Isaías 12:2 - Dios Iwene

² —Jau, edaduwi, Diosda ökwödönö dö̧jibinö pjabato̧ma, jo̧kwajabetjö̧ jo̧banö do̧'wo wa̧nalö ja̧nö, yebabökönö dö̧jakwedösa. Jau, Isabenö Jo̧ Diosda dujuluwachibanö pjabato̧ma, jo̧bada dö̧jibinö pjabato̧ma, ja̧danö döpöjojodötjö dö̧jibobö pjaatinobetjö̧, jo̧banö ösödö lo̧badösa, —jö̧balö yöka̧laduakwedöja.

Isaías 12:2 ပူးပေါင်းရင်းမြစ်များ

2 Samuel 7:24

Ja̧danö ökwödö israel jojodönö 'da̧batö kwujunijatö, ba̧kwelöjatebö 'dö̧bibajökönö kwömöledö dö̧jobö. Ja̧danö ökwö Isabenö Jo̧da, ökwödö israel jojodö dösödökwe Dios bakibijatö chuluwo̧.

Diosnö ösödo̧ Job mikwo̧ usula emawina jawa 13:16

Sulabedö Diosnö öpöjödadöma la'akatjöda Dios öba a'o tjichiboböma jö̧ba̧löködö, ja̧danö sulabo̧ chö̧jitjö̧ma, jo̧ba öba a'o ichibö yöta̧lakwawobö chöpöjödena. Jo̧kwaijayonö jejenöbö̧kö̧sa ötjöma, jo̧kwajabetjö̧ chedemi Dios öba a'o ichibö, labebö lobö yöta̧liökwe, isabenö chö̧jibinö pjaatena, —jö̧ba̧lö atadinobe Jobma, ömöledönö.

Éxodo 15:2

Isabenö Jo̧ma ötjönö chujulu iyo̧. Jo̧banöda omukwatö lo̧ta. Isabenö Jo̧ma chöpöjojodötjö chö̧jibinö pjabato̧. Jo̧bama ötjö Chuluwo̧ Dios, ja̧danö jo̧banö chösöda, jwiinö otiwo̧, jö̧ba̧lö. Ja̧danö, jo̧bama chabe'do Uluwo̧ Dios, ja̧danö jo̧banö chösöda, jwiinö juluwo̧, jö̧ba̧lö.

Isaías 10:24

Jo̧kwajabetjö̧ baikwö yöawobe Isabenö Jo̧ Okobe Jwiinö Juluwo̧ Diosma: —Chömöledö Jerusalennö ju̧kwadö, Asiria jojodönö yekabiduwoko. Damötjö Egipto jojodö ö̧sö̧'anö kwakwatjinadanö, ja̧danö ökwödönö kwatjotö jö̧ba̧lö tjotokwa'o katjebinadanö idö Asiria jojodöbi ja̧tjijayonö, jobadönö yekabiduwoko, baikwö yötawa:

Isaías 17:10

—Jau, jobekwö baledakobe, kwö̧jibaduwinö pjabatina Diosnö kwo̧'woduwi jwikibinaduwobetjö̧. Inesö tjöeba̧lakwawa inawadanöbo̧ ökwödönö tjöbeba̧lo̧nö omukwatöködöja, jo̧kwajabetjö̧ isabenö kwöwaekwaduwakwedöja, ökwödö israel jojodöma. Jo̧banö omukwatökönö kwö̧jaduwobetjö̧, ökwödönö baledakwa̧ baikwö yötawaduwakwö: Ubasa'ba otiwa'ba junadöja, ja̧danö ju'wedö tjitebotjö kwichejebina'ba otiwa'babi junadöja.

Isaías 27:5

—Ju'wibi chösödena, sȩakadanö ichejekwadöbi, ju'wi sula'wodanö ichejekwadöbi, chöbatjo öpöjojodö tjö̧ji̧ kabatibö, chömöayedö batjibanö tjichobö chösödena. Ölakwabikwawa kabatibö, ötjökwö wene jwiinö tjöjakwa̧ yöbawö tjujunobö chösödena, —jö̧ba̧lö wanedö yöa̧lobe Diosma.

Isaías 32:2

Jobekwö lȩekwa jweinö yöbawö, tjömöayedönö otiwanö tjöbeba̧lö pjatjatakwedö, baikwö wanedö yötawa pjatjatakwa̧ma: Jwa̧le'epjo labinö doibenama, tjöekwemidanö tjö̧jakwedö, ja̧danö ju'wibi kököelö tjö̧jenama, ojwedanö tjö̧jakwedö, jadanö tubemi kököemi tjö̧jenama, nöawa isadanemi tjö'wachobö otiwawadanö tjö̧jakwedö, otiwanö jojodönö tjöbeba̧lö lȩekwa yötjawobetjö̧.

