Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hechos 9:34 - Dios Iwene

34 Ja̧danö, Pedroma Eneasnö edö jö̧ba̧lijetö: —Eneas, Jesucristo ökwönö otiwanö bakibanö ja̧ajabe. A̧laibö kamapjo do̧lati— jö̧ba̧lijetö. Jejenö jö̧a̧lemi Eneasma omönanö otiwanö baibajökwema a̧laibijetö.

အခန်းကိုကြည့်ပါ။ ကော်ပီ




Hechos 9:34
11 ပူးပေါင်းရင်းမြစ်များ  

Jejenö aebökwe, Jesúsma ömamu debatö jo̧banö mabö yöa̧linobe: —Jau, chösöda. Kwi̧sȩdo̧ otiwo̧ babibi— jö̧ba̧lö. Jejenö Jesús yöa̧lenama, i̧sȩdo̧ sulaja̧ma, jwiinö baibinobe.


Ja̧maökö. Usula söbebö lotobö chujulu jwititjö̧ma, 'wabo̧ ö̧ji̧ otidö lotoböbi chujulu jwitena. Jo̧kwaijayonö, baikwö chi̧sebaduwakwö: Ötjö jojo baibanö jeminökwema isabenö tjusula söbebö lotoböbi juluwo̧sa— jö̧ba̧lö yöa̧linobe Jesúsma. Ja̧danö jö̧ba̧lajo̧ jalachibö 'wabo̧nö weinobe: —A̧laibi. Wa̧kwawapjo do̧latibö e'ewibö da̧ji— jö̧ba̧lö.


Ja̧ baledinama Jesús iteda ujulu i̧sebi̧tjö ajayi i̧sebina, jobetjö, Galilea nijinö Caná comunidadtjö. Jejenö iteda jwiinö ujuluma i̧sebiawö̧ iteda öba̧ja̧di̧ waisachadöma jo̧banö tjösödinobe, Bitema Dios weinökwe jojodö tjö̧jibinö pjaatobö, jö̧ba̧lö.


Ja̧danö, jobujuma ju'wi möle jwiinö jejenö jwöbeba̧liabinuju. Jejenö jwöjeba̧liökwe Pabloma jwiinö öpöjödijatö, Jo̧'wo̧ luwo̧nö sulabo̧da yöa̧la, jö̧ba̧lö. Jo̧kwaobetjö̧ Pabloma weijatö jo̧'wo̧ luwo̧nö sulabo̧nöma: —Jesucristo iminö wetakwö, bisutjö labebi— weiökwe jo̧bama juluwanö laebajijatö.


Jobadö ö'öbakwawö tjichiökwe Pedroma jobadönö edö yöbawijetö: —Ökwödö israel jojodö ¿Tajawedö eda̧löda, Dakwö baibaja̧jö, jö̧ba̧lö, kwö̧jaduwa? ¿Tajawedö ökwödönö kweda̧laduwa? ¿Ökwödö dujulunö dotidaja̧ji̧ bitenöma, kweachinö baibanö? ¿Ökwödöma dusuli̧ jwidobetjö̧ bitema kweachinö baibaja̧ji̧?


Ökwödöma Jesúsnö dösödobetjö̧ bite kwebachö̧kö̧nö otiwanö baibaja̧bi Jesús ujulunöda baibajabe. Babema jo̧banö kwedaduwobe. Kwöwaisaduwökwe. Ökwödöma Jesúsnö dösödobetjö̧ iteda ujulunö otiwanö baibajabe bitenöma, ökwödö kweda̧laduwonö— yöbawijetö Pedroma.


Jo̧kwaijayonö Pedroma jö̧ba̧lijetö jo̧banöma: —Ötjöma orobi, platabi jwibo̧sa. Jo̧kwaijayonö, chujuna̧li̧tjö pjatatokwö. Jesucristo Nazaretnö da̧peachina ujulunö wetakwö: ¡A̧laibö 'ya̧wi!— jö̧ba̧lijetö.


Jejenö akebaduwitjö̧ yötawa ökwödönöbi, okobe deinö israel jojodönöbi kwöwaisachibaduwobö. Jesucristo, Nazaretnö da̧peachina ujulunöda otiwanö baibinobe jo̧ba kwebachö̧kö̧nöma. Ökwödö bȩbö tjujunobö weköbaduwinökwe ö'wöchajo̧ yemidanö 'yabibajina, jo̧ba ujulunöda baibinobe— atadijetö—.


bakwo̧nö, Eneas mikwo̧nö, edijetö. Jo̧bama kwebachiabinö̧kö̧. Ja̧danö, lekwe jelemutjö wa̧pötakwa o̧biya kwebachiabinö̧kö̧. Kamapjonöda bo̧, a̧laibökönö.


Ja̧danö, okobe deinö Lidanö ju̧kwadöbi Sarónnö ju̧kwadöbi jo̧banö baledaja̧ edö Duluwo̧ Jesúsnö ösödijadötö, Jesúsma dö̧jibinö pjabato̧, jö̧ba̧lö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