Isaías 10:7 - Dios Iwene

⁷ Jo̧kwaijayonö ötjöda weti̧danö metjibijayonö, weti̧ tja̧ja̧kwotö jö̧ba̧lö mebiböködö, ja̧danö Asiria niji la'aka luwo̧ma omukwatö̧kö̧, –Ötjöma sule Dios ömöayo̧sa, –jö̧ba̧löma, jo̧kwajabetjö̧ isabenö lȩtebakwawö̧, Asiria la'aka luwo̧nöbi, ömöledönöbi. —Ötjö weti̧ a̧ja̧kwobö omukwatökönö, iteda söbebö loobö omukwato̧ Asiria luwo̧ma, –Ba̧jȩkwaso tjitebosaso jojodönö söbebö lotakwo̧sa, tjitebo deamachibanö, –jö̧ba̧lö omukwato̧.

Isaías 10:7 ပူးပေါင်းရင်းမြစ်များ

Génesis 50:20

Isabenö ökwödöma kwo̧'wo̧duwi sulinö edö, ötjönö sulabenö baledobö kwomukwataduwinajayonö Diosma ja̧ sulabe baledi̧ma balewö lobö otiwanö baibanö pjaatinobe ötjönöma. Ja̧danö, Diosma ötjönö la'aka luwo̧ baibanö chö̧bobö ujuninobetjö̧ jojodönö, ba̧jekwadönö tjö̧jibinö pjatatobö weinobe.

Isaías 10:8

Ötjö Diosnö omukwatökönö, baikwö yöba̧lo̧ Asiria la'aka luwo̧ma, itedada: –Okobe deinö chömöayedö ölakwabikwawa jojodö tjuluwedöma, inesö la'aka luwedöbedö, isabenö juluwo̧ inesö la'aka luwo̧sa.

Isaías 23:13

Jau chömöledö, Caldeo jojodö tjitebo comunidad Babilonia kwomukwataduwo. Ja̧ comunidad jojodöma debi batjibinobe, Asiria jojodö jwiinö söbebö lotjinobetjö̧. Tjitea comunidad pjolö loawa ökiya isaka junö, comunidad pjolö lotjinobe, ja̧danö la'aka luwedö tjejubiyanö ji̧ mikwawi̧ma, okobe jwiinö 'döbebö tjeminobe. Jwiinö söbebö lotjinobe Babilonia comunidadma, söbebö loawemi, tebonö ju̧kwadö tjö̧jemida baibanö.

Isaías 37:19

Ja̧danö isabenö juluwajadö, tjösödawö̧ diosbedönö söbebö lobö, ökwölanö juwö lotjinobe, jobadö tjösödawö̧ma, Diosböködönöda tjösödobetjö̧. Jau chuluwo̧, jobadö tjösödawö̧ma ökwödanöböködö, jobadöma sule jojodö tjotidinawö̧, inawatjöö̧kö̧, towitjöö̧kö̧, ja̧danö tjujulu jwibadö, jo̧kwajabetjö̧ Asiria jojodö jobadönö tjujuluwobö ji̧nobe.

Daniel 11:12

Jejenö yelösöda ba̧jekwadönö ujuluwobetjö̧, Egipto la'aka luwo̧ma, Aaa, isabenö juluwo̧sa, yelösöda ba̧jekwadönö kwabö lotajabe jö̧ba̧lö omukwatakobe. Jo̧kwaijayonö, jemi tupakwö ujuluwökakobe Egipto la'aka luwo̧ma.

Hechos 2:23

Ina yöbawijetö: —Ökwödöma sulabedönö weköbaduwijatö ösötenö bȩtjobö Jesúsnöma, ö'wöchinö baibanö. Ja̧ weköbinaduwima Diosma la'akatjöda waisijetö. Diosma la'akatjöda Jesúsnö baledakwa̧ waisö, omukwatö junijetö Jesúsnöma.

Hechos 2:24

Jo̧kwaijayonö Diosma Jesús yemidanö tjeachajinö ja̧bijetö, ö'wöchaja̧tjö ö̧jibinö ja̧bö. Diosma jejenö i̧sebijetö, Woawama yelösöda jwia Jesúsnöma, jö̧ba̧lö. Bakwo̧bi Jesús yemidanö tjeachajökönö ja̧bo̧ma deobe— yöbawijetö Pedroma—.