Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 10:25 - Dios Iwene

25 Ja'yubenö lekwajabetjö ökwödö israel jojodönö inesö chödameakwi̧ma seachibakobe, ja̧danö ökwödönö chödameakwi̧ seachibenama, jobadö Asiria jojodönöda chödameakwi̧ chi̧sȩbakwo̧sa, jobadönö söbebö lotakobetjö̧.

အခန်းကိုကြည့်ပါ။ ကော်ပီ




Isaías 10:25
17 ပူးပေါင်းရင်းမြစ်များ  

Ja̧danö, ja̧ yöte Isabenö Jo̧ weökwe angelma Asiria ölakwabikwawa jojodö tjabakwemi tebachö i̧'yinobe, ja̧danö jobadötjö ciento ochenta y cinco milbedö ölakwabikwawadönö kwabö loinobe. Ja̧danö, yȩayi ju'wedö wilubö tja̧la̧ibenama, okobe deinö Dios weajökwe angel kwabö loaja̧wö̧ tjiteba'iju nijinö bo̧be tjedinobe.


Ja̧danö, ju'wibi yötawa, wanedö: Bakwo̧ öbatjonö sulejewa ujunitjö̧ma sulejewada pokwena ¿jö̧tö̧? Ja̧ ji̧danö bakwo̧ jojodönö sulabenöda ja̧itjö̧ma weneda baledena jo̧banöma, nöinö. Ja̧danö, jo̧bama itedada wene jwöebakwo̧, jojodönö sulabenö ja̧obetjö̧. Jobekwö wene nöinö baledökwema usula emawobetjö̧ jojodönö sulabenö ja̧i̧ma bajaliyanöma kaatibakobe.


Baikwö yöawobe Diosma: —Isabenö lȩtebakwawö̧ Asiria jojodönö. Jobadö Asiria jojodöma, ö̧sö̧'a inesö chödameakwi̧ ichejekwö̧'adanöbedö, ja̧danö jobadönötjö̧ lȩtebobe chödameakwawö̧nöma.


—Ökwödö Babilonia jojodöma yebabinö kwubudekwaduwo, Isabenö Jo̧ lȩebakwa̧ möle yöneawachibobetjö̧. Ja̧danö badedö ujunina möle badekwachenama, Okobe Jwiinö Juluwo̧ Dios söbebö loakwa̧ badekwachakobe.


Isabenö jobekwö pjaatakwo̧ yadakwö chömöledö. Jo̧kwaijayonö babema dameakwö lȩbebo̧ Diosma chömöledö, jo̧kwajabetjö̧ okwasȩko̧ tebachö, apjude kwutumataduwo chömöledö. Ja'yubenö lekwe kwu̧ju̧kwawaduwo, Dios dameakwö lȩebi̧ma 'dö̧ibajenanö kabatö.


Isabenö ja'yubenö ökwönö le'dedö lotijatö Jerusalen taba lö̧joko bakibanö. Jo̧kwaijayonö lekwemaökö ökwönö le'dedö lotinama, ja̧danö babema jwiinö lȩlö̧jinö edö, tjekachajobö ötibakwö.


Tupakwö yöawinobe ángelma: —Jo̧ba Siria la'aka luwo̧ma iteda ösödi̧danö ja̧akobe. Ja̧danö yöa̧lakobe, ötjöma okobe deinö diosbedötjö bajalekwönönö juluwo̧sa jö̧ba̧lö, ja̧danö jojodö tjöbajale jalaka baibanö Okobe Jwiinö Juluwo̧ Diosnöbi sulabenö yöa̧lakobe, mikwawö̧kö̧, ujulu jwibo̧ jö̧ba̧lö. Ja̧danö jejenö sulabenö ja̧ijayonö, ina iteda ösödi̧danö ja̧obö ja̧kobe, Dios jo̧banö lȩebobö badedö ujunina möle badekwachenanö kabatö, ja̧danö ja̧ mölema, Diosma jo̧banö dameakwö labinö lȩebakobe.


Chömöledö, baikwö laebobe Dios iwenetjö, Dios yöawina: Lekwökö baledena ichakwo̧ma ichakobe. Isabenö, te'ada̧lökönö ichakobe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