Hechos 9:39 - Dios Iwene

³⁹ Jejenö wetjajawö̧ 'ya̧nö Pedronö yötjawiökwe juluwanö 'yi̧jetö Jopebe. Ichibajo̧nö ö'wö babibajaju jömöledöma öbibö nöchijadötö mösȩko̧nö, tjödajȩko̧nö. Ja̧danö, jȩko̧nö tji̧lȩkwa̧munö wobekwinadö budekwabinö ji̧jadötö. Jobadöma Pedronö edö 'ya̧wibö i̧sebijadötö Dorcas iyö pjabatiajinado̧ jobadönöma, ina 'yajayi 'dö̧jinado̧.

Hechos 9:39 ပူးပေါင်းရင်းမြစ်များ

2 Samuel 1:24

Ökwödö israel jojodötjö ya̧döma, Saulnö kwubudekwaduwo, ökwödönö otiwanö iyinanöma. Jo̧bama isabenö kamiji̧do̧ otiwa̧do̧ 'dukawaduwobö iyinobe, ja̧danö orotjö otikwa jawabi iyinobe, kwökamiji̧do̧nö kwönaduwobö.

Proverbios 10:7

Ja̧danö, ju'wibi yötawa: Dios wei̧ a̧ja̧kwö ji̧abina debö i̧'yajabe okobe jojodöma tjo̧'wo̧nö omukwatabinö omukwatadö jo̧banöma, otiwanö ji̧abina, jö̧ba̧lö. Jobekwö tjo̧mukwatokobe sulabenö omukwatö ji̧abinanöma. Sulabenö omukwatö ji̧abina debö i̧'yajabe okobema jojodöma jo̧banöma tjo̧mukwatokobe, juluwanö tjo̧'wo̧ sötjibökwe.

Mateo 17:17

Jejenö yöa̧lökwe, Jesúsma yöa̧linobe: —Ökwödö babe möle ju̧kwadöma sulabenö omukwatadöja, ja̧danö Dios ujulu otiwanö ösödöködöja. ¿Dokwa lekwe ökwödökwö chö̧jakwa̧jö, otiwanö jweinö kwomukwataduwenanö kabatöma?— jö̧ba̧lö. Ikenama Jesúsma weinobe: —Tjemunö baikwö ichejebinö— jö̧ba̧lö.

Mateo 26:11

Jau chömöledö, usula jojodöma ba̧kwȩlö̧jatebö ökwödökwö tjö̧jakwedö, ba̧kwȩlö̧jatebö jobadönö pjakataduwobö, jo̧kwaijayonö ötjöma ba̧kwȩlö̧jateböma ökwödökwö chö̧jökakwo̧sa.

Marcos 14:8

Bisu isuju tojebi̧ma otiwanö omukwatö jujuna̧li̧tjö tojebatö ötjönöma. Ötjönö omeasobu chuunö tojebaja̧ma wobajo̧ tjödakwo̧nö totjebi̧danö ötjönöma tobebuju, wotakwo̧nöma.

Lucas 24:44

Jemi ikenama Jesúsma jobadönö yöawinobe: —Wotakwa̧ abönö ina ökwödökwö chö̧jayi, ökwödönö yötawijatö, okobe jwiinö Dios iwenesa'yetjö ötjönö tjiwȩyudinama badekwachobö jo̧be, Moisés iwȩyudinabi, ju'wedö Dios yöawi̧ yöbawinadö tjiwȩyudinabi, Salmossa'yetjö tjiwȩyudinabi okobe jwiinö badekwachinö baledobö jo̧be jö̧ba̧lö yötawijatö ökwödönö— jö̧ba̧lö yöawinobe Jesúsma.

Juan 12:8

Usulasedöma ba̧kwȩlö̧jatebö ditebonö tjuju̧kwobe ökwödökwö. Ba̧kwȩlö̧jatebö diyobö jo̧be. Jo̧kwaijayonö ötjöma ba̧kwȩlö̧jateböma ökwödökwö chö̧jökakwo̧sa— jö̧a̧linobe Jesúsma.

Juan 17:12

Ina aebinobe: —Bidö, ökwö kwiyinawö̧kwö ja̧nö ökwö kwujulunö te'ada̧liachijatö Chabe'do, tjo̧'wo̧ luwo̧nö jelobekwö tji̧'yapji, jö̧ba̧lö. Jo̧kwaijayonö bakwo̧ma jelobekwö ile'dewibijatö, ba̧kwȩlö̧jatebö usula emawakwo̧ baibanö. Jo̧banöma damötjö Dios yöawi̧ tjiwȩyudinobe. Ja̧ tjiwȩyudinama badekwachinö jo̧bama jelobekwö ile'dewibijatö— aebinobe Jesúsma Abe'donö—.

Hechos 1:13

Ikenama Jerusalénnö ichibö jobadö tjabeju mösȩko̧nö, idöda tjabȩko̧nö tebachijadötö. Jobadöma bidö: Pedro, Juan, Jacobo, Andrés, Felipe, Tomás, Bartolomé, Mateo, Alfeo itji̧ Jacobo mikwo̧, Simón, jo̧bama romano jojodönö öpöjödo̧, Jacobo itji̧ Judas mikwo̧.

