Isaías 14:17 - Dios Iwene

¹⁷ Biteda tjitebo comunidadkwena söbebö lobö, bö̧jȩ ba̧kwemeachibanö jojodö deinö baibanö ja̧inaji̧? Biteda jojodönö juluwö öbibajo̧, ujuluwajawö̧nö tjewa̧jökönö tjö̧jobö ja̧inaji̧? –jö̧ba̧lö yötja̧lakwedö, inesö mikwawö̧kö̧danö kwichejekwakobetjö̧.

Isaías 14:17 ပူးပေါင်းရင်းမြစ်များ

Isaías 14:16

Ja̧danö okobe deinö ökwönö edadöma, ökwönö eda̧lö omukwatö yötja̧lakwedö, –Isabenö biteda bö̧jȩ tjö̧awobö ja̧inaji̧? Biteda tjitebokwena ya̧bö loinaji̧?

Isaías 14:18

Jau, ju'wedö tjitebokwena jojodö tjuluwedö inesö la'aka luwedö ö'wö batjibenama, bakwo̧nökwena wobiako otiwanö tjo̧tjawö̧, inesö otiwobe tjö̧bakobetjö̧.

Isaías 45:13

Jobekwö otidinama ötjödasa, ja̧danö ju'wibi yötawaduwakwö: Ötjöma bakwainö otiwanö ja̧bö jo̧chobetjö̧, Ciro mikwo̧nö wetocha, weti̧ otidakobetjö̧. Ja̧danö, ötjöda i̧'yakwa̧ manatenia ba̧ba̧ladö chotidocha. Jobekwö wetiökwe, chitebo comunidad Jerusalen comunidad yemidanö otidakwo̧, ja̧danö ju'wibi chömöledö, tjitebotjö ödö tjö̧jobö wetinawönö weakwo̧, yemidanö tjitebobe tjewa̧jakobetjö̧. Ja̧danö jobekwö ja̧akwa̧ma, baikwö yöta̧la, bakwo̧ imidajökwe, —Baikwö ja̧köbitjö̧ma chimidocha, —jö̧ba̧lö imidökwe, jobekwö ja̧ökakwo̧. Ötjöda jobekwö ja̧akwo̧ baibanö omudawö chujuninobetjö̧, jobekwö ja̧akwo̧, jö̧ba̧lö yöa̧lobe Isabenö Jo̧, Okobe Jwiinö Juluwo̧ Diosma.

Isaías 58:6

Isabenö chöba a'otjö ö̧tö̧chö ja̧kwawa chösödi̧ma, baikwö yötawaduwakwö chömöledö: Sulabenö ka̧lena tjödinawö̧nö ejatö loköbaduwobö, ja̧danö sulabenö 'diinö tjotidobö weköbaduwawö̧ usula emawadönö kwejataduwobö, ja̧danö usula tjemawinö wetjawö̧ tjö̧jibinö pjakataduwobö, ja̧danö ömöki̧ jawa e'ewakwawö̧'atenia 'dabebö loköbaduwobö.

Isaías 64:10

Ökwöda kwitebo niji comunidadteniama, bakobe jojodö deobe baibajabe. Sion mösa'obi, jojodö deobe baibajabe, Jerusalen comunidadbi söbebö loawemi baibajabe.