Isaías 22:15 - Dios Iwene

¹⁵ Baikwö yöawobe inesö la'aka luwo̧, Isabenö Jo̧ Okobe Jwiinö Juluwo̧ Diosma: —La'aka luwo̧ eju teada̧lakwawa luwo̧ Sebna mikwo̧nö yöbawaji, baikwö:

Isaías 22:15 ပူးပေါင်းရင်းမြစ်များ

1 Reyes 4:6

Abisar mikwo̧ma, Salomon eju jawa la'aka luwo̧ ö̧jinobe. Abda itji̧ Adoniran mikwo̧ma, tjotidobö wetjawö̧nö tjotidawa jawa la'aka luwo̧ ö̧jinobe.

2 Reyes 10:5

Yöba̧lakwawajadö, la'aka luwo̧ eju teada̧lakwawa luwo̧bi, comunidad la'aka luwo̧bi, ju'wedö comunidad luwedöbi, Acab itji̧munö teada̧lakwawa luwedöbi yötja̧li̧ wȩyudö wetjinobe Jehunö: —Ökwödöma ökwöda kwömöayedösa. Bakwo̧nöbi la'aka luwo̧ baibanö dujunökakwedösa. Ökwöda kwösödi̧danö ja̧köbo Jehu, ja̧danö okobe jwiinö ökwödönö weköbi̧ma, otiwanö da̧ja̧kwakwedösa, —jö̧ba̧lö.

2 Reyes 18:18

Ichibajadö, inesö la'aka luwo̧ Ezequias ichobö jwötjinobe, ja̧danö ichibö jwötjiawö̧, Ezequias ömöayedöma jobadökwö yötja̧lakwawobö tji̧'yinobe, Ezequias eju teada̧lakwawa luwo̧ Eliaquin mikwo̧bi, wȩyukwa luwo̧ Sebna mikwo̧bi, weawa wȩyu̧kwa luwo̧ Joa mikwo̧bi.

2 Reyes 18:26

Jobekwö Juda jojodö tjiwenenö yöa̧liawö̧, Eliaquinbi, Sebnabi, Joabi yötja̧linobe, —Ökwödö kwömöayedöma, kwiwene arameo waisadösa, jo̧kwajabetjö̧ kwiwenenöda yöka̧lodönö. Ju'wedö Juda jojodö comunidad tjöekwemi ja̧dö tja̧ja̧kwa̧lonö, Juda jojodö diwenenö yöka̧loko, yöda̧lakwawi̧ tja̧ja̧kwapji jö̧ba̧lö, —yötja̧linobe.

2 Reyes 18:37

Jemi ikenama, Eliaquinbi, Sebnabi, Joabi, yöbawo̧kwö yöba̧lakwawajadö, tjuluwo̧ Ezequias ö̧jobekwö tjȩwa̧jinobe, yötja̧lakwawaja̧ yötjawobö. Jwiinö o̧'wo tjo̧achö, tjökamisi kȩekwö lotjinobe, ja̧danö kȩekwö lobajadö, Ezequias öba a'o ichibö yötjawinobe, yöbawo̧ yöa̧laja̧ jawama.

2 Reyes 19:2

Ju'wibi ömöayedö Eliaquinnöbi, Sebnanöbi, Diostjö jojodötjö ö'weje pjabatadötjö luwedönöbi weinobe, epju̧yu̧nö kalukaa̧do̧ 'dubawö, Dios yöawi̧ yöbawo̧ Isaiaskwö yötja̧lakwawobö.

1 Crónicas 27:25

Ju'wedö la'aka luwo̧ David ömöayedötjö luwedö tjimibiya baikwö laebobe: Adiel itji̧ Azmavet mikwo̧ma, David ejutjö itea mikwawi̧ jawa lödawȩko̧ teada̧lakwawa luwo̧ ö̧jinobe. Uzias itji̧ Jonatan mikwo̧ma, ju'wi David itea lödawejubiya teada̧lakwawa luwo̧ ö̧jinobe. Israel niji ba̧kwemeachibanö, jalemi comunidadtjöbi, pjei̧ comunidadtjöbi, tjöekwemitjöbi, lödawejubiya ujuna̧linobe Davidma, ja̧danö ja̧ ejubiya teada̧lakwawa luwo̧ ö̧jinobe Jonatanma.

Isaías 36:11

Jobekwö Juda jojodö tjiwenenö yöa̧liawö̧, Eliaquinbi, Sebnabi, Joabi yötja̧linobe, —Ökwödö kwömöayedöma, kwiwene arameo waisadösa, jo̧kwajabetjö̧ kwiwenenöda yöka̧lodönö. Ju'wedö Juda jojodö comunidad tjöekwemi ja̧dö tja̧ja̧kwa̧lonö, Juda jojodö diwenenö yöka̧loko, yöda̧lakwawi̧ tja̧ja̧kwapji jö̧ba̧lö, —yötja̧linobe.

Isaías 36:22

Jemi ikenama, Eliaquinbi, Sebnabi, Joabi, yöbawo̧kwö yöba̧lakwawajadö, tjuluwo̧ Ezequias ö̧jobekwö tjȩwa̧jinobe, yötja̧lakwawaja̧ yötjawobö. Jwiinö o̧'wo tjo̧achö, tjökamisi kȩekwö lotjinobe, ja̧danö kȩekwö lobajadö, Ezequias öba a'o ichibö yötjawinobe, yöbawo̧ yöa̧laja̧ jawama.

Isaías 36:3

Ichibiawö̧, Ezequias ömöayedöma jo̧bakwö yötja̧lakwawobö tji̧'yinobe, Ezequias eju teada̧lakwawa luwo̧ Eliaquin mikwo̧bi, wȩyukwa luwo̧ Sebna mikwo̧bi, weawa wȩyu̧kwa luwo̧ Joa mikwo̧bi.

Isaías 37:2

Ju'wibi ömöayedö Eliaquinnöbi, Sebnanöbi, Diostjö jojodötjö ö'weje pjabatadötjö luwedönöbi weinobe, epju̧yu̧nö kalukaa̧do̧ 'dubawö, Dios yöawi̧ yöbawo̧ Isaiaskwö yötja̧lakwawobö.

Hechos 8:27

Jejenö weiökwe Felipema 'yi̧jetö. Ja̧manö 'ya̧nö badekwajijetö jelo̧nö, Etiopía jojonö, tjöla'yapiyu 'wibebö loinökwenöma. Jo̧bama Etiopía la'aka luwuju jömöayo̧, balada te'ada̧lakwawa jojo. Jo̧bama Jerusalénbetjö Diosnö ösödö ȩwa̧jijetö.