Hechos 20:35

Jejenö ökwödönö i̧sebö chotidijatö chömöledö, ökwödöbi ötjö chotidobe edö kwomukwataduwobö, Aaa, ja̧danö ökwödöbi dotido, demaja̧ baladanö diyo usula jojodönö pjabatö, jö̧ba̧lö. Kwomukwataduwo chömöledö Duluwo̧ Jesús yöa̧linama. Jo̧bama baikwö yöba̧lijetö: Isabenö ju'wedönö pjabatö ja̧bo̧ma o̧'wo̧ ösöwanö jo̧. Jo̧bama jelo̧ tjiyökwe o̧'wo̧ ösöwanö ö̧jemitjö̧ o̧penönö o̧'wo̧ ösöwanö jo̧. Jejenö Duluwo̧ Jesús yöba̧lijetö—yöbawijetö Pabloma.

Hechos 6:1

Ja̧ mölema, Jesúsnö ösödadöma ba̧jekwijadötö. Jobadötjö judío jojodötjöma griego tjiwene yöba̧ladöbi, hebreo tjiwene yöba̧ladöbi ju̧kwijadötö. Jobadötjö ya̧dö, tji̧lȩkwa̧munö wobekwinadöbi ju̧kwijadötö. Jobadönö bakwöta mölekwena 'da̧batö iyabijadötö tju̧kwama. Griego tjiwene yöba̧ladöma ja̧ tjiyobe edö labijadötö, Ökwödötjö tji̧lȩkwa̧munö wobekinadönöma otiwanö tjiyokobe, jö̧ba̧lö. Ja̧danö, jobadöma jö̧ba̧lijadötö hebreo tjiwene yöba̧ladönö: —Ökwödötjö tji̧lȩkwa̧munö wobekwinadönöma ju'wedönö otiwanö tjiyi̧danöma tjiyokobe, tju̧kwa kwakwawama— jö̧ba̧lijadötö.

Hechos 9:41

Ikenama Pedroma jömamunö do̧batö a̧lapedijetö jobujunöma. Ikenama jwöbijetö tji̧lȩkwa̧munö wobekwinadönö, ja̧danö, okobe deinö Jesúsnö ösödadönöbi yemidanö tetjachobö. Tetjachajadönö i̧sebijetö 'yabibajunö.

2 Corintios 8:12

Jau chömöledö, isabenö iyö pjakataduwobö jö̧ka̧laduwitjö̧ma otiwa, baikwö yötawa: Isabenö iyö pjakataduwobö ösödö, kwujuna̧laduwi̧tjö kwiyaduwitjö̧ma, Diosma edö ösödakobe, jo̧bama kwujuna̧laduwi̧ öwaisobetjö̧. Jau chömöledö, Diosma sule kwujuna̧laduwi̧da edo̧, kwiyaduwi̧ otiwojobö jö̧ba̧lö, ja̧danö kwiyaduwobö kwujuna̧laduwi̧danö kwiyaduwenama, edö ösödo̧ Diosma, bidöma otiwanö pjatjatobö ösödadö jö̧ba̧lö.

Efesios 4:28

Ja̧danö, ökwödötjö bakwo̧ naukwabo̧ma naukwabikwawatjö kabatibö, Otiwanö chotido, jö̧ba̧lö, itedada naukwabökönö u̧kwa emawabi, jwibadönö iyöbi iyö ö̧jobö jö̧ba̧lo̧.

1 Tesalonicenses 4:13

Chömöledö, wajwiköbaduwapji jö̧ba̧lö, Jesúsnö ösödö wobinadönö yötawa. Jobadönö yötawa chömöledö, kwo̧'wo̧ tjo̧achaduwapji jö̧ba̧lö, Jesúsnö ösödöködö tjo̧'wo̧ tjo̧achi̧danö. Jobadö Jesúsnö ösödöködöma, Aaa, yemidanö dömöledönö dedakwedösa, jö̧ba̧lö Diosnö tjo̧'wo̧ tjöwana̧loböma jwibadö chömöledö, jo̧kwaijayonö ökwödö Jesúsnö ösödadöma jejenö do̧'wo̧ döwana̧lobö jo̧be. Jau chömöledö, Jesús wobajo̧, yemidanö woawatjö tjeachajina wene dösödobe, ¿jö̧tö? Ja̧danö, biya̧ wenebi dösödobe chömöledö, Jesúsnö ösödö wobinadönöbi tjetjachajinö ja̧akwo̧ Diosma Jesúskwö batjibanö, jö̧ba̧lö.

1 Timoteo 5:3

Ya̧dö tji̧lȩkwa̧mu wobekwinadönöma otiwanö omukwatö te'ada̧lö kwö̧jo, isabenö tjömöledö debadönöma.

1 Timoteo 5:5

Jesúsnö ösöduju jilekwenö wobekwinuju jömöledö debujuma, jömöledönö jo̧'wo̧ jöwana̧loböma jwibuju. Ja̧danö, Diosnöda jo̧'wo̧ wana̧luju, jo̧bada ite'ada̧lobö, ja̧danö kabatökönö Diosnö abebuju, kabatökönö Dios pjaatobö abebuju jobujuma, yö̧tebi, mölebi. Jobujujayedönö Dios ömöledö tjite'ada̧lobö jo̧be.

1 Juan 3:18

Chö̧ja̧wo̧dö chösödawö̧, sule yöba̧lödama yöda̧laduwoko, Dios ile niebi̧danö dö̧ja̧wo̧dönö ile nibebö dö̧jaduwo, jö̧ba̧löma. Yöba̧lödama yöda̧laduwoko, i̧seböbi di̧sebaduwo, dö̧ja̧wo̧dönö pjabatö do̧'wo̧ luwo̧nö isabenö lȩlö̧jino edö.