Isaías 14:13 - Dios Iwene

¹³ Ökwöma kwomajadenö yöba̧linaja: –Mölȩjȩbe katekwakwo̧sa, Dios ömöayedö si̧li̧'idö tjöwame batibenanö. Ja̧danö kabekwajo̧, chiteaka inesö la'aka luwo̧ ö̧bakama, mö chujunakwo̧sa. U'dakwö ja̧'o mösa'o, diosbedö ko̧ko̧kwö tjö̧ba̧ja̧'otjö, ötjöbi chöbamatakwo̧sa.

Isaías 14:13 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 20:6

—Jau Job, sulabedötjö inesö juluwadöbi, lekwema juluwöködö, bakwo̧ sulabo̧ma okobe deinö ju'wedötjö bajalekwönönö jwiinö juluwo̧ ö̧jitjö̧bi, yayonö juluwö̧kö̧ lekwema, sulabo̧obetjö̧.

Isaías 2:2

—Yadakwö löji möle baibenama, Isabenö Jo̧ eju ja̧'o mösa'oma, isabenö nöinö mikwawa'o ja̧kobe, okobe jwiinö mösa'ijutjö, Dios eju ja̧'o mösa'oda inesö la'aka mösa'o ja̧kobe. Jau, ja̧ mösa'oda kabebö ujunakobe Diosma, okobe jwiinö jele'otjö bajalekwönönö inesö mikwawa'o mösa'o baibanö, ja̧danö bö̧jȩ bakwemeachibanö ju̧kwadö tjitebokwena jojodöma ja̧'o jo̧bekwö tji̧'yakwedö.

Daniel 11:36

Tupakwö yöawinobe ángelma: —Jo̧ba Siria la'aka luwo̧ma iteda ösödi̧danö ja̧akobe. Ja̧danö yöa̧lakobe, ötjöma okobe deinö diosbedötjö bajalekwönönö juluwo̧sa jö̧ba̧lö, ja̧danö jojodö tjöbajale jalaka baibanö Okobe Jwiinö Juluwo̧ Diosnöbi sulabenö yöa̧lakobe, mikwawö̧kö̧, ujulu jwibo̧ jö̧ba̧lö. Ja̧danö jejenö sulabenö ja̧ijayonö, ina iteda ösödi̧danö ja̧obö ja̧kobe, Dios jo̧banö lȩebobö badedö ujunina möle badekwachenanö kabatö, ja̧danö ja̧ mölema, Diosma jo̧banö dameakwö labinö lȩebakobe.

Daniel 5:20

Jejenö isabenö juluwo̧ baibanö ujuninobe Diosma, kwabe'do Nabucodonosornö chuluwo̧, jo̧kwaijayonö ju'wibi: Aaa, otiwo̧sa, juluwo̧sa jö̧ba̧lö omukwatö, yöawakwawa a̧ja̧kwökönö Nabucodonosor ö̧jenama, Diosma jo̧banö nijakwönönö ujuninobe. La'aka luwo̧ ö̧ja̧jama jo̧batjö 'döebinobe, ja̧danö ujulubi jo̧batjö 'döebinobe.

Mateo 11:23

Ja̧danö ökwödö Capernaúm jojodöma, ¿kwedaduwemi mölejȩbe kakekwaduwakwa̧ji̧? ¡Kakekwaduwökakwedöja, Dios ökwöla nöolabe ikwö loakwa̧wö̧ja! Isabenö jojodö edajitjökö jawa kwö'da̧deduwitjö chi̧sebinadanö Sodomatjö chi̧sebinatjö̧ma, Sodoma jojodöma sulabenö tjomukwati̧ kabatibö tjöbalewacho jö̧tja̧linena, ja̧danö Diosma la'akatjöda jobadönö söbebö looko jö̧a̧linena, ja̧danö tjiteboma ina jo̧ jö̧a̧lena.

Lucas 10:15

Ja̧danö ökwödö Capernaúm jojodöma, kwedaduwemi ¿mölejȩbe kakekwaduwakwa̧ji̧? Kabekwajöködöja. Ötjönö kwöpöjödaduwobetjö̧ ¡Dios ökwöla nöolabe ikwö loakwa̧wö̧ja!— jö̧ba̧lö yöawinobe Jesúsma, jo̧banö öpöjödadö comunidad jojodönö baledakwa̧ma.

2 Tesalonicenses 2:4

Jo̧ba Awetja ömöayo̧ma okobe deinö diosbedö ötjabiwö̧nö, ja̧danö okobe deinö jojodö tjösödawö̧nö öpöjödakwo̧, Jobadönötjö bajalekwönönö jo̧sa, jö̧ba̧lö. Ja̧danö, ju'wibi Dios weineju okwa tebachibö, öbamatakwo̧, Ötjödasa Diosma, jö̧ba̧lö.