Hechos 9:40 - Dios Iwene

⁴⁰ Ikenama Pedroma okobe deinö a'dewö lobijetö a̧petube. A'dewö lobajo̧ma u̧yu̧ju̧ki̧junö bamatö Diosnö abebijetö. Ja̧danö, abebö kabatö wobajajunö edö jö̧ba̧lijetö: —Tabita, a̧laibi—jö̧ba̧lijetö. Jejenö jö̧a̧lioko jöbajale 'bobebö Pedronö edö a̧laibö bi̧jotö kamapjonö.

Hechos 9:40 ပူးပေါင်းရင်းမြစ်များ

2 Reyes 20:11

Yöa̧lökwe, Dios yöawi̧ yöbawo̧ Isaiasma Isabenö Jo̧ Diosnö aebinobe, ja̧danö aebökwe Isabenö Jo̧ma weinobe jawo̧ ökömakwö kweachobö. Ja̧danö, abe'do Acaz otidinaka, jawo̧ dejatena isadanö hora ba̧ja̧daka edö, domulataja ba̧ja̧di̧ jawa ökömakwö kweachobe edinobe Ezequiasma, veinte minutos jenanö ökömakwö kweachobe ba̧ja̧di̧ma.

Mateo 6:6

Jau chömöledö, ökwödö Diosnö akebaduwenama, isȩko̧ okwa tebachö, apjude tumatö, jojodö wajwitjonö Kwabe'doduwinö akebaduwo. Ja̧danö, jejenö akebaduwiökwe, jojodö tjedökö jawa edo̧ Kwabe'doduwima, akebaduwaja̧ mikwa baibanö pjaatakobe.

Mateo 9:25

jo̧kwaijayonö jobadönö a̧petube 'da̧batö tjujunaja̧ ikenama, Jesúsma jö̧bȩko̧ okwa tebachö, jömamunö do̧atinobe, ja̧danö jejenö do̧atoko, ja̧laibinobe.

Marcos 9:25

Ikenama Jesúsma ba̧jekwadö ö'öbakwawö tjichobe edö juluwanö webijetö tjemu o̧'wo̧ luwo̧nö sulabo̧nö jo̧batjö laebobö. Baikwö webijetö: —Ökwö sulabo̧, jojo a̧ja̧kwökönö yöa̧lökönö ja̧binanöma, babema ökwönö weta lakebobö bite tjemutjö, la'akatjöda yadakwödanö tekachibökönö—webijetö Jesúsma.

Lucas 22:41

Ja̧danö, jejenö yöbawajo̧, ja'yubenö tupakwönö i̧'yinobe, ödöokobe sule bakwo̧ inawa ikwemi meenanö i̧'yinobe, jo̧dawa'ye Diosnö aebobö. Ja̧danö, u̧yu̧ko̧nö bamatö, Diosnö aebinobe baikwö:

Lucas 8:54

Jo̧kwaijayonö, Jesúsma tebachö, tjemu jömamunö do̧batö jwöinobe: —Tjemu, a̧laibi— jö̧ba̧lö.

Hechos 20:36

Ikenama Pabloma Éfesotjö ichajadö Jesúsnö ösödadö te'ada̧lakwawa jojodönö yöbawö kabatibö jobadökwö tju̧yu̧ju̧ki̧junö bamatö bȩbachibö ja̧bö Diosnö abebijadötö.

Hechos 21:5

Ikenama jelemutjö dötölataja möle baledibajena, tjo̧wi̧ ökwödöma di̧'ya jö̧da̧lawö̧ jobe ju̧kwadö Jesúsnö ösödadöma, tji̧lȩkwa̧mukwö, tji̧tji̧mukwö ökwödökwö tjichijatö tjolabe di̧'yobe, so̧bi̧ya̧pu̧bekwö. Jobe so̧bi̧ya̧pu̧nö du̧yu̧ju̧ki̧junö bamatö Diosnö adebijatö. Abebö kabatö: —Tjo̧wi̧ di̧'ya— jö̧da̧liawö̧: —Jau 'ya̧duwi— jö̧tja̧lijatö Tironö ju̧kwadöma.

Hechos 28:8

Jo̧bakwö dö̧jena abe'doma jwiinö ö'wöchijatö nia'otjö, kwu̧kwi̧ yobi̧tjö. Pabloma jo̧ba abȩko̧ tebachö ömamu jo̧banö 'bibeba̧lö Diosnö aebijatö jo̧banö pjaatobö. Jejenö ömamu 'bibeba̧lö aebena jo̧bama, ö'wöchi̧ jwiinö baibanö otiwanö söawijatö.

Hechos 7:60

Ikenama, u̧yu̧ju̧ki̧junö jamatö, labinö jwöbijetö, Chuluwo̧, bidö ötjönö sulabenö ja̧tji̧ma omukwatöma lȩkeboko, jö̧ba̧lö. Jejenö jö̧a̧laja̧ ikena ö'wö babibijetö Estebanma.