Isaías 33:22

Jau chömöledö, Isabenö Jo̧ Diosda duluwo̧ ö̧jakwo̧, Isabenö Jo̧ Diosda ökwödönö webö ö̧jakwo̧, Isabenö Jo̧ Diosda inesö la'aka duluwo̧ ö̧jakwo̧, ja̧danö jo̧bada dö̧jibinö pjaatakwo̧, döpöjojodö tjichibapji jö̧ba̧lö.

Isaías 38:20

Chö̧ji̧binö pjabato̧ja chuluwo̧ Isabenö Jo̧, ja̧danö jobekwö chö̧jibinö pjakatobetjö̧, ba̧kwelöjatebö kwejutjö ökwönö ösödö lo̧dakwedösa, arpa pjebö ökwönö lo̧bö dösödakwedösa, jö̧ba̧lö i̧wȩyudinobe Ezequiasma.

Isaías 45:17

Jobekwö baledököwö̧ ökwö Diosnö ösödadönö. Ju'wedö tabakwö tjö̧jonö, ökwödö israel jojodönö dö̧jibinö pjabato̧ Diosma, 'dö̧ibajökö ji̧ ji̧kwawa baibanö dö̧jibinö pjabato̧. Ja̧danö jobekwö dö̧jibinö pjaatobetjö̧, la'akatjöda 'dö̧bibajökönö tabakwö dö̧jökakwedösa, la'akatjöda taba lö̧jawö̧ badibökakwedösa.

Isaías 49:5

Isabenö Jo̧ Diosda ötjönö otidinama, chojo'do jukwa'wo okwa cha̧ja̧yi, iteda ömöayo̧ batibanö otidinobe, ötjönötjö iteda ömöledö Jacob itji̧mu tupadanö jojodönö pjaatobö, yemidanö jo̧bakwö tjichibakobetjö̧. Jau, israel jojodöma tjebachajö jo̧bakwö batjibanö o̧ko̧kodakobetjö̧, iteda ömöayo̧ batidanö otidinobe, ja̧danö Isabenö Jo̧ öba a'otjö, isabenö otiwanö tjomukwatökwe chö̧jakwo̧sa, chuluwo̧ Diosda chujuluwachibanö pjaatobetjö̧. Ja̧danö, babema ötjönö otidina Isabenö Jo̧ma ötjönö yöawobe, baikwö:

Isaías 50:10

Baikwö yöta̧laduwakwö chömöledö: Ökwödötjö didöda Isabenö Jo̧ Diosnö yebabinö ösödö kwö̧jaduwobeda? Ökwödö Diosnö ösödadösa jö̧ba̧ladöma, Dios ömöayo̧ yöawi̧ a̧ja̧kwö kwö̧jaduwo chömöledö. Ja̧danö ökwödötjö yȩa'wo okwa, dewi̧ ja'yubebi dewokobe kwebachadöma, Isabenö Jo̧nö kwo̧'woduwi wana̧lö kwö̧jaduwo, kwuluwo̧duwi Diosnö ösödö kwö̧jaduwo, —Diosda pjaatakwo̧, —jö̧ba̧lö.

Isaías 51:12

Adebökwe, baikwö atadö yöba̧lo̧ Isabenö Jo̧ma: Chömöledö, kwo̧'wo tjo̧bekwö kwö̧jaduwelö, ötjödasa kwo̧'woduwi ösöwachibanö pjabato̧ma. Ja̧danö ötjöda ökwödönö pjatatobetjö̧, tajawedö bö̧jȩ jojodönö yekabiduwobö? Jobadöma meje'ye, juluwanö kököbachibö, debi baiba'yedanö ichejekwadö, juluwanö debö 'ya̧dö bö̧jȩ jojodöma, tajawedö jobadönö yekabiduwobeda?

Isaías 61:10

Jwiinö cho̧'wo ösöwachibanö chösödobe Isabenö Jo̧nö, —Chösödökwe Diosma otiwanö pjabato̧, —jö̧ba̧lö. Jau, baikwö wanedö yöta̧la, ji̧ikwa jawa kamisinö 'duatajabe ötjönö, ja̧danö otiwanö ja̧bö ja̧kwawa jawa wamesa̧do̧nöbi 'duatajabe. Jobekwö 'duatajökwe, ö'weje pjabato̧bi, ilekwonö emakwo̧bi jwiinö otiwaka butjawaka tjubutjawi̧danö, ja̧danö jilekwenö jemakwuju sasiyu jöni̧danö, otiwanö 'dubawö jo̧sa, chösödökwe Diosma otiwanö pjaatobetjö̧.

Isaías 62:11

Jau chömöledö, bö̧jȩ ba̧kwemeachibanö ju̧kwadönö baikwö weajabe Isabenö Jo̧ma, Jerusalen jojodönö baikwö yökawaduwo: Edaduwi, kwö̧jibaduwinö pjabato̧ma baikwö kwö̧jaduwobekwö ichobe. Ja̧danö baikwö ichenama, iteda emajawö̧, tjö̧jibinö pjaatajawö̧nö öbibö ichobeta, jö̧ba̧lö yötjawobö weobe.

