Hechos 9:42 - Dios Iwene

⁴² Ja̧danö, ja̧ baledi̧ma okobe deinö Jopenö ju̧kwadöma a̧ja̧kwijadötö. Jejenö a̧ja̧kwö ba̧jekwadö Duluwo̧ Jesúsnö ösödijadötö, Jesúsma dö̧jibinö pjabato̧, jö̧ba̧lö.

Hechos 9:42 ပူးပေါင်းရင်းမြစ်များ

Juan 11:4

Jesúsma jo̧ba yöawi̧ a̧ja̧kwö jö̧a̧linobe: —Ja̧ ö'wöchi̧tjö ö'wö baibökakwo̧ Lázaroma. Ja̧ ö'wöchi̧ baledi̧ma jojodö Dios ujulu i̧sebi̧ tjedobö ö'wöcho̧ jo̧bama. Ja̧danö, ötjö, Dios Itji̧, ötjö chujulu chi̧sebi̧bi tjedobö ö'wöchi̧ma baledobe jo̧banöma— jö̧a̧linobe Jesúsma.

Juan 11:45

Jejenö baledi̧ edö ba̧jekwadö judío jojodöma, Maríakwö ju̧kwadöma, Jesús otidobe edö tjösödinobe Jesúsnöma, Bitema Dios weinökwe, jö̧ba̧lö.

Juan 12:44

Ikenama Jesúsma yemidanö labinö yöawinobe jojodönöma: —Ötjönö ösödadöma, Bitema Dios weinökwe, jö̧ba̧lö, sule ötjönödama ösödöködö. Ötjönö webinanöbi ösödadö.

Hechos 10:5

Babema kwömöayedönö webi Jopebe tji̧'yo, bakwo̧ Simón mikwo̧nö öbibö tjichejebo, baikwö icho. Jo̧bama ju'wi imi Pedro mikwo̧.

Hechos 10:8

Ja̧danö, jobadö ichajadönö Cornelioma yöbawijetö okobe jwiinö ángel yöawaja̧ma. Yöawaja̧ ikenama webijetö jobadönöma Jopebe tji̧'yobö Pedronö öbibö.

Hechos 11:13

Tedachajena Cornelioma yöawijatö jo̧banö baledina. Ajayinö baikwö baledinobe jo̧banöma: Cornelioma ángelnö, jo̧ba eju okwa tebachajo̧nö edinobe. Jo̧ba ángelma weinobe Cornelionö, Kwömöayedönö webi Jopebe tji̧'yo, bakwo̧ Simón mikwo̧nö, Pedro ötjabökwenö öbibö tji̧'yo baikwö icho, jö̧ba̧lö.

Hechos 11:21

Ja̧danö, Duluwo̧ Jesús ujulunö yötjawiawö̧ judío jojodöböködöma a̧ja̧kwö ba̧jekwadö sulabenö tjomukwati̧ma kabatibö balewachö, Jesúsma dö̧jibinö pjabato̧, jö̧ba̧lö, Jesúsnö ösödijadötö.

Hechos 11:5

Ja̧danö, Pedroma yöbawijetö: —Chömöledö. Belöma ötjöma Jopenö ja̧nö Diosnö atebijatö. Atebemi abökönö chi̧'wi̧di̧danö chedijatö biya̧: Mölejȩbetjö böjȩkwö sawana'wodanö jala'wo chedijatö 'do̧'do̧kwetenia do̧lachibö jwiachobe, ötjö chö̧jobekwö.

Hechos 9:35

Ja̧danö, okobe deinö Lidanö ju̧kwadöbi Sarónnö ju̧kwadöbi jo̧banö baledaja̧ edö Duluwo̧ Jesúsnö ösödijadötö, Jesúsma dö̧jibinö pjabato̧, jö̧ba̧lö.

Hechos 9:36

Jobetjö Lidanö jejenö baledonö jelobe, Jope mikwobe, jobe jujuma, Tabita mikwujuma ö'wöchaju ö'wö babibijotö. Ja̧danö, jobujuma Jesúsnö ösöduju. Jobujuma, griego tjiwenenö Dorcas mikwuju. Jobujuma ina 'yajayi otiwanö pjabatö ji̧abijotö. Kabatökönö pjabatiabijotö usula jojodönö. Ja̧danö ö'wö baibajajunö ju'wedöma dichijadötö jobujunöma, wobajadönö dichajitjadanö. Dichajadöma mösȩko̧nö lödijadötö, Jojodö edö tjichakobe, jö̧ba̧lö.

Hechos 9:38

Jobema, Jope mikwobema, Lida comunidadtjö ödöokobe, Pedro ö̧jobema. Jo̧kwaobetjö̧ Jesúsnö ösödadöma, ju'wedö yötjawi̧, Pedro Jopenö ö̧jobe, jö̧ba̧lö, a̧ja̧kwö webijadötö du̧ju̧tajanö jobekwö tji̧'yobö. Webijadötö: —Pedronö yöbawajaduwi baikwö icho juluwanö—webijadötö.

Hechos 9:43

Ikenama Pedroma ji̧bijetö lekwe möle Jopenö, jelo̧ ejunö, Simón mikwo̧ ejunö. Jo̧ba Simónma chi̧wo̧dö o̧bȩja̧dö tji̧sȩdi̧ju jawa otidiabijetö.

Josué 19:46

Mejarcon comunidadbi, Racon comunidadbi, ja̧danö Jope comunidad badeibö nijibi.