Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 15:3 - Dios Iwene

3 Comunidad manabenö kwebachö, epjuya̧do̧ kalukaa̧do̧ 'dutjawakwedö, ja̧danö tjejubiya wame ja̧nöbi, jojodö tjo̧ko̧kwelöbi, okobe deinö budekwabinö jwötjeba̧lakwedö.

အခန်းကိုကြည့်ပါ။ ကော်ပီ




Isaías 15:3
17 ပူးပေါင်းရင်းမြစ်များ  

Ikenama Davidma Joabnöbi, okobe deinö ju'wedö jo̧bakwö ju̧kwadönöbi weinobe: —Abnernö o̧tjö̧ di̧'yonö, kwö̧ka̧mijido̧ kȩekwö, kamijido̧ epju̧yunö kalukaa̧do̧ 'dubawö, Abner iteba'o abönö kwebachö kwubudekwaduwo, —jö̧ba̧lö. Ja̧danö, Abnernö o̧tjö̧ tji̧'yena, Davidma iteba'o a̧ja̧pjo ökömanö kweachinobe, chömöledöso̧nö do̧tjo̧be jö̧ba̧lö.


Jobekwö yöja̧liökwe, jwiinö o̧'wo tjo̧achinobe la'aka luwo̧ma, ja̧danö o̧'wo tjo̧achö, ö̧ka̧miji̧do̧ kȩ'ekwö loinobe. Jobekwö kȩ'ekwö loenama, jojodö tjöba a'o comunidad tjöekwemi wame ö̧jinobe la'aka luwo̧ma, ja̧danö ö̧ka̧miji̧do̧ kȩ'ekwö loenama, ida̧ökö epjuyunö kalukaado̧ 'duawobe tjedinobe. Kweachakwa̧ abönö, okwasa̧do̧ baibanö, la'aka luwo̧ma epjuyunö kalukaado̧ 'duawinobe, ja̧danö wamenö 'duawajiado̧ 'duawinobe, jo̧kwajabetjö ökamijido̧ kȩekwö loenama, jobe ju̧kwadö edö tjöwaisachibinobe, —Aaa, o̧'wo tjo̧achobetjö̧, la'aka luwo̧ 'duawajiado̧ okwa, ida̧ökö o̧'wo tjo̧achö ȩpju̧yunö kalukaa̧do̧ 'dubawo̧tö duluwo̧ma, —jö̧ba̧lö.


Jobekwö balediawö̧, Moabitas jojodöma tjösödökwenö iyawejube tji̧'yakwedö, Dibon comunidad jojodöma möemi tjösödökwenö iyawemikwenabe tji̧'yakwedö, tjubudekwobö. Jau, Nebo comunidad baledaja̧bi, Medeba comunidad baledaja̧bi, tjubudekwakobe Moabitas jojodöma. Okobe deinö o̧'wo tjo̧achö, tjöwö'ye jwobawajadö tjubudekwakwedö, ja̧danö okobe deinö o̧'wo tjo̧achö tjaasa'ye jwobawajadö tjubudekwakwedö.


Baikwö laebobe Dios yöawi̧, Jerusalen comunidad, tji̧'wi̧didanö baledakwa̧ edawemi wabeko jö̧ba̧lö ötjabemi baledakwa̧ jawa: —Ökwödö Jerusalennö ju̧kwadö, tajawedö okobe deinö kwejuduwi mö kwönöchaduwaja̧daja?


—Jobekwö baledinobetjö̧, jwiinö o̧'wo tjo̧acho̧sa, ja̧danö cho̧'wo ösöwachibobö pjatjatotö jö̧ba̧ladönö yöba̧lo̧sa: –Ötjönö edökönö, jelobekwö jalachibi. Jwiinö o̧'wo tjo̧achö cho̧'wo suli̧ budekwo̧sa, cho̧'wo ösöwachiboböma pjabatökönui. Jau, chömöledö, tjöekwa jwibadönö söbebö lotjajabe, jo̧kwajabetjö̧ 'wainö chubudekwobö jo̧be, –jö̧ba̧lö yöba̧lo̧sa.


Ja̧danö, jobekwö 'döebiawö̧, omewi̧ jawa 'dö̧ekwinemi, woinö 'dö̧tjekwakwedö Jerusalen ya̧döma. Ja̧danö koleasö̧jȩ ötiwö̧je tjönawinemi, a̧la̧chi'bo ju'wedö tjujuluwajawö̧ tjönawa'bo tjönawakwedö. Ja̧danö tjöwö'ye otiwa'ye tjujuna̧linemi, tjöwö'ye jwobö lotjawö̧ tjö̧jakwedö. Ja̧danö kamisi otiwa̧do̧ 'dutjawinemi, a̧do epju̧yunö kalukaa̧do̧ 'dutjawakwedö. Ja̧danö otiwadö tjö̧jinemi, tjuluwo̧ imi tubedö dobö wȩyukwawö̧ tjö̧jakwedö̧.


—Ja̧danö ju'wibi wetaduwakwö: O̧do yayeju kwotidaduwenama, o̧do mö tjöekwaka ji̧nö kwotidaduwo, kweju mö ju̧kwadö jobetjö metjapji jö̧ba̧lö. Jau chömöledö, tjöekwi̧ jwiinö bakwo̧ kwejuduwi mötjö mebö, ö'wö baibitjö̧ma, ökwöbi kwejunö ju̧kwadöbi wene kwujuna̧laduwena, tjöekwi̧ otidökönö, bakwo̧ mebö ö'wö baibobö ja̧köbi̧naduwobetjö̧.


Ja̧danö, juna̧ladönö yötawa, A̧ja̧kwaduwitjö, jö̧ba̧lö. Ju'winö jwiinö usula kwemawaduwakobe. ¡Ayö! ja̧ baledakwa̧ omukwatö budekwabinö jwöbeba̧laduwi, ¡Ökwödöwe! jö̧ba̧lö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