Isaías 13:4 - Dios Iwene

⁴ —Mösa'ijutjö ökwöi̧ kwa̧ja̧kwaduwo, ba̧jȩkwadö ölakwabikwawadö kwetjachobe ökwöobe. Jau, ba̧jȩkwadö tjitebokwena jojodö jwöbeba̧lö tjo̧ko̧ko̧kwobe ökwöobe, Isabenö Jo̧ Okobe Jwiinö Juluwo̧ Diosma Babilonia jojodökwö tjölakwabikwawakwedönö o̧ko̧kodobetjö̧.

Isaías 13:4 ပူးပေါင်းရင်းမြစ်များ

Isaías 17:12

A̧ja̧kwaduwi chömöledö, ba̧jȩkwadö tjitebokwena jojodö tjichi̧ma, böba ökwöi̧danö ökwöobe, ja̧danö jwaibalawa labinö ökwöi̧danö ökwöobe. Isabenö labinö ökwöobe ju'wedö tjitebokwena ölakwabikwawa jojodö tjichi̧ma, jwaibalawa labinö lobö ökwöi̧danö.

Isaías 48:14

Jobekwö ötjöda chujulunö otidinasa̧ chömöledö, jo̧kwajabetjö ökwödönö yötawonö, bakobe ko̧ko̧kwö kwa̧ja̧kwaduwo. Bi̧ya ökwödönö yötawi̧ma, ju'wedö tjösödawö̧tjö, bakwo̧bi yöawinaji̧? Yöawinokobe chömöledö, ötjöda bi̧ya̧ wene yötawaduwakwö: Ötjöma bakwo̧nö omudawö chujunajabe, ötjökwö bakobe pjabatakwawö ö̧jakwo̧nö. Ja̧danö wetökwe, Babilonia jojodönö ujuluwakobe, ömöayedö ölakwabikwawadönö öbibö, Caldeo jojodö ötjabawö̧ Babilonia jojodönö ujuluwakwo̧.

Isaías 5:26

Jau, iteda ömöledö israel jojodönö lȩebakobetjö̧, Isabenö Jo̧ma i̧sȩbö jwöakobe ju'wedö tjitebo jojodö ödö ju̧kwadönö, bö̧je bakwachö̧je ju̧kwadö ölakwabikwawa jojodönö su̧wiba̧lö jwöakobe, ja̧danö jwöajawö̧, juluwanö tjichakwedö.

Isaías 5:30

Tjichibakwa̧ mölema, isabenö labinö tjichakwedö, jwaibalawa labinö ökwöinö söbebö loi̧danö, labinö ökwöinö söbebö lobö tjichakwedö. Ja̧ möle jojodö israel niji tjedenama, yȩa'wo jo̧be, nöinö wene jo̧be tjedakwedö. Jau, ja̧ möle isabenö nöinö wene jo̧betjö̧, dewi̧bi dewokobedanö ichejekwakobe, jwiinö yȩa'wo ojwiyo o'wiju lo̧betjö̧.

Apocalipsis 18:8

Jo̧kwaobetjö̧, jobadönö yelösöda lȩbebo̧sa, Ba̧kwȩlö̧jatebö, Otiwadösa, jö̧ba̧lö omukwatinadönöma. Ja̧danö, inia tjötjinö te'ada̧lökönö baledakobe jobadönöma. Yelösöda lȩbebo̧sa tjubudekwabinö. Ja̧danö a̧wi̧chi̧ tjötjinöbi baledakwedö. Yelösöda jobadönöma juwö lotjakwawö̧. Ötjö, Kwuluwo̧duwi Diosma juluwo̧chobetjö̧ jwiinö inia tjötjinö baledakobe jobadönöma. Ötjö, Kwuluwo̧duwi Dios jobadönö lȩbebö yöbawo̧ma.