Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 10:17 - Dios Iwene

17-18 Jau, ötjö Israel jojodönö inesö dejato̧ma, ökwöladanö batibakwo̧sa, Ötjö inesö Suli̧tjö 'Da̧bachibö Jo̧ma ökwöla ubi̧danö batibakwo̧sa, ja̧danö ökwöla ubi̧danö jwiinö söbebö lotocha jo̧banö. Wanedö yöta̧la, bakwöta möle towibiya otiwemi tebobi, batjo otiwanö pokwemibi, sȩötjebiyabi, ju'wi sȩi̧ jawabi juwö lotocha, jwiinö jo̧banö söbebö lotakobetjö̧. Jojo jwiinö 'dö̧bacho̧ 'dalökachibö ö'wö baibi̧danö baibakobe jo̧banö.

အခန်းကိုကြည့်ပါ။ ကော်ပီ




Isaías 10:17
39 ပူးပေါင်းရင်းမြစ်များ  

Chuluwo̧ Isabenö Jo̧, isabenö kwömamu kabebö jo̧ja, sulabedönö lȩkeboböma. Jo̧kwaijayonö lȩkebakwa̧ edö omukwatöködö sulabedöma. Jo̧kwajabetjö̧ lȩkebobö atebakwö chuluwo̧, jobadönö lȩbebö, inesö kwömöledönö kwösödi̧ kwi̧sebobö atebakwö, tabakwö tjö̧jakobetjö̧. Ökwö kwöpöjojodönö juwö lobo̧ja chuluwo̧, ja̧ lȩkebi̧ jawa ökwölanö jobadönö juwö lȩkebobö atebakwö chuluwo̧.


dameakwö̧kö̧sa, chöbatjobedönö. —Chöbatjobedönö pjatatobö jö̧ta̧la, tjöpöjojodö sȩakadanö ichejekwadönöbi, ju'wi sula'wodanö ichejekwadönöbi chölakwabikwawobö jö̧ta̧la. Ja̧danö jobadökwö chölakwabikwawobö ji̧tjö̧ma, jobadönö ja̧tö lotena, ja̧danö juluwajo̧, jobadönö juwö lotena.


Chömöledö Diosma isabenö israel jojodönö lȩebajabe, jo̧kwaijayonö baikwö abebö cha̧ja̧kwaduwakwö: Dios ökwödönö lȩbebö kwaenama, döpöjojodö ökwödönö ajayinö kwabinadönö lȩbebö kwainadanö kwainaji̧? Jobadö döpöjojodönö bakobe söbebö loinobe, jö̧tö? Jobadönö bakobe kwabö loinadanö, ökwödönöbi kwabö loinaji̧? Kwöwaisaduwa, ja̧maökö.


Wanedö yöta̧la: Damötjö Asiria la'aka luwo̧nö juwö loakwemi omudawö ujuninobe Diosma, jalemi ja̧danö da̧kwemi juwö loakwemima, ja̧danö ida̧ökö imi jobe ujunajabe, nöinö imi ko̧ko̧dajo̧ ujunajabe. Ja̧danö, jobe junajo̧, inesö ubinö ubola nötedö pjuakwo̧ Isabenö Jo̧ma, Asiria la'aka luwo̧nö lȩbebö juwö loakobetjö̧.


Ayö, isabenö usula tjemawakwedö, Egipto niji jojodö pjatjatakwa̧ tjo̧'wo wana̧ladöma. Jobadöma Egipto nijibe 'ya̧dö, —Isabenö otiwanö pjatjatakwedö Egipto jojodöma, —jö̧ba̧lö. Ja̧danö ju'wibi kabayudönö tjo̧'wo wana̧lö tjö̧jobe, —Egipto jojodöma nöinö ölakwabikwawa jawa kolukiya tjujuna̧lobetjö̧, ja̧danö jobadötjö kabayudönö wa̧nö ölakwabikwawadöma juluwadötjobetjö̧, dö̧jibinö pjatjatakwedö, —jö̧ba̧lö tjomukwatobe. Isabenö tjo̧'wo tjöwana̧lo jö̧tja̧lökwema, Israel jojodö tjösödökwe Sulabe Jwibo̧ Diosda. Abebö tja̧ja̧kwo jö̧tja̧lökwema, Isabenö Jo̧ Diosda, jo̧kwaijayonö jo̧banö omukwatökönö, wajwibö Egipto jojodönöda tjo̧'wo wana̧ladö, sulabenö.


Jobadökwö chölakwabikwawenama, Asiria ölakwabikwawadö inesö juluwadöma jwiinö yebabinö tjö̧bawö tjö̧jakwedö, ja̧danö ölakwabikwawadö tjuluwedöma, banderasa̧do̧ jȩlö yebabinö dötjibakwedö, —jö̧ba̧lö yöawobe inesö ökwöla kwebato̧ Isabenö Jo̧ma. Jau, Isabenö Jo̧ ö̧ji̧ i̧sȩkwola ubemi comunidadma, Jerusalen comunidadda, ja̧danö Jerusalen mösa'o Sion mösa'otjö ubobe, Dios ö̧ji̧ i̧sekwolama.


