Isaías 16:6 - Dios Iwene

⁶ —Ökwödöma Moabitas jojodönö da̧ja̧kwajabe, –Moabitas jojodö tjedemi, ju'wedötjö bajalekwönönöbedösa jö̧ba̧lö omukwatadötö, –jö̧ba̧lö. Jau, Moabitas jojodöma tjomukwatobe, –Ökwödödasa mikwawadöma, ökwödö Moabitas jojodöma Ju'wedötjö bajalekwönönöbedösa, –jö̧ba̧lö, jadanö ju'wedönö öpöjödadö, –Mikwawöködö, –jö̧ba̧lö. Jo̧kwaijayonö jobekwö omukwatö yötja̧lijayonö, jweinöma omukwatöködö, ja̧danö Dios lȩebakwa̧wö̧ jobadönö.

Isaías 16:6 ပူးပေါင်းရင်းမြစ်များ

Proverbios 21:24

Ja̧danö, ju'wibi yötawa, wanedö: Bakwo̧ okobe jwiinö otiwi̧ jawa öpöjödö obo̧ma ö̧jobe. Jo̧bama ju'wedönö nijakwönönö edö jo̧, ötjödasa, jö̧ba̧lö. Ba̧kwȩlö̧jatebö iteda ösödi̧ ja̧bo̧, ju'wedönö pjabatökönö.

Isaías 15:1

Baikwö laebobe Dios yöawi̧, Moab niji̧ baledakwa̧ma: —Isabenö bakwöta yö̧te Moab niji comunidad Ar mikwobe söbebö lotjakobe, bakobe wi̧i baibanö, jadanö isabenö bakwöta yö̧te Moab niji comunidad Kir mikwobe söbebö lotjakobe, wi̧i baibanö.

Isaías 2:11

Ja̧ möle Isabenö Jo̧ Diosnöda otiwanö tjomukwatakwedö, —Isabenö Jo̧ Diosda inesö la'aka luwo̧ juluwo̧ma, —jö̧ba̧lö. Babe möle bö̧je jojodöma ju'wedönö edö omukwatadö, —Idöma mikwawöködö, —jö̧ba̧lö, ja̧danö, —Ju'wedötjö bajalekwönö mikwawo̧sa, —jö̧ba̧lö omukwatadö babema. Jo̧kwaijayonö, löji möle okobe deinö jobekwö omukwatadöma tabakwö tjö̧jakwedö, sule Isabenö Jo̧ Diosnöda otiwanö tjomukwatakwedö, —Diosda mikwawo̧ma, —jö̧ba̧lö.

Isaías 25:10

—Isabenö Jo̧ Diosma isabenö iteda ömamu bi'o Jerusalen mösa'onö 'bieba̧lakobe ichejekwa, bi'otjö iteda ujulu i̧sȩbö ökwödönö pjaatakobetjö̧. Jadanö ökwödö israel jojodönö pjabatö, Moab niji jojodönö lȩebakobe. Wanedö yöta̧la, tjide'o wame me'je'ye kököa'ye tjö̧ja̧tidanö, Moab niji jojodönö ja̧tö loakobe.

Isaías 25:11

Lȩebawö̧, Moab niji jojodöma lȩebi̧tjö latjebobö tjisakwakwedö, wanedö yöta̧la, ojwenö kwöbadö kwötjobö tjömamiju tjiwechi̧danö, latjebobö tjisakwakwedö, jo̧kwaijayonö waekwakobe. Moab jojodö otiwadösa jö̧ba̧lö tjomukwati̧ söbebö loakwo̧, ja̧danö waisanö suli̧ tjöwaedobö tjotidi̧bi söbebö loakwo̧.

Isaías 28:15

—Ökwödöma Egipto jojodökwö bakobe pjabatakwawö kwö̧jaduwakwa̧ wene yöbawö kwujuninaduwobetjö̧, omukwatadöja: –Ökwödöma Egipto luwedökwö bakobe pjabatakwawö dö̧jakwa̧ wene yöbawö dujuninobetjö̧, ö'wö badibökakwedösa, ja̧danö ö'wö babibajadö tjö̧jemi dichibökakwedösa, otiwanö wene jwiinö dö̧jakwedösa. Jau, inesö labinö kwakwaakwawopja ji̧danö̧ ichejekwadö Asiria ölakwabikwawadöma, yö̧ne israel niji ö'wejenö tjöbaledijayonö, ökwödönö mebibö tjujuluwökakwedö, –jö̧ba̧lö omukwatadöja. Jo̧kwaijayonö ja̧ yöbawö kwujuninaduwama, omöna yöba̧lakwawö yöbawö kwujuninaduwobe, ja̧danö kwo̧'wo kwöwana̧laduwi̧ma, ömöna yöa̧lakwawa jawada ösödö, tjökeba̧la̧duwobö kwisakwaduwobe. Jo̧kwajabetjö̧, baikwö yötawaduwakwö ökwödö Juda jojodönö:

Isaías 28:18

—Jobekwö baledenama, ökwödökwö Egipto luwedökwö yöbawö kwujunaduwinama söbebö loakobe, ja̧danö ö'wö badibökakwedösa, ö'wö babibinadö tjö̧jemi dichibökakwedösa, jö̧ba̧lö kwomukwataduwi̧ma waekwakobe. Ja̧danö kwakwaakwawopjadanö ichejekwadö ölakwabikwawadö kwiteboduwi ö'wejenö tjöbaledenama, ökwödönö tjö̧jatakwedö, nijakwö bakibaduwanö.

Isaías 44:25

Ötjöma tupakwö baledakwa̧ yöbawadösa jö̧ba̧lö omöna yötja̧li̧ waekwobö webo̧sa. Ötjöma baledi̧ edö yadakwö baledakwa̧ yöba̧ladö tabakwö tjö̧jobö webo̧sa. Ja̧danö waisadö waisanö yötjawi̧ balewö lobo̧sa waisakwawa jwii̧ yöawakwawa baibanö balewö lobo̧sa.

1 Pedro 5:5

Ja̧danö ökwödö te'ada̧lakwawa luwedötjö ina möayedödanö ju̧kwadöma damöbedönö kwa̧ja̧kwaduwo. Ja̧danö, okobe deinö ökwödönö baikwö yötawa, möayedödanö te'ada̧lakwawa luwedönöbi, damö te'ada̧lakwawa luwedönöbi: Te'ada̧lakwawa luwedö kwö̧jaduwijayonö, labinö webökönö bakwo̧nökwena pjabatakwawö kwö̧jaduwo, chömöledö tjömöayo̧danöbo̧sa jö̧ba̧lö. Jau chömöledö, jejenö omukwatö kwö̧jaduwobö jo̧be, Dios iwene baikwö laebobetjö̧: Diosma otiwadösa jö̧ba̧lö omukwatadönö ölakwabikwawö ö̧jobe, jo̧kwaijayonö otiwadösa jö̧ba̧lö omukwatöködönö lȩlö̧jinö pjabato̧, jö̧ba̧lö.