Isaías 65:18

Ja̧ möle jobekwö chotidiawö̧, kwo̧'woduwi ösöwanö, ba̧kwelöjatebö kwo̧'woduwi ösöwachibanö kwö̧jaduwakwedöja. Jau chömöledö, Jerusalen comunidad chotidocha, tjo̧'wo ösöwachibanö tjö̧jemi comunidad baibanö, ja̧danö jobe ju̧kwadöma jwaikwöda tjo̧'wo ösöwanö tjö̧jakwedö.

Isaías 7:14

Jobekwö sulabenö ja̧köbiökwe, i̧sȩbakwa̧ jawa Dios i̧sȩbobö akebököjayonö, yayonö Dios i̧sȩbakwa̧ jawa yötawakwö baikwö: Möayujuma metu'wo babibaju, jitji̧nö jemakobe, ja̧danö emaju, Emanuel jö̧ba̧lö jimidakobe jitji̧nö, Diosma ökwödökwö jo̧ jö̧ba̧lö.

Daniel 3:28

Jejenö balediökwe, Nabucodonosorma yöa̧linobe: —Isabenö okobe deinö tjösödobö jo̧be, Sadracbi Mesacbi Abednegobi tjösödökwe Diosnöma. Bidöma tjuluwo̧ Diosnö ösödö, weti̧ tjöpöjödinobe, debö di̧'yitjö̧böbi sule Duluwo̧ Diosnöda dösödakwedösa, jelo̧nö la'akatjöda dösödökakwedösa jö̧ba̧lö. Ja̧danö jejenö tjo̧'wo̧ tjöwana̧liökwe, Diosma iteda ömöayo̧ ángelnö weajabe, ökwölatjö tjö̧jibinö pjabatö, jo̧kwajabetjö̧ okobe deinö jo̧banö tjösödobö jo̧be.

Romanos 1:16

Jau chömöledö, tabada̧lökönö yöbawo̧sa otiwa jawa wenema, jo̧kwajabetjö̧ isabenö ökwödönöbi yötawobö jö̧ta̧la. Jau chömöledö, tabada̧lökönö yöbawo̧sa. ¿Tajawedö chötabada̧lobö chömöledö? Ja̧ weneda inesö mikwawi̧ wene, ju'wima jwiobe yelösöda, jojodö tjö̧jibobö chömöledö. Okobe deinö ja̧ otiwa jawa wene ösödadönöma, tjö̧jibinö ja̧akwo̧ Diosma, abönö a̧ja̧kwinadö judío jojodönöbi, judío jojodöböködönöbi. Ja̧danö, ja̧ weneda ji̧kwa weneobetjö̧, tabada̧lökönö yöbawo̧sa ötjöma chömöledö. Jau, ja̧ wene isabenö juluwi̧ ji̧.

1 Timoteo 3:16

Dösödi̧ wenema isabenö otiwa jawa wene Timoteo, jojodö ajayinö wajwitjina wene, Dios i̧sebina wenema. Ja̧danö bakwo̧bi, Aaa, sulabe wene, isa̧ökö wene, jö̧a̧loböma jwia. Ja̧ Cristo Jesús jawa wenema biya̧: Jo̧bama jojo baibanö öwawinobe. Jo̧banö i̧sebinobe Dios O̧'wo̧ Luwo̧ma, sulabe jwibo̧ jö̧ba̧lö. Jo̧banö tjedinobe ángelesdöma. Jo̧banö tja̧ja̧kwinobe böjȩ bakwameachibanö ju̧kwadö jojodöma. Jo̧banö tjösödinobe böjȩ bakwameachibanö ju̧kwadö jojodöma. Jo̧bama mölejȩbe kaekwajinobe.

Apocalipsis 7:10

Ja̧danö, labinö jwöbeba̧lö tjösödi̧ma cha̧ja̧kwijatö: —Bidöda ökwödö dö̧jibinö pjabatadöma, inesö ba̧kwawakanö bo̧nö Duluwo̧ Diosbi, Obeja Itji̧danö Jo̧bi— jwöbeba̧lö tjösödobe chedijatö.

1 Samuel 2:1

Jejenö jitji̧nö Dios ömöayo̧ baibanö iyaju, Anama Diosnö ösödö yöja̧linobe baikwö: —Isabenö Jo̧nö omukwatö chomajadenö cho̧'wo ösöwachibobe, Isabenö Jo̧ma isabenö chujuluwachibanö pjaatajabe. Isabenö Jo̧ Chuluwo̧, chö̧jibinö pjakatobetjö̧ chöpöjojodönö otobe, juluwöködö jö̧ba̧lö.