Isaías 14:26 - Dios Iwene

²⁶ Jau, jobekwö omudawö ujunajabe Diosma, bö̧jȩ ba̧kwemeachibanö baledobö omudawö ujunaja̧ma. Ja̧danö jo̧ba jobekwö omudawö junajo̧da ömamu kabebö i̧sȩba̧lö jo̧, tjitebokwena jojodönö kwaakobetjö̧.

Isaías 14:26 ပူးပေါင်းရင်းမြစ်များ

Éxodo 15:12

Isabenö Jo̧, ökwöma kwömamu kwöwaisamunö kabebö kwi̧sebemi nijima ökatibajabe kwöpöjojodönöma.

Proverbios 19:21

Ja̧danö, ju'wibi yötawa: Isabenö, jojodöma idöda ja̧tjakwa̧ ju'wi jawabi ju'wi jawa tjo̧'wo̧ junö omukwatadö. Jobekwö tjo̧mukwatijayonö Isabenö Jo̧ma iteda baledobö ösödi̧danö baledakobe.

Isaías 23:11

—Baledaja̧ baikwö wanedö yöta̧la: Isabenö Jo̧ma, jwaibalawa wame iteda ömamu kabebö i̧sȩbajabe, ja̧danö la'aka luwedö tjitebokwena ju̧kwadönö tjö̧bawadö batjibanö ya̧ebajabe. Ja̧danö ju'wibi, Diosma weajabe, Canaan niji tjöekwemikwena söbebö lotjobö.

Isaías 23:9

—Isabenö Jo̧ Okobe Jwiinö Juluwo̧ Diosda bejenö baledobö omukwatö juninama. Otiwadösa jö̧ba̧lö omukwatö tjö̧ji̧ 'dö̧ibakobetjö̧, bejenö baledobö weinobe chömöledö. Jau, bö̧jȩ jojodötjö inesö otiwanö tjomukwatawö̧, otiwanö tjomukwatököwö̧ batjibanö meatö loakobetjö̧, bi̧ya inesö suli̧ waekwi̧ baledobö weinobe.

Isaías 25:11

Lȩebawö̧, Moab niji jojodöma lȩebi̧tjö latjebobö tjisakwakwedö, wanedö yöta̧la, ojwenö kwöbadö kwötjobö tjömamiju tjiwechi̧danö, latjebobö tjisakwakwedö, jo̧kwaijayonö waekwakobe. Moab jojodö otiwadösa jö̧ba̧lö tjomukwati̧ söbebö loakwo̧, ja̧danö waisanö suli̧ tjöwaedobö tjotidi̧bi söbebö loakwo̧.

Isaías 5:25

Jau chömöledö, yöta̧laja̧danö sulabenö ja̧tjiökwe, isabenö ödameakwachibajabe Isabenö Jo̧ma, iteda ömöledö israel jojodönö, ja̧danö ömamu kabebö, jobadönö kwaajabe. Jobekwö kwaobetjö̧, mösa'ijuma tjö̧awobe, ja̧danö kwaajawö̧ tjiteba'ijuma, comunidad mananö bo̧be, sula'wo bi̧danö. Ja̧danö ida̧ökö bakwötanö kwaajayonö, ina seachibokobe Isabenö Jo̧ inesö ödameakwi̧ma, ja̧danö ina öja i̧sȩba̧lö jo̧, yemidanö kwaakobetjö̧.