Isaías 22:5 - Dios Iwene

⁵ —Jau, isabenö jobekwö baledakobe, inesö la'aka luwo̧, Isabenö Jo̧ Okobe Jwiinö Juluwo̧ Diosma ja̧ baledakwa̧ omukwatö ujuninobetjö̧. Jau, –Dakwö ja̧dakwajö, –jö̧ba̧lö o̧'wo tjo̧achö ja̧tjakwedö, jadanö tjöpöjojodö kwetjachobe labinö ökwöi̧ tja̧ja̧kwakwedö, ja̧danö tjöpöjojodö tjujuluwajawö̧ tjö̧jakwedö. Ja̧ möle Jerusalen tjöekwemi 'dobö lotjakwedö, ja̧danö Jerusalennö ju̧kwadöma yebabinö jwötjeba̧lakwedö, jwötjeba̧li̧ma mösa'ijutjö tjaja̧kwenanö baibanö.

Isaías 22:5 ပူးပေါင်းရင်းမြစ်များ

2 Reyes 19:3

Weawö̧, Isaias ö̧jobekwö tji̧'yinobe, ja̧danö ichibajadö, yötja̧linobe baikwö: —Duluwo̧ Ezequiasma baikwö yöa̧lobe: –Babe mölema, inesö do̧'wo tjo̧ekwi̧ möle, döpöjojodö jwiinö sulabenö ökwödönö yöba̧lö, dötabakwobö yötja̧lobetjö̧. Dö̧ji̧ma baikwö wanedö yöta̧la, Metu'wo ju̧ju, ida̧ökö jitji̧nö jemakwa̧ möle badekwachijayonö, jemobö jujulu jwibujudanö ichejekwadösa, ja'yubebi juluwöködösa.

2 Reyes 25:10

Ja̧danö Nabuzaradankwö ju̧kwadö, Babilonia jojodötjö ölakwabikwawa jojodöma, Jerusalen comunidad tjöekwemi pjolö lotjinobe.

Isaías 10:6

Jobadönö wetajabe, israelsaso Diosnö tjösödököso jojodönö metjibobö. Jwiinö chödameakwawö̧nö metjibobö wetobe Asiria jojodönö, israel jojodönö juluwajadö, söbebö lobö tjitea 'döbebö tjemakobetjö̧, ja̧danö manatjö lete'o ja̧tö lotji̧danö, jobadönö ja̧tö lotjakobetjö̧.

Isaías 22:1

Baikwö laebobe Dios yöawi̧, Jerusalen comunidad, tji̧'wi̧didanö baledakwa̧ edawemi wabeko jö̧ba̧lö ötjabemi baledakwa̧ jawa: —Ökwödö Jerusalennö ju̧kwadö, tajawedö okobe deinö kwejuduwi mö kwönöchaduwaja̧daja?

Isaías 25:10

—Isabenö Jo̧ Diosma isabenö iteda ömamu bi'o Jerusalen mösa'onö 'bieba̧lakobe ichejekwa, bi'otjö iteda ujulu i̧sȩbö ökwödönö pjaatakobetjö̧. Jadanö ökwödö israel jojodönö pjabatö, Moab niji jojodönö lȩebakobe. Wanedö yöta̧la, tjide'o wame me'je'ye kököa'ye tjö̧ja̧tidanö, Moab niji jojodönö ja̧tö loakobe.

Isaías 37:3

Weawö̧, Isaias ö̧jobekwö tji̧'yinobe, ja̧danö ichibajadö, yötja̧linobe baikwö: —Duluwo̧ Ezequiasma baikwö yöa̧lobe: –Babe mölema, inesö do̧'wo tjo̧ekwi̧ möle, döpöjojodö jwiinö sulabenö ökwödönö yöba̧lö, dötabakwobö yötja̧lobetjö̧. Dö̧ji̧ma baikwö wanedö yöta̧la, Metu'wo ju̧ju, ida̧ökö jitji̧nö jemakwa̧ möle badekwachijayonö, jemobö jujulu jwibujudanö ichejekwadösa, ja'yubebi juluwöködösa.

Isaías 5:5

—Ja̧danö, jobekwö suli̧ jawada pokwobetjö̧, baikwö yötawaduwakwö chöbatjo ja̧takwa̧ma: Chöbatjo ö'öbö tjöekwi̧, ja̧danö inawatjö otikwemi tjöekwemibi 'dobö lotocha, tebonö ju̧kwadö chöbatjo tebachö, ja̧tö lotjakobetjö̧.

Isaías 63:3

—Jo̧dawa'ye ja̧nö, ubasobu ja̧tawelö chö̧jatajabe, jojodötjö bakwo̧bi pjaatokonö, chö̧jatajabe. Dameakwö ja̧nö jobadönö chö̧jatijatö, jwiinö dameakwö ja̧tö lotijatö. Jau, ja̧tö lotawö̧, tjökwösobu dödeibinobe chökamijido̧ duwaibanö, ja̧danö tjökwösobutju okobe jwiinö chökamisima duwawajabe.

Isaías 63:6

Jwiinö dameakwö ja̧nö, chömöledö tjöpöjojodö tjitebotenia jojodönö ja̧tö lotijatö. Jau, inesö chödameakwi̧ ji̧ owawa chojwebijatö jobadönö, ja̧tjö jwiinö 'dukwachawö̧ batjibanö, ja̧danö tjökwösobuma, nijinö tobebö lotijatö, jö̧ba̧lö wanedö atadobe Diosma.

Mateo 24:16

Ja̧danö, jejenö kwedaduwenama, Judea nijinö ju̧kwadöma juluwanö mö'ösa'ijube dötjibajobö ja̧kobe.

Lucas 23:30

Ja̧danö, jwiinö usula tjemawobetjö̧, yötja̧lakobe: Mö'ösa'iju pjo̧'yachibö mebö ökwödönö kwabö loitjö̧ma otiwo jö̧a̧lena, ja̧danö mö'ösa'iju ja'yuwa'o ökwödönö o̧tjebitjö̧ma otiwo jö̧a̧lena, jenada ö'wö babibö tupakwönönö usula demawapji jö̧ba̧lö, yötja̧lakobe.