Isaías 14:12 - Dios Iwene

¹² —Jau, Yȩayi Dejato̧, dewachena öwawo̧ si̧li̧'idanö kwichejekwinajayonö, mölȩjȩbetjö meköbajabe. Ja̧danö ajayinö tjitebokwena jojodönö söbebö loköbinajayonö, babe ökwönöbi jubö lotjajabe, nijakwö kwakibinö.

Isaías 14:12 ပူးပေါင်းရင်းမြစ်များ

Isaías 13:10

Jau, isabenö jwiinö labikobe ja̧ mölema, sasokwena lö̧jadö si̧li̧'idöbi, okobe deinö ju'wedö si̧li̧'idöbi tjidejati̧ katjatibakwedö, ja̧danö möle jawo̧ laebenama, dejatökönö laebakwo̧, ja̧danö yöte jawo̧bi idejatökakwo̧.

Isaías 34:4

Okobe deinö si̧li̧'idöma, tibibö tjöwawökakwedö, ja̧danö ösöja do̧la̧chibi̧danö, mölȩjȩma do̧lachibakobe. Okobe deinö si̧li̧'idöma, tibibö tjodutjakwedö, towi öjiya kököbachibö tjoduwi̧danö, ja̧danö higo waji̧ kököbachibö tjoduwi̧danö, mölȩjȩbetjö tjodutjakwedö si̧li̧'idöma.

Lucas 10:18

Yötja̧liökwe, Jesúsma atadinobe: —Jau chömöledö, yöka̧laduwi̧danö jo̧be. Ötjöma Awetjanö chedatö, böba jwiachibi̧danö Awetja mölejȩbetjö mei̧ma. Isabenö chujulu ökwödönö chiyobetjö̧ Awetjanöbi ömöayedönöbi kwujuluwaduwajabe.

2 Pedro 1:19

Ja̧danö jejenö dedinobetjö̧, ajayitjö bajalekwönönö isabenö döwaisobe chömöledö, Duluwo̧ma isabenö iteda ujulu i̧sebö yemidanö ichakwo̧ jö̧ba̧lö. Jau chömöledö, Dios yöawi̧ yöbawadöma tjiwȩyudinobe, Duluwo̧ 'dö̧ibaji̧ möle yemidanö ichakwa̧ wenema, ja̧danö ida̧ökö jobadö tjiwȩyudi̧ dösödinobe. Ja̧danö, jemi ikenama ökwödöma jo̧ba ujulu i̧sebina dedijatö chömöledö. Ja̧danö jejenö dedinobetjö̧, ajayitjö o̧penönö döwaisobe, Dios yöawi̧ yöbawinadö tjiwȩyudinadanö iteda ujulu i̧sebö ichakobe jö̧ba̧lö. Isabenö jweinö tjiwȩyudinobe chömöledö, jo̧kwajabetjö̧ jobadö tjiwȩyudina otiwanö omukwatö kwösödaduwo chömöledö, jweinö kwomukwataduwakobetjö̧. Jau chömöledö, jobadö tjiwȩyudinama isabenö otiwanö domukwatobö pjaati̧, wanedö yötawa: Jobadö tjiwȩyudinama dejewa'yu̧ ubö dejati̧danö jo̧be, ichakwo̧nö jweinö kwomukwataduwobö, ja̧danö jejenö dejatakobe, inesö möle Cristo yemidanö ichakwa̧ möle dewachena kabatö. Ja̧danö ja̧ möle salöinö dejato̧ Cristoda ichö kwomajadeduwinö idejatakobe chömöledö, damötjö tjiwȩyudinadanö.

2 Pedro 2:4

Jau chömöledö, isabenö jobadönö Dios lȩebakwa̧ wene döwaisobe, jobadöjayedönö Diosma ida̧ökö damötjö lȩebinobetjö̧. Jau chömöledö, damötjö ángelesdötjö sulabenö ja̧binadöma Dios lȩebi̧tjö tjö̧jibinokobe, sulabenö ja̧tjiökwe Diosma jobadönö ödinobe, Dios lȩebakwawö̧ tjö̧jena tjö̧bobö, ja̧danö jobe ka̧lena tjö̧bobe, inesö Dios lȩebakwa̧ möle baibenanö kabatö, ¿jö̧tö?

Apocalipsis 2:28

Ja̧danö, ökwödö kabebö chujunakwawö̧nöma sili'inö chiyakwo̧sa, yȩayi labebo̧nö. Jo̧ba sili'ima ötjönö wanekwachobe, Ökwödöma ötjökwö kwö̧jaduwakwedöja, jö̧ba̧lö.

Apocalipsis 22:16

Ikenama Jesús yöawijatö okobe deinö itenöda ösödadönöma. Baikwö yöawijatö: —Ötjöma Jesússa. Chömöayo̧ ángelnö, Juannö yöawobö wetinobetjö̧, tjo̧wi̧ta, kwa̧ja̧kwaduwobe. Ja̧danö, ötjöma Davidminetjö tupadanö jojosa. Ja̧danö, ötjöma sili'i jwiinö dejatinö dewo̧danö, yȩayi dejatö dewo̧danö jwiinö dejatinö dewo̧sa— jejenö Jesúsma yöawijatö okobe deinö jo̧banö ösödadönöma.

Apocalipsis 8:10

Jemi ikena trompeta pjubo̧ pjuena sili'i nöbo̧, dejewa'yu̧danö ubo̧ mölejȩbetjö ojwebiyanöbi, ojwe se'dijunöbi meobe chedijatö, ö'wemida.

Apocalipsis 9:1

Jemi ikena trompeta pjubo̧, bakwamusanu pjubo̧ baibanö pjuenama sili'idanö ichejekwo̧, mölejȩbetjö nijakwö mebo̧nö chedijatö. Ja̧danö, jo̧banö Dios iyobe chedijatö, yawepi̧, böjȩ teebe laju apjude po̧ekwapi̧ma. Jajuma yelösöda jwiinö möaju, okwabi öwawökönö möaju.