Isaías 13:22 - Dios Iwene

²² Hienas ötjabawö̧ma tjöbeba̧lö tjotidinejubiyanö jwöbeba̧lö tjö̧jakwedö, ja̧danö chacales ötjabawö̧ma la'aka luwedö tjö̧jinejubiya otiwejubiyanö ja̧nö jwötjeba̧lakwedö. Jau, Babilonia jojodö tjö̧ji̧ma juluwanö 'dö̧ibakobe, jobadönö söbebö loakwa̧ mölema ida̧ökö yöneawachibobe, –jö̧ba̧lö yöawobe Diosma, —jö̧ba̧lö laebobe ötjö Isaias Babilonia comunidad laebakwa chedinama.

Isaías 13:22 ပူးပေါင်းရင်းမြစ်များ

Isaías 14:23

Ja̧danö, Babilonia comunidad söbebö lobajo̧, tumulu̧'u̧dö tju̧ju̧kwemi baibanö wetakwo̧sa, ja̧danö o̧pesobu sulabobu jȩmi baibanö wetakwo̧sa. Jau, jwodatö lotji̧danö bakobenö söbebö lotocha Babilonia comunidadma, —jö̧ba̧lö yöawobe Isabenö Jo Okobe Jwiinö Juluwo̧ Diosma.

Isaías 25:2

—Jau chuluwo̧, comunidadbiyatjö mö japopo pjolö loawemida baibanö webo̧ja, inesö 'diinö tjöbebö tjotidinemi comunidadbi pjolo loawemida baibanö webo̧ja. Ja̧danö ju'wedö tjitebo niji inesö la'aka luwo̧ eju comunidad, comunidad jwiemi baibanö webo̧ja, la'akatjöda tjotidökakwemi baibanö webo̧ja, isabenö juluwo̧ja chuluwo̧, omukwatö kwujunaja̧danö badekwachakobetjö̧.

Isaías 32:14

Jau, inesö la'aka luwo̧ eju otiwejuma, deeju ji̧bakobe, ja̧danö ba̧jȩkwadö tjuju̧kwemi comunidadma, jojodö dei̧ comunidad ji̧bakobe. Ja̧danö 'diinö tjöbebö tjotidina'o mösa'obi, mösaka mö wa̧nö eda̧lakwawakabi, lekwe möle tebonö ju̧kwadö tjö̧jemida jakobe, ja̧danö tjajikwököwö̧ bu̧lu̧döbi, obejadöbi jobe pjeanö tjukwobö tjösödakwedö.

Isaías 34:13

La'aka luwedö tjö̧jinejubiyabi, 'diinö tjöbebö tjotidina comunidadbi, sȩakabi, ju'wi sȩi̧ jawabi pokwemi ja̧kobe, ja̧danö jobe tjö̧jakwedö, tebo awili̧döbi chacales ötjabawö̧bi, nöbo̧ patudöbi.

Isaías 34:14

Jojodö deobe ju̧kwadö tebonö ju̧kwadöbi, tebo awi̧li̧döbi jobe ko̧ko̧kwö tjö̧jakwedö, ja̧danö jobe tebo chivodö tjömöledönö jwötjeba̧lakobe. Ja̧danö jojodö yetjabiwö̧ yö̧te kö̧ba̧ladöbi jobe kwebachö, tjabakwemi tjujuna̧lakwedö.

Isaías 35:7

Kököinemima, o̧pesobu baibakobe, niji kököachibinelö, ojwese'do baibakobe. Kököinemi jojodö deobe, ajayinö tebo awi̧li̧döda tjö̧jinelö, isa'ye otiwanö pokwakobe, ojwenö pokwi̧ isa'yebi, papiro ötjabi̧ jawabi.

Isaías 43:20

Jobekwö ojwe lamatobö wetiawö̧, tebonö ju̧kwadö chacales ötjabawö̧bi, nöbo̧ patubi ötjönö tjösödakwedö, —Otiwanö dowobö kwiyajabe, —jö̧ba̧lö. Ja̧ chotidi̧ma, baikwö labebö lobö yötawaduwakwö: Ökwödö israel jojodönö chösödobetjö̧, jobekwö jojodö deobe kököajelö ojwe lamatobö webo̧sa, ökwödö ötjöda chömöledö bakibaduwanö omudawö chujuninawö̧ o̧ti̧ tjöbadöma, jödötjö otiwanö kwowaduwakobetjö̧.

Deuteronomio 32:35

Isabenö ötjödasa sulabenö ja̧tji̧ balekwa mikwa lȩbebo̧ma, ja̧danö lȩtebobö badekwachenama, lȩtebocha. Baikwö wanedö yötawa: Ja'yubenö lekwajabetjö dusachibö metja̧kwedö, ja̧danö wene tjöbaledakwa̧ma juluwanö badekwachakobe, ja̧danö juluwanö jobadönö söbebö lotakobe, –jö̧ba̧lö yöawobe Diosma.

2 Pedro 2:3

Ja̧danö, idöda tjemotö jö̧ba̧lö tjösödobetjö̧, jobadö sulabenö yöbawadöma ökwödönö omöna yötja̧lakobe, ökwödötjö balada tjemo jö̧ba̧lö. Jo̧kwaijayonö Diosma damötjö jobadönö lȩebobö omukwatö ujuninobe chömöledö, ja̧danö isabenö jobadönö lȩebakobe.