Isaías 10:5 - Dios Iwene

⁵ Baikwö yöawobe Diosma: —Isabenö lȩtebakwawö̧ Asiria jojodönö. Jobadö Asiria jojodöma, ö̧sö̧'a inesö chödameakwi̧ ichejekwö̧'adanöbedö, ja̧danö jobadönötjö̧ lȩtebobe chödameakwawö̧nöma.

Isaías 10:5 ပူးပေါင်းရင်းမြစ်များ

Génesis 10:11

Ja̧danö, jemi tupakwö Asiria mikwobe 'ya̧nö, ju'wi comunidades Nínive, Rehobot, Cala mikwemi otidö junijetö Nimrodma.

2 Reyes 18:25

—Ju'wibi yötawakwö, –Isabenö Jo̧ma pjaatakwo̧, –jö̧ba̧lö kwo̧'wo kwöwana̧loböma jwiobe, baikwö yöta̧la: Kwedemi Isabenö Jo̧ Dios weokonö, baikwö ökwödökwö dölakwabikwawobö dichinenaji̧? Ja̧maökö, Isabenö Jo̧ Diosda ökwödönö weinobe, –Juda nijibe 'ya̧nö, kwujuluwaduwo, –jö̧ba̧lö, isabenö ökwödö dujulutjö kwö̧jibobö pjaatökakwo̧, —jö̧ba̧lö yöa̧linobe Asiria la'aka luwo̧ ömöayo̧ yöawi̧ yöbawo̧ma.

2 Reyes 19:25

Jobekwö yöka̧litjö̧, baikwö atadö yöta̧lakwö: Kwa̧ja̧kwinökiji̧, ötjö Diosda jobekwö kwujuluwobö webinasa. Damötjö ja̧ baledakwa̧ omukwatö chujunijatö, damötjö ajayinö ji̧nadö tjö̧jayi ida̧ökö baledakwa̧ omukwatö chujunijatö, ja̧danö babe omukwatö chujuninadanö badekwachinö baledobö wetobe. Jau, omukwatö chujunijatö tjöbebö tjotidina comunidad kwujuluwobö, ja̧danö pjolö lobö, mö japopo baibanö söbebö loköbobö.

Isaías 10:15

—Jobekwö ötjö Diosnö omukwatökönö sulabenö yöa̧li̧tjö̧, baikwö yöta̧lanö Asiria la'aka luwo̧nö: Bakwo̧ o̧tomo'anö towibiya juenama, o̧tomo'a jö̧a̧lenaji̧, –Ötjö o̧tomo'ama ötjönö do̧ba̧lö jubo̧tjö bajalekwönönö juluwo̧sa, –jö̧ba̧lö jö̧a̧lenaji̧? Ja̧danö löawakama, –löbo̧tjö bajalekwönönö mikwakasa, –jö̧ba̧lö yöa̧lenaji̧? Kwöwaisaduwa, ja̧maökö, jö̧tö? Jojoda ö̧sö̧'a kabebo̧ kwabo̧ma, ö̧sö̧'ama la'akatjöda jojodönö kabebö kwaö̧kö̧'a, towitjö otikwö̧'a ö̧sö̧'ama la'akatjöda towitjö otikwöködönö kaebö̧kö̧'a, jö̧tö? Jo̧kwaijayonö, ite Asiria la'aka luwo̧ma, sule chitea ö̧sö̧'adanö ichejekwijayonö, ötjönö omukwatökönö, –Ötjöda juluwo̧sa, –jö̧ba̧lö sulabenö omukwato̧.

Isaías 10:25

Ja'yubenö lekwajabetjö ökwödö israel jojodönö inesö chödameakwi̧ma seachibakobe, ja̧danö ökwödönö chödameakwi̧ seachibenama, jobadö Asiria jojodönöda chödameakwi̧ chi̧sȩbakwo̧sa, jobadönö söbebö lotakobetjö̧.

Isaías 13:5

Ja̧danö jobekwö o̧ko̧kodajawö̧, ödö tjitebo, bö̧jȩ bajale ji̧ tjitebotjö ichadö. Jau, ja̧ ökwöi̧ kwa̧ja̧kwaduwi̧ma, Isabenö Jo̧ lȩebakwa̧ tjotidakwedö tjichobe ökwöobe, ja̧danö weawö̧, jwiinö söbebö lotjakwedö Babilonia nijima.

