Isaías 1:11 - Dios Iwene

¹¹ Baikwö yöawobe Isabenö Jo̧ma ökwödönö: —Mikwawokobe ötjönöma, nöinö iyawa kwabö juwö kwiyaduwii̧ma. Ida̧ökö chöpöjödachibajabe, obejadönö kwabö juwö jwiinö ubinö kwiyaduwi̧ma, ja̧danö pakayadö o̧tewadö batjibanö tjukwejebinawö̧ tjo̧te kwiyaduwi̧bi chöpöjödachibajabe. Ja̧danö pakayadöbi, obejadöbi, chivodöbi kwiyaduwawö̧ tjökwösobu edö, –Otiwanö iyadöja, –jö̧balöma chösödökö.

Isaías 1:11 ပူးပေါင်းရင်းမြစ်များ

Proverbios 15:8

Ja̧danö, ju'wibi yötawa: Isabenö Jo̧ma jwiinö öpöjödo̧ sulabenö omukwatadö tjö̧ji̧ma. Jobadö jo̧banö kwabö juwö tjiyi̧bi edö jwiinö öpöjödo̧ Isabenö Jo̧ma, sulabenöda omukwatö tjö̧jobetjö̧. Jobekwö öpöjödokobe Isabenö Jo̧ma, Dios wei̧ a̧ja̧kwö ju̧kwadönöma. Isabenö Jo̧ma Dios wei̧ a̧ja̧kwö ju̧kwadönö jwiinö ösödo̧. Jobadö Diosnö atjebi̧ma a̧ja̧kwö jwiinö ösödo̧. Jobadöma ba̧kwȩlö̧jatebö Dios wei̧ a̧ja̧kwö tjö̧jobö isakwadötjobetjö̧ Isabenö Jo̧ma jwiinö ösödobe jobadönöma.

Proverbios 21:27

Ja̧danö, ju'wibi yötawa: Sulabenö omukwato̧ Isabenö Jo̧nö juwö iyi̧ma öpöjödobe Isabenö Jo̧ma. Ja̧danö, ju'wibi öpöjödobe: Jo̧ba sulabenö omukwato̧ma omajadenö omukwatena, juwö chiyitjö̧ma Isabenö Jo̧ma ötjönö pjaatena sulabenö ja̧temitjö̧ balekwa mikwa ötjönö baledokobö. Ja̧ omukwati̧ma jwiinö öpöjödobe Isabenö Jo̧ma. Sulabenö omukwato̧ juwö iyi̧tjö bajalekwönönö öpöjödobe Isabenö Jo̧ma ja̧ omukwati̧ma.

Proverbios 21:3

Ja̧danö, ju'wibi yötawa: Isabenö Jo̧ma ökwödö dö̧joböma baikwö ösödo̧: Iteda wei̧ a̧ja̧kwö dö̧jobö ösödo̧. Ja̧danö, otiwanö ja̧bö dö̧jobö ösödo̧ Isabenö Jo̧ma. Isabenö, jojodö jo̧banö juwö tjiyi̧tjö̧ bajalekwönönö ösödo̧ Isabenö Jo̧ma iteda wei̧ a̧ja̧kwö, ja̧danö, otiwanö ja̧bö dö̧joböma. Ja̧ dö̧ji̧ma isabenö mikwawobe.

Isaías 58:2

Wamenö otiwanö ötjönö ösödadö, mölekwena chejube ichibö, weti̧ jawa tjöwaisobö ösödinö isakwadö. Jau, wamenö tji̧sȩbi̧ edö, —Bidöma otiwanö tjösödökwe Dios wei̧ a̧ja̧kwö ju̧kwadötö, tjösödökwe Dios lȩekwa yöawi̧ma ja'yubebi kabatiböködötö, —jö̧ba̧lö jojodö edö tjomukwatena. Ba̧kwelöjatebö chöba a'o ichibö abebadö, ötjöda yötawakwa̧ lȩekwa tja̧ja̧kwobö, ja̧danö ba̧kwelöjatebö chöba a'o tjichibobö ösödadö.

Isaías 66:3

Jo̧kwaijayonö idöda tjösödi̧ jawa omudawö junadö inesö sulabenö ja̧awa ja̧tjobö ösödadönö, ösödö̧kö̧sa. Jobadönö baikwö yöta̧la: Pakayaso̧nö kwabö juwö ötjönö tjiyijayonö, ju'wibi jojodönö kwabö lobadö. Ja̧danö obejanö kwabö juwö ötjönö tjiyijayonö, ju'wedö o̧'wo jawa tjösödawönöbi ösödö, awili u̧lu̧me'a 'debatö iyadö. Ja̧danö trigoso̧pja̧ iyawa ötjönö tjiyijayonö, ju'wibi ju'wedö o̧'wo jawa tjösödawö̧nö kusi̧ ökwösobu iyadö. Ja̧danö chöba a'o omewi̧ jawa juwadöma, ju'wibi o̧'wo jawa ösödadö. Jau, —Diosnö ösödadösa, —jö̧ba̧lö tji̧sȩbijayonö, weti̧ a̧ja̧kwöködö, ja̧danö la'akatjöda tjiyi̧ chösödökakwo̧sa, —Otiwanö iyadö, —jö̧ba̧löma.

Mateo 22:4

Tjichiökökwe, yemidanö ju'wedö iteda ömöayedönö weinobe yötjawobö, Pjiestama tjo̧wi̧ dukwobö jo̧be, pa̧ka̧yö̧ ömadönö, ja̧danö pa̧ka̧yö̧ tji̧tji̧mu o̧tewadönö ida̧ökö kwatajabe dukwobö, okobe jwiinö ida̧ökö jo̧be dukwobö, ichaduwi, jö̧ba̧lö.

Mateo 9:13

Ja̧danö jemi tupakwö weinobe jobadönö: —Biya̧ Dios iwene laebi̧ jawa waisachajaduwi, okwanö laebi̧ kwöwaisachibaduwobö, baikwö laebi̧ma: Inesö chösödi̧ma ajikwakwawedönö kwabö juwö kwiyaduwobömaökö, inesö chösödi̧ma lȩlö̧jinö edö jojodönö pjakataduwobö, jö̧ba̧lö laebobe. Ja̧danö, ötjöma otiwadösa jö̧ba̧lö omukwatadönö jwöböma ichö̧kö̧sa. Sulabedösa jö̧ba̧lö waisadönö jwöbö icho̧sa— jö̧ba̧lö yöawinobe.

1 Samuel 15:22

Atadökwe, Samuelma Saulnö yöa̧linobe, —Isabenö Jo̧ inesö ösödi̧ma di̧ya̧da, tja̧jwi̧munö kwabö juwö, jwiinö ubinö iyawabi, ju'wi iyawabi tjiyoböö̧kö̧, Isabenö Jo̧ wei̧ a̧ja̧kwö, weaja̧danö ja̧tjoböö̧kö̧? Isabenö yötawakwö, iyawa tjiyi̧tjö bajalekwönönö Dios ösödi̧ma, Dios wei̧ tja̧ja̧kwobö. Jau, inesö otiwadö o̧tewadö obejadönö kwabö juwö tjiyi̧tjö bajalekwönönö ösödo̧ Isabenö Jo̧ma, wei̧ jojodö tja̧ja̧kwobö.