Isaías 22:1 - Dios Iwene

¹ Baikwö laebobe Dios yöawi̧, Jerusalen comunidad, tji̧'wi̧didanö baledakwa̧ edawemi wabeko jö̧ba̧lö ötjabemi baledakwa̧ jawa: —Ökwödö Jerusalennö ju̧kwadö, tajawedö okobe deinö kwejuduwi mö kwönöchaduwaja̧daja?

Isaías 22:1 ပူးပေါင်းရင်းမြစ်များ

Génesis 21:17

Ja̧danö, Diosma Agar jitji̧ ubudekwi̧ a̧ja̧kwö mölejebetjö webijetö ángelnöma. Jo̧ba Dios weajökwe ángelma jwöbijetö Agarnö: —Agar ¿taji waekwaja̧da? Yebabökönuwi. Diosma kwitji̧ ubudekwi̧ a̧ja̧kwajabe.

2 Samuel 14:5

Ajebökwe, la'aka luwo̧ Davidma abebö a̧ja̧kwinobe, —¿Dakwö pjatatobö, wene kwujuna̧lima di̧ya? —jö̧ba̧lö. Abebö a̧ja̧kwoko, —Ötjöma usulasujusa, chilekwe wobö ujunibinokosa.

2 Reyes 6:28

Dakwö pjatatobö akebobeda? —jö̧ba̧lö yöa̧linobe la̧'aka luwo̧ma. Yöa̧loko, —Bakwuju chömöledösujuma, mada ötjönö yöja̧linobe, –Babe ökwö kwitji̧nö kwiyo, bakobe jo̧banö tobö dukwakobetjö̧. Ja̧danö, itekwai ötjö chitji̧nö dukwakobe, –jö̧ba̧lö yöja̧linobe chömöledösujuma.

Proverbios 29:18

Ja̧danö, ju'wibi yötawa: Jojodö bakwena ju̧kwadöma Dios yöawi̧ a̧ja̧kwökönö, Dios jobadönö öibobö isakwökönö tjö̧jitjö̧ma jwiinö sulabenö tjö̧jena. Idöda sulabenö tjösödi̧ tjöbeba̧lökönö ja̧bö ju̧kwadö. Jobekwö tjö̧jokobe Dios wei̧ a̧ja̧kwadöma. Jobadöma Dios pjaatawö̧, tjo̧'wo̧ ösöwanö tjö̧jinö.

Isaías 13:1

Baikwö laebobe Dios ötjö, Isaiasnö yöbawö i̧sȩbina jawa, Babilonia comunidad baledakwa̧ jawama:

Isaías 15:3

Comunidad manabenö kwebachö, epjuya̧do̧ kalukaa̧do̧ 'dutjawakwedö, ja̧danö tjejubiya wame ja̧nöbi, jojodö tjo̧ko̧kwelöbi, okobe deinö budekwabinö jwötjeba̧lakwedö.

Isaías 22:5

—Jau, isabenö jobekwö baledakobe, inesö la'aka luwo̧, Isabenö Jo̧ Okobe Jwiinö Juluwo̧ Diosma ja̧ baledakwa̧ omukwatö ujuninobetjö̧. Jau, –Dakwö ja̧dakwajö, –jö̧ba̧lö o̧'wo tjo̧achö ja̧tjakwedö, jadanö tjöpöjojodö kwetjachobe labinö ökwöi̧ tja̧ja̧kwakwedö, ja̧danö tjöpöjojodö tjujuluwajawö̧ tjö̧jakwedö. Ja̧ möle Jerusalen tjöekwemi 'dobö lotjakwedö, ja̧danö Jerusalennö ju̧kwadöma yebabinö jwötjeba̧lakwedö, jwötjeba̧li̧ma mösa'ijutjö tjaja̧kwenanö baibanö.

Mateo 10:27

Jau chömöledö, babema yȩa'wo okwatjö ökwödönö yötawi̧ma, möle dewena yökawaduwo, ja̧danö babe ökwödönö tjo̧'omanö yötawi̧ma, mötjö labinö jwöbö yökawaduwo.

Romanos 3:2

Isabenö mikwawinobe chömöledö, baikwö yötawa: Judío jojodönöda iyinobe Diosma, iteda iwene tjite'ada̧lobö, te'ada̧lakwawa luwedö baibanö tjite'ada̧lobö. Ju'wedönö iyinokobe, judío jojodönöda iyinobe chömöledö.

Deuteronomio 22:8

—Ja̧danö ju'wibi wetaduwakwö: O̧do yayeju kwotidaduwenama, o̧do mö tjöekwaka ji̧nö kwotidaduwo, kweju mö ju̧kwadö jobetjö metjapji jö̧ba̧lö. Jau chömöledö, tjöekwi̧ jwiinö bakwo̧ kwejuduwi mötjö mebö, ö'wö baibitjö̧ma, ökwöbi kwejunö ju̧kwadöbi wene kwujuna̧laduwena, tjöekwi̧ otidökönö, bakwo̧ mebö ö'wö baibobö ja̧köbi̧naduwobetjö̧.

Jueces 18:23

Ja̧danö yö̧ne ichibö, jwötjeba̧linobe Dansaso jojodönö, ja̧danö jwötjeba̧liawö̧, Dansaso jojodöma jalachibö abebö tja̧ja̧kwinobe Micaiasnö, —Taji waekwa? Tajawedö ba̧jȩkwadökwö dökömanö lukibaduwaja̧da? —jö̧ba̧lö.

1 Samuel 11:5

Jejene baledonö, Saulma pa̧ka̧yadökwö batjo sobö otidinobe, ja̧danö batjotjö ȩwa̧jenama, jojodö tjubudekwi̧ a̧ja̧kwinobe. A̧ja̧kwö, Saulma abebö a̧ja̧kwinobe, —Taji waekwa, jojodö tajawedö tjubudekwobeda? —jö̧ba̧lö. Abebö a̧ja̧kwawö Jabes jojodö yötjawaja̧ yötjawinobe Saulnö.

1 Samuel 3:1

Ina tjemu ö̧jayi, Samuelma, Eli ömöayo̧danö ja̧nö Isabenö Jo̧ Dios wei̧ otidö ö̧jinobe. Ja̧danö, ja̧ mölȩma Isabenö Jo̧ma iteda yöawi̧ yöbawiainokobe nöinöma, ja̧danö jojodö tji̧'wi̧didanö tjedoböma webiainokobe nöinöma.