Isaías 14:24

Baikwö yöbawö ujunajabe Isabenö Jo̧, Okobe Jwiinö Juluwo̧ Diosma: —Ötjöma omudawö chujunajabe Asiria jojodönö lȩtebakwa̧ma, jadanö omudawö chujunaja̧danö isabenö baledakobe. Baikwö omudawö chujunajabe, Asiria jojodönö lȩtebakwa̧ma:

Isaías 14:25

Asiria jojodötjö ölakwabikwawa jojodö ötjöda chitea nijinö tjö̧jenama, jobadönö 'debatö lotakwo̧sa. Ötjö chitea mösa'ijunö tjö̧jena, ja̧tö lotakwo̧sa jobadönö. Ja̧danö jobekwö söbebö lotobetjö̧, chömöledönö Asiria jojodö tjömöayedö tjö̧jajelö latebakwo̧sa, ja̧danö tje'ewobö wetjinama, tjöböbe'otjö meatö lotakwo̧sa, —jö̧ba̧lö yöbawö ujunajabe.

Isaías 23:13

Jau chömöledö, Caldeo jojodö tjitebo comunidad Babilonia kwomukwataduwo. Ja̧ comunidad jojodöma debi batjibinobe, Asiria jojodö jwiinö söbebö lotjinobetjö̧. Tjitea comunidad pjolö loawa ökiya isaka junö, comunidad pjolö lotjinobe, ja̧danö la'aka luwedö tjejubiyanö ji̧ mikwawi̧ma, okobe jwiinö 'döbebö tjeminobe. Jwiinö söbebö lotjinobe Babilonia comunidadma, söbebö loawemi, tebonö ju̧kwadö tjö̧jemida baibanö.

Isaías 26:20

Isabenö jobekwö pjaatakwo̧ yadakwö chömöledö. Jo̧kwaijayonö babema dameakwö lȩbebo̧ Diosma chömöledö, jo̧kwajabetjö̧ okwasȩko̧ tebachö, apjude kwutumataduwo chömöledö. Ja'yubenö lekwe kwu̧ju̧kwawaduwo, Dios dameakwö lȩebi̧ma 'dö̧ibajenanö kabatö.

Isaías 29:2

Baikwö yötawaduwakwö ökwödönö baledakwa̧ma: Yadakwö isabenö Jerusalennö ju̧kwadönö usula tjemawobö lȩtebakwo̧sa, jobe ju̧kwadö jwiinö o̧'wo tjo̧achö tjubudekwabenanö baibanö. Jwiinö lȩtebakwo̧sa Jerusalen comunidadma, Diosnö juwö iyawemi ichejekwenanö baibanö.

Isaías 30:27

Isabenö dameakwö lȩebakwo̧ Isabenö Jo̧ma chömöledö, jo̧ba ödötjö ichonö dedobedanö ichejekwa. Wanedö yöta̧la: Döpöjojodönö lȩbebö icho̧ma, jwiinö dameakwö icho̧, ödameakwobetjö̧ imiyu'wo yȩa'wonö icho̧. Jwiinö dameakwö yöba̧lo̧, ja̧danö Dios inenema, ökwöla jwiinö uboladanö ichejekwobe.

Isaías 30:30

Ja̧ möle iteda iwene kwa̧ja̧kwaduwinö, labinö jwöeba̧lakwo̧ Isabenö Jo̧ma, ja̧danö iteda inesö ujulu kwedaduwobö i̧sebakwo̧. Jwiinö dameakwö ja̧nö, ökwöla jwiinö ubola ubinö ichakwo̧, ja̧danö tiyuwaso pjei̧ öwiya tjoduwinö ichakwo̧, öpöjojodönö lȩebakobetjö̧.

Isaías 30:9

—Jau Isaias, Juda jojodöma isabenö weti̧ tja̧ja̧kwobö öpöjödadö, chitji̧mu omöna yöba̧ladö, ja̧danö ötjö Isabenö Jo̧ chö̧ba̧jadi̧ tja̧ja̧kwobö öpöjödadö.

Isaías 34:2

Isabenö Jo̧ma ödameakwobe tjitebotenia jojodönö, jwiinö dameakwo̧ tjitebokwena ölakwabikwawa jojodönö, ja̧danö dameakwö jobadönö söbebö loakobe, ö'wö batjibanö lȩbebö loakwo̧.

