Isaías 1:30 - Dios Iwene

³⁰ Jau, isabenö tabakwö kwö̧jaduwakwedöja, baikwö wanedö yötawa: Inesö otiwowi öjiya tjoduwenama, ja̧danö towibiya jȩmi kököachibenama, towibiyama öjiya jwiowi tabakwö ji̧danö jo̧be, jö̧tö? Jobekwö baledakwawö̧ja, ökwödö o̧'wo jawa ösödadönöma.

Isaías 1:30 ပူးပေါင်းရင်းမြစ်များ

Génesis 12:6

Ichibajadöma okobe jwiinö Canaán nijinö kwebachijadötö, Siquem comunidad tjichibenanö kabatö. Jobema towi nöowi ji̧jetö Moré mikwowi. Ja̧danö, ja̧ mölema jobema Canaán jojodöbi ju̧kwijadötö.

Isaías 5:6

Jau, niji mikwawökemi baibanö söbebö lotocha chöbatjoma. Bemi tupakwö ubasa'ba bajale 'wibö chotidökakwo̧sa, ja̧danö niji sobö chotidökakwo̧sa, bakwainö tebo jawa sȩakada, ja̧danö ju'wi sula'woda chöbatjotjö pokwakobetjö. Ju'wibi ojwiyo o'wiju tjöteba̧lakwo̧sa, ja̧dano wetökakwo̧sa, chöbatjo ji̧nemi ojwiyo o̧boböma, —jö̧ba̧lö Dios ökwödönö abebö a̧ja̧kwi̧ yötawaduwakwö.

Isaías 58:11

Ja̧danö ötjö Isabenö Jo̧ma ba̧kwelöjatebö ökwödönö jwebebö ötibakwo̧sa, ja̧danö kököemi kwö̧jaduwena, otiwanö jwiköbaduwi̧ chiyakwo̧sa, ja̧danö kwiwe'iju kwujuluwaduwachibanö pjatatakwo̧sa. Jobekwö otiwanö pjatatiawö̧, batjo otiwanö yoliwayudanö kwichejekwaduwakwedöja, ja̧danö ojwese'do la'akatjöda kököachibökö'dodanö kwichejekwaduwakwedöja.

Isaías 64:5

Jau chuluwo̧, tjo̧'wo ösöwanö ökwö weköbi̧ a̧ja̧kwö ju̧kwadönö, otiwanö ja̧bö ju̧kwadönö otiwanö pjabatö jo̧ja. Jobekwö ji̧nöködösa chuluwo̧, ja̧danö sulabenö ja̧bö dö̧jiökwe, ökwödönö dameakwö ji̧naja chuluwo̧. Jo̧kwaijayonö, kwödameakwijayonö, yayonö jwaikwöda sulabenö ja̧bö dö̧jijatö, ida̧ökö lekwe möle sulabenö ja̧bö dö̧jajabe chuluwo̧, ¿dakwö dö̧jibakwajö?

Isaías 64:6

Okobe deinö kwöba a'otjö yȩbekwadödanö babibadösa chuluwo̧. Ja̧danö otiwanö ja̧badösa jö̧ba̧lö yöda̧li̧jayonö, ja̧di̧ma yȩekwado̧, iwonö lu̧ju pjajawa̧do̧danö ichejekwobe. Ökwödöma towisöja kököachibi̧danö ichejekwadösa, ja̧danö jwa̧le'epjo e'ewibobedanö, sulabenö ja̧bö dö̧ji̧ma jelobekwö badibanö öibawö̧sa.

Mateo 21:19

Ja̧danö, mana ö'öbösowi higos towi edö, towinö wa̧ji̧ ukwotö jö̧ba̧lö towi jo̧bekwö i̧'yinobe. Jo̧kwaijayonö, ichibö, sule öjiyada jo̧wi, wa̧ji̧ jwiowida öbadekwajinobe. Jejenö öwa̧jö jwiiökwe, Jesúsma yöa̧linobe: —Towi sulabowija. La'akatjöda wa̧jökakwowija— jö̧ba̧lö. Ja̧danö, jejenö yöawenama, jowi higos towima juluwanö kököbachibö woinobe.