Isaías 24:8 - Dios Iwene

⁸ Jojodö tjo̧'wo ösöwanö lo̧tji̧bi 'dö̧ibajakobe, tjo̧'wo ösöwanö tambores kwaböma lo̧tjökakwedö, ja̧danö tjo'wo ösöwachibanö arpa pjeawama katjatibakwedö. Tjo̧'wo ösöwachibanö jwötjeba̧li̧ ökwöi̧ma, bakobe ökwöökönö 'dö̧ibajakobe.

Isaías 24:8 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 3:7

Jwiinö chöpöjödobe chojo'do metu'wo bajibina yö̧te, la'akatjöda ja̧ yö̧te metu'wo bajiboböma chöpöjöda, ja̧danö la'akatjöda ja yö̧te, –Otiwanö jitji̧nö jemajabe, –jö̧ba̧lö tjo̧'wo ösöwachibanö jwötjeba̧loböma chöpöjöda.

Diosnö ösödo̧ Job mikwo̧ usula emawina jawa 30:31

Isabenö usula emawö, o̧'wo tjo̧achö chö̧jobe, baikwö yöta̧la, Chitea lo̧awa jawa arpabi flauta jawabi, tjo̧'wo ösöwakwawa jawa lo̧awa ökwöo jö̧a̧lijayonö, babema bakwainö tjo'wo tjo̧achi̧ jawa, jadanö tjubudekwi jawada ökwöobe, —jö̧ba̧lö yöa̧linobe Jobma.

Isaías 5:12

Ja̧danö ba'ali junö, lo̧awa jawa arpabi, lirasbi, tamboresbi, flautasbi kwujuna̧laduwijayonö, jadanö ubasobu kwujuna̧laduwijayonö, Isabenö Jo̧ otidi̧ jawa omukwatöködöja. Jau, Diosnö omukwatö, —Isabenö inesö otiwi̧ jawa otidajabe duluwo̧ Isabenö Jo̧ma, —jö̧ba̧lö kwomukwataduwo jö̧ba̧ladöja, jo̧kwaijayonö omukwatöködöja.

Isaías 5:14

Wanedö yötawa, Dios ba̧jȩkwadönö lȩebobetjö̧, ö'wö babibadö tju̧ju̧kwemima nöinö ukwobö jö̧a̧lobe ichejekwa, ja̧danö ajayitjö bajalekwönönö ba̧jȩkwadönö ö̧kato jö̧ba̧lö, aa jalinö alebajabe, jadanö Jerusalen comunidad luwedönöbi, ju'wedö inesö ba̧jȩkwadö Jerusalennö ju̧kwadönöbi ö̧katakobe ö'wö babibadö tjuju̧kwemima. Jau, Dios lȩebobetjö̧, Jerusalennö ju̧kwadö ba'ali o̧wa̧ladöbi, ju'wedö Jerusalennö tju̧ju̧kwobö ösödadöbi bakobe debö tji̧'yakwedö.

Apocalipsis 18:22

Yelösöda, otiwinemi ajayinöma, Babiloniama. Ba̧jekwadö otiwanö harpa, ju'wi opjianö pjeawa pjebö ju̧kwiatjinobe. Ja̧danö, lo̧böbi lo̧biatjinobe. Pjuawanubi pjubiatjinobe. Trompetabi pjubiatjinobe ajayinöma, Babiloniatjöma. Jo̧kwaijayonö detjakobe, pjetji̧bi, lo̧tji̧bi, pjutji̧bi ökwöökönö. Ja̧danö, otidinadö, okobe jwiinö jawa otidinadöma detjakobe. Ja̧danö, trigo dobö tjotidi̧ ökwöi̧ma ökwöökakobe, dotjokobetjö̧.