Isaías 66:14

Ja̧danö chömöledö, jobekwö baledobe edö, kwo̧'woduwi ösöwachibanö kwö̧jaduwakwedöja. Dios otiwanö pjaatobetjö̧, meje'ye juluwanö pokwi̧danö, juluwanö kwujuluwachibaduwakwedöja. Jau, ja̧ möle iteda ömöayedönö otiwanö pjaatiawö̧, okobe deinö edö tjöawaisakwedö, —Diosma isabenö juluwo̧, iteda ömöayedönö otiwanö pjaatakobetjö̧, —jö̧ba̧lö. Ja̧danö ju'wibi edö tjöwaisakwedö, —Diosma isabenö dameakwö lȩbȩbo̧, iteda öpöjojodönöma, —jö̧ba̧lö.

Isaías 7:17

Tupakwö yöawinobe Isaiasma, Acaznö: —Isabenö Jo̧ma wene kwöbaledaduwobö weakobe, kwömöledö israel jojodönöbi, yöne kwömöledönö kwabe'do itji̧mu tupadanö jojodönöbi. Jau Acaz, damötjö ju'wedö israel jojodö Juda jojodötjö 'da̧bachibö tji̧'yinelö baikwö baibanö wene kwöbaledaduwinelö bajalekwönönö wene kwöbaledaduwakwedöja, Asiria la'aka luwo̧ma ölakwabikwawö ichakobetjö̧.

Isaías 7:20

—Jau Acaz, wanedö yötawa, ja̧ möle duluwo̧ Diosma israel jojodönö lȩbebö, jwoawa luwo̧ Asiria la'aka luwo̧nö midö weakobe ichejekwa, Eufrates ojwe bakwachödötjö ichö jwobö loakobetjö̧, ja̧danö jobekwö jwobö ichenama, sule tjuunö ja̧'yedama jwobö loökakwo̧, tjöwö'yebi, tjaasa'yebi, tjötadesa'yebi jwobö loakwo̧, jwiinö taba lö̧jawö̧da tjö̧jakobetjö̧.

Isaías 8:4

Jau Isaias, lekwökö ja̧ baledakwa̧ma, baikwö yötawa: kwitji̧ –Chabe'do, Chojo'do, –jö̧ba̧lö yöa̧lakwa̧ abönö, Asiria jojodötjö la'aka luwo̧ma kwöpöjojodönö ujuluwakobe, ja̧danö ida̧ökö juluwajo̧, Siria niji la'aka comunidad Damasconö ji̧ nöinö mikwawi̧ jawabi, israel niji la'aka comunidad Samarianö ji̧ jawabi 'döbebö e'ewakobe iteda itebobe, jo̧kwajabetjö̧ ja̧ baledakwa̧ wene i̧sȩbö jobekwö kwimido kwitji̧nö, —jö̧ba̧lö weinobe Diosma.

Isaías 8:7

Jo̧kwajabetjö̧, chiteada̧li̧ tjöpöjödobetjö̧, baikwö wanedö yötawakwö: Ötjö Isabenö Jo̧ma wetocha, inesö nöödö buluwadö jobadönö okwatibobö wetocha, ja̧danö welachibanö juda nijibi okwatibanö isuwakobe, jwiinö chömöledö israel jojodönö okwatibakobe, tjulume'anö ichibenanö kabatö. Jau Isaias, Asiria niji la'aka luwo̧ma iteda ujulunö ba̧jȩkwadö ömöayedönö öbibö ichakobe, iteda ömöayedötjö Juda niji su̧'be baibenanö kabatö. Jo̧kwaijayonö jobekwö ichijayonö, ötjö Diosma ökwödökwö Jo̧sa, jadanö wanedö yöta̧la, pji̧yu tjö̧wa̧ja̧piya debatö tjiteada̧li̧danö, ökwödönö chiteada̧lakwo̧sa, —jö̧ba̧lö yöawinobe Diosma.

Daniel 11:36

Tupakwö yöawinobe ángelma: —Jo̧ba Siria la'aka luwo̧ma iteda ösödi̧danö ja̧akobe. Ja̧danö yöa̧lakobe, ötjöma okobe deinö diosbedötjö bajalekwönönö juluwo̧sa jö̧ba̧lö, ja̧danö jojodö tjöbajale jalaka baibanö Okobe Jwiinö Juluwo̧ Diosnöbi sulabenö yöa̧lakobe, mikwawö̧kö̧, ujulu jwibo̧ jö̧ba̧lö. Ja̧danö jejenö sulabenö ja̧ijayonö, ina iteda ösödi̧danö ja̧obö ja̧kobe, Dios jo̧banö lȩebobö badedö ujunina möle badekwachenanö kabatö, ja̧danö ja̧ mölema, Diosma jo̧banö dameakwö labinö lȩebakobe.