Ökwödö tjitebokwena jojodöma, juwö lotakwawö̧ja, ökwölaso̧pja̧da bakibaduwanö, ösötje sȩötje 'wibö, juwö lotjidanö bakibaduwakwedöja.


Jerusalennö ju̧kwadö sulabenö ja̧bö ju̧kwadöma, chujulu chi̧sȩbiawö̧ jwiinö yebabidö, –Ayö, Dioskwö dakwö dö̧joböjö? Jo̧bama ökwöla jwiinö ubola kwebato̧, tiibokola kwebato̧, ökwödötjö ditejö, jo̧bakwö ö̧jobö mikwawo̧ma? –jö̧ba̧lö.


Tinö oköbinada Senaquerib, tinö juluwö̧kö̧ jö̧ba̧lö kwöpöjödinada? Ötjödasa juluwo̧ma jö̧ba̧lö, tinö öpöjödö jwökeba̧linada Senaquerib? Ötjö Israel jojodö tjösödökwe Sulabe Jwibo̧ Diosnöda sulabenö kwöpöjödajabe Senaquerib.


Ja̧danö, ja̧ yöte Isabenö Jo̧ weökwe angelma Asiria ölakwabikwawa jojodö tjabakwemi tebachö i̧'yinobe, ja̧danö jobadötjö ciento ochenta y cinco milbedö ölakwabikwawadönö kwabö loinobe. Ja̧danö, yȩayi ju'wedö wilubö tja̧la̧ibenama, okobe deinö Dios weajökwe angel kwabö loaja̧wö̧ tjiteba'iju nijinö bo̧be tjedinobe.


Jo̧kwaijayonö juluwöködö, meje'ye kököa'yedanö ichejekwawö̧, ökwönö yöbawadöma. Jau, ökwöla ubenama, idödabi ökwölatjö tjö̧jibanö ja̧tjoböma juluwöködö. Baikwö wanedö yötawa, labi̧ jawa juluwanö baledakwa̧ma, tjejutjö 'yötjakwobö tjujuwoladanö ichejekwokola, ja̧danö ökwöla öbö̧'adanö ichejekwokola, ökwönö baledakwa̧ma, inesö labinö uboladanö ichejekwakwola, ökwönö baledakwa̧ma.


Ja̧danö, ja̧ möle, möle jawo̧ma idejatökakwo̧, ja̧danö yö̧te jawo̧bi idejatökakwo̧. Ötjö Isabenö Jo̧ Diosda kwiteboduwi chidejatakwo̧sa, ötjö dejatinö chujuluda otiwanö dejatakobe, otiwanö edö kwö̧jaduwakobetjö̧.


Jojodö sulabenö ja̧tji̧ma, ökwöla ubi̧danö ubi̧, wanedö yötawa, sȩi̧bi, ju'wi sȩötjebiyabi ubenama, juluwanö tebonö ji̧ towibiya nötekwajobe, ja̧danö ubenama, imiyu'wo möakwö kaamobe, jö̧tö?


Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.


Jau chömöledö, kwuluwo̧duwi Isabenö Jo̧ Diosma, a̧'dȩlö ile nibebo̧ ökwödönö, –Ju'wedönö ösödökönö, jwaikwöda ötjönöda tjösödo jö̧ba̧ladö, –jö̧ba̧lö, ja̧danö ju'wibi ökwöla söbebö lobö ubi̧danö lȩbebo̧ kwuluwo̧duwi Diosma. Jo̧kwajabetjö̧ teada̧lönö kwö̧jaduwo, jo̧ba Diosnöda ösödö kwö̧jaduwakobetjö̧.


Isabenö, jejenö dö̧jobö jo̧be chömöledö, Dios ölabi̧ma jwiinö juluwi̧, ökwöla nöola labinö ubi̧danö juluwobetjö̧.


Ja̧danö, 'yayi̧ Jerusalénnöma möle jawo̧bi yö̧te ja̧wo̧bi tjö̧lajokobe, detjobe. Dios ujulu dewinö idejati̧da dewobe jojodö tjedoböma. Ja̧danö, Obeja Itji̧danö Jo̧ma la̧pa̧la̧yu̧danö, dewinö idejati̧da dewo̧, 'yayi̧ Jerusalénnöma.


Ja̧danö, yö̧tebi jwiobe jobema, möledanö dewinö dejatobetjö̧. Ja̧danö, la̧pa̧la̧yu̧bi̧yabi jwiobe, dewinö dejatobetjö̧. Ja̧danö, ja̧wo̧bi idejatokobe, Duluwo̧ Diosda dewinö idejatobetjö̧. Jobe ju̧kwadöma la'aka luwedödanö webö tjö̧jobe, ba̧kwȩlö̧jatebö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