawama.

Isaías 16:6

—Ökwödöma Moabitas jojodönö da̧ja̧kwajabe, –Moabitas jojodö tjedemi, ju'wedötjö bajalekwönönöbedösa jö̧ba̧lö omukwatadötö, –jö̧ba̧lö. Jau, Moabitas jojodöma tjomukwatobe, –Ökwödödasa mikwawadöma, ökwödö Moabitas jojodöma Ju'wedötjö bajalekwönönöbedösa, –jö̧ba̧lö, jadanö ju'wedönö öpöjödadö, –Mikwawöködö, –jö̧ba̧lö. Jo̧kwaijayonö jobekwö omukwatö yötja̧lijayonö, jweinöma omukwatöködö, ja̧danö Dios lȩebakwa̧wö̧ jobadönö.

Isaías 18:4

Jau, jobekwö isabenö baledakobe, Isabenö Jo̧ma baledakwa̧ ötjönö yöawinobetjö̧, baikwö: —Ötjö Diosma wi̧inö janö, chöjelö edö chö̧jakwo̧sa, möle jawo̧ wi̧inö tjo̧'omanö utubedi̧danö, ja̧danö wa̧ji̧ emajitjena si̧li̧'idö tji'oli wi̧inö yoliwi̧danö, wi̧inö ba̧nö cheda̧lakwo̧sa.

Isaías 25:6

—Bi'o Jerusalen mösa'onö, Isabenö Jo̧ Okobe Jwiinö Juluwo̧ Diosma ba'ali ujunakobe, okobe deinö tjitebotenia jojodö tjukwobö. Inesö otiwi̧ ba'ali ujunakobe, söi̧ kwakwawabi tjukwobö, ja̧danö ubasobu o̧'dobu, jwiinö otiwi̧ lekwe möle tjo̧'omanö o̧'dibina ubasobu tjowobö. Jau, jwiinö tjösödi̧ 'wai̧ itebiyakwöbi, jwiinö otiwi̧ lekwe möle tjo̧'omanö o̧'dibina ubasobukwöbi ba'ali ujunakobe, tjitebo tenia jojodö tjukwobö.

Isaías 26:6

Jobekwö meatö loiawö̧, ajayinö otiwadösa jö̧ba̧ladö tjö̧jinemi comunidad ja̧takwö lobadö jojodöma, usula jojodöbi, jwibadöbi jatakwö lobadö, Dios pjolö loinemi comunidadma.

Isaías 5:25

Jau chömöledö, yöta̧laja̧danö sulabenö ja̧tjiökwe, isabenö ödameakwachibajabe Isabenö Jo̧ma, iteda ömöledö israel jojodönö, ja̧danö ömamu kabebö, jobadönö kwaajabe. Jobekwö kwaobetjö̧, mösa'ijuma tjö̧awobe, ja̧danö kwaajawö̧ tjiteba'ijuma, comunidad mananö bo̧be, sula'wo bi̧danö. Ja̧danö ida̧ökö bakwötanö kwaajayonö, ina seachibokobe Isabenö Jo̧ inesö ödameakwi̧ma, ja̧danö ina öja i̧sȩba̧lö jo̧, yemidanö kwaakobetjö̧.