Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 11:8 - Dios Iwene

8 Ja̧danö tjemu ja'yuwo̧, ina o̧do'bi̧ owo̧ma, inesö nibo̧ a̧ko'da ö̧jeju laju ö'öbönö alewakwo̧, ja̧danö ida̧ökö o̧do'bi̧ 'döjebökwe tjemuma ömamu yutebakwo̧ inesö nibadö a̧ko̧'dö tjö̧jaju okwa, wene jwiinö.

အခန်းကိုကြည့်ပါ။ ကော်ပီ




Isaías 11:8
7 ပူးပေါင်းရင်းမြစ်များ  

Kwowoko ja̧ isobuma chitji̧ kwowaja̧ tupakwö ökwönö sulabenö baledapji jö̧ba̧lö. Yelösöda, kwowaja̧ tupakwöma, ju'wi dewachöma niakobe ökwönöma, a̧ko'danö öpödöwajo̧ inia tjöi̧danö.


Ja̧danö pakayadöbi, ojwe ya̧wi̧döbi bakobe meje'ye tjukwakwedö, ja̧danö tji̧tji̧muma bakobe tjabobö tjö̧bamatakwedö, ja̧danö 'dilibama, pakaya ukwi̧danö meje'ye ukwakwo̧.


Jobekwö ja̧tjijayonö, wene jwiinö tjö̧jakwedö, ja̧danö okobe jwiinö Dios itea'o Jerusalen mösa'o ju̧kwadötjö, bakwo̧bi jelo̧nö suli̧ öwaedökakwo̧, jadanö bakwo̧bi jȩlo̧nö kwabö loökakwo̧. Jau, bö̧jȩ ba̧kwemeachibanö okobe deinö bö̧jȩnö ju̧kwadöma Isabenö Jo̧nö tjöwaisakwedö ja̧ möle, wanedö yötawa, jwaibalawa wame ba̧kwemeachibanö ojwiyo li̧danö, bö̧jȩ ba̧kwemeachibanö Isabenö Jo̧nö waisadöda tju̧ju̧kwakwedö.


—Ökwödö filisteo jojodönö yöta̧la, Isabenö ökwödönö ajayinö juluwinadöma tjöwaekwinobe, jo̧kwaijayonö kwo'woduwi ösöwanö kwö̧jaduwoböma jwiobe, –Ökwödönö kwakwaakwö̧'a ö̧sö̧'ama 'deawajabe, –jö̧ba̧löma. Jau, wanedö yötawa: Ajayinö ökwödönö juluwinama, a̧ko'da nibo̧danö ichejekwinobe, ja̧danö jo̧ba deijayonö, jelo̧ jo̧bajayo̧, jo̧banötjö bajalekwönönö nibo̧ a̧ko'dama laebakobe, mönö köbo̧ a̧ko'dadanö bo̧ma, ja̧danö isabenö ökwödönö söbebö loakwo̧.


Jojodönö suli̧ kwöwaedaduwobö omukwatö kwujunaduwi̧ma, baikwö wanedö yöta̧la: A̧ko'da nibadö tjiyabiyadanö ichejekwi̧, ja̧danö bakwo̧ iyapo ukwobö jö̧a̧li̧tjö̧ma, tjomadebatjö ö'wö babibo̧, ja̧danö iyapo 'dabö po̧ibenama, inesö nibo̧ a̧ko'da laebobe, jobekwö ichejekwobe omukwatö kwujunaduwi̧ma. Ja̧danö kwotidaduwi̧ma, awöka acha'ba kwotidaduwobedanö ichejekwa, ja'yubebi mikwawokobetjö̧.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