Isaías 20:2 - Dios Iwene

^2-3 Ja̧ möle jenanö, Isabenö Jo̧ma ötjö Amoz itji̧ Isaiasnö weinobe baikwö: —Isaias, kwö̧kamijido̧ epju̧yunö kalukaado̧ 'dukawado̧ 'yobekwi, ja̧danö sapatubi 'yobekwi, —jö̧ba̧lö. Wei̧tjö̧, chökamisibi jwibö, sapatubi jwibö, o̧ba wapöbakwa baledibanö kwebachö chö̧jijatö. Jemi ikenama, Isabenö Jo̧ma baledaja̧ wanekwachi̧ labebö lobö yöawinobe, baikwö: —Chömöayo̧ Isaiasma o̧ba wapöbakwa baledibanö kamisi jwibö, sapatu jwibö kwebachö ö̧jajabe, Egipto jojodönöbi, Etiopia jojodönöbi baledakwa̧ i̧sȩkwakobetjö̧.

Isaías 20:2 ပူးပေါင်းရင်းမြစ်များ

2 Samuel 15:30

Tjȩwa̧jonö, Davidma Jerusalentjö labebö Olivos ötjaba'o mösa'o önöchinobe, tupakwö döibajobö. Ja̧danö, 'ya̧nö, Davidma budekwö, sapatu jwiinö, uu möchekwö kweachinobe, o̧'wo tjo̧acho̧sa jö̧ba̧lö. Ja̧danö okobe deinö Davidkwö kwebachadöbi, kwetjachonö tjuu möchekwö tjubudekwinobe.

2 Samuel 6:20

Ja̧danö, Davidbi ejube ȩwa̧jinobe, jojodönö pjaatobö Diosnö aebaja̧danö ömöledönöbi aebobö. Jo̧kwaijayonö ejube ichibenama, Saul itjiju Micalma jilekwe ichobekwö lajebinobe, ja̧danö jilekwe Davidnö sulabenö obö yöja̧linobe: —Ayö, Isabenö israel niji la'aka luwo̧nö obö tjomukwatobö kwalewajabe, baile döbö kwisȩbaja̧ma. Omukwatöködö taba jwiinö tjalewi̧danö, kwömöayedö midö tjeminawö̧ tjömöayedö ya̧dö tjeda̧lonö, kwö̧ka̧miji̧do kaekwa̧linö baile dököbajabe, tjöba a'otjö kwökamiji̧do̧ 'yobekwö loköbi̧danö, —jö̧ba̧lö Davidnö obö yöja̧linobe Micalma.

2 Reyes 1:8

abebö a̧ja̧kwawö̧, —Tjöwö'yetjö otikwa̧do̧ 'dubawo̧, ja̧danö i̧sȩdo̧tjö ötikwö̧jȩ koleasö̧jȩ 'dubawo̧, ökwödönö yöbawajo̧ma, —jö̧ba̧lö tjatadinobe. Tjatadökwe, —Aaa, jo̧bama Dios yöawi̧ yöbawo̧ Eliasda, —jö̧ba̧lö yöa̧linobe la'aka luwo̧ Ocoziasma.

Éxodo 3:5

Ikenama Isabenö Jo̧ma jö̧ba̧lijetö: —Moisés baikwö yö̧nema ichibökönuwi. Ötjöma Dioschobetjö̧ bemi niji kwö̧jatemima wainöemi, ötjö chö̧jemima. Jo̧kwaobetjö̧ sapatu yo̧bekwi, ötjönö jweinö omukwatö— jö̧ba̧lijetö.

Isaías 1:1

Baikwö laebobe Dios yöawi̧, Amos itji̧ Isaias mikwo̧nö i̧sȩbö yöawina jawa. Juda niji inesö la'aka luwedö Uzias mikwo̧bi, Jotan mikwo̧bi, Acaz mikwo̧bi, Ezequias mikwo̧bi bakwo̧nökwena webö tjö̧jonö, Diosma iteda yöawi̧ i̧sȩbö yöawinobe Isaiasnö, Jerusalen comunidad baledakwa̧ jawabi, ju'wi Juda niji baledakwa̧ jawabi. Jadanö ja̧ yöawinama baikwö laebobe:

Isaías 13:1

Baikwö laebobe Dios ötjö, Isaiasnö yöbawö i̧sȩbina jawa, Babilonia comunidad baledakwa̧ jawama:

Isaías 37:2

Ju'wibi ömöayedö Eliaquinnöbi, Sebnanöbi, Diostjö jojodötjö ö'weje pjabatadötjö luwedönöbi weinobe, epju̧yu̧nö kalukaa̧do̧ 'dubawö, Dios yöawi̧ yöbawo̧ Isaiaskwö yötja̧lakwawobö.

Mateo 16:24

Ikenama Jesúsma iteda öba̧ja̧di̧ waisachadönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö ichobö jo̧be.

Mateo 3:4

Jo̧ba Juanma ajwikwawedö kameyu ötjabiwö̧ tjöwö'yetjö otikwado̧ 'duawinobe, ja̧danö koleasö̧jȩ ajwikwawedö tji̧sȩdo̧tjö ötikwö̧jȩ u'dumawinobe. U̧kwama, ma̧la̧kayunö ukwinobe, ja̧danö tebotjö emawa wa̧yo̧ owinobe.

Juan 21:7

Jejenö baibiökwe jobadötjö bakwo̧, Jesús ile niebökwema Pedronö jö̧a̧linobe: —Jo̧bada Duluwo̧ma— jö̧a̧linobe. Jejenö jö̧a̧liökwe Pedroma, omönanö, ba̧i̧ jwoobö 'yo̧ekwaja̧do̧, wamesa̧do̧ma yemidanö 'dubawibö ojwe okwa söibinobe, Jesús ö̧jobekwö kwöbö edö.

Hechos 19:16

Ikenama o̧'wo̧ luwo̧nö sulabo̧ ö̧jökwema juluwanö mebibijetö jobadönö. Mebibö do̧batö labinö kwakwabö, tjökamisi kȩ'ö lobö juluwijetö jobadönö. Ujuluwajawö̧ma niawö̧, kamisi jwibadöda o̧dotjöma labeibö döbibajijadötö.

Hechos 21:11

Jo̧bama ökwödö dö̧jobekwö 'ya̧wibö Pablo u̧kwa koleasö̧jȩ jȩbatibö iteda ömajamijunöbi, ömasapiyanöbi jwaawijatö, Dios O̧'wo̧ Luwo̧ jo̧ba o̧'wo̧ luwo̧nö yöawi̧ i̧sebö. Jwabawö Pablonö jö̧a̧lijatö: —Pablo, Dios O̧'wo̧ Luwo̧ma ötjö cho̧'wo̧ luwo̧nö yöawatö, baikwö: Böjȩ koleasö̧jȩ ötjö Agabo jwabawö chö̧ji̧danö, böjȩ u̧kwa koleasö̧jȩ nönawo̧nöma Jerusalénnö ju̧kwadö judío jojodöma jwatjakwo̧, judío jojodöbököbönö tjiyobö, jö̧ba̧lö— i̧sebö yöawijatö Agaboma.

Josué 5:15

Jö̧a̧lökwe, Isabenö Jo̧ ömöayedö ölakwabikwawadötjö tjuluwo̧ma weinobe, —Bemi niji kwö̧jatemima wainöemi, ötjö chö̧jemiobetjö̧. Jo̧kwaobetjö̧ sapatu yo̧bekwi, —jö̧ba̧lö weinobe. Weökwe, weaja̧danö sapatu yo̧ekwinobe Josuema.

Apocalipsis 11:3

Ikenama Diosma ötjönö yöawijatö: —Jobadö sulabenö ja̧badöma sulabenö webö tjö̧jonö, ju'wedö du̧ju̧tajama, ötjö yötawi̧ yötjawobö wetawö̧ma yötjawakobe, jejenö yötjawobö chujulu iyö wetakobetjö̧. Ja̧danö, jobadöma lekwe, mil doscientos sesenta möle baledibanö, jobetjö yötjawakwedö, ju'wedö, jobe ju̧kwadöma yelösöda sulabenö ja̧tjonö. Jobadö du̧ju̧taja yötawi̧ yöbawadöma, kamijido̧ pjelewado̧, tjömöledö wotjaiawö̧ 'dutjawi̧danö 'dubawö tjö̧jakwedö—yöawijatö Diosma ötjönöma.

1 Samuel 19:24

Ja̧danö, jobe ichibajo̧, ajayinö weajawö̧danö Saulma ökamido̧ 'yobekwö, nijinö banö Samuel öba a'otjö Dios yöawi̧ yöawinobe. Jejenö ja̧ mölebi ja̧ yö̧tebi baledibanö, Saulma a̧do jwibö ba̧nö Dios yöawi̧ yöbawö ö̧binobe. Ja̧danö ja̧ baledina wene omukwatö, yöa̧lakwawa baibinobe, —Tajijö, Saulbi Dios yöawi̧ yöbawadötjö bakwo̧ ö̧jobeji̧? —jö̧ba̧lö.