Hechos 9:33 - Dios Iwene

³³ bakwo̧nö, Eneas mikwo̧nö, edijetö. Jo̧bama kwebachiabinö̧kö̧. Ja̧danö, lekwe jelemutjö wa̧pötakwa o̧biya kwebachiabinö̧kö̧. Kamapjonöda bo̧, a̧laibökönö.

Hechos 9:33 ပူးပေါင်းရင်းမြစ်များ

Mateo 4:24

Jejenö ja̧iawö̧, ba̧jekwadö tja̧ja̧kwinobe jo̧banöma, ja̧danö Siria niji bakwameachibanö jojodöbi jo̧banö tja̧ja̧kwinobe. Jo̧kwajabetjö̧, jo̧ba ö̧jobekwö tje'ewinobe okobe jwiinö tjö'wöchi̧tenia ja̧danö nitji̧tenia usula emawadönöbi, ja̧danö tjo̧'wo̧ luwo̧nö sulabedönö juna̧ladönöbi, ja̧danö nijinö mebö 'dö̧bachabidönöbi, ja̧danö 'wabadönöbi. Jejenö tjichejebiökwe, Jesúsma okobe deinö jobadönö tjö̧bibajinö otidö loinobe.

Marcos 5:25

Ja̧danö tji̧'yobe jelujubi 'yi̧jotö. Ja'yubeda yöta̧la, jobuju jö̧jinama. Jobujuma iwo suli̧ waekwabinö ö'wöchö ji̧abijotö, jökwösobu nöinö meobe. Lekwe o̧biya a̧li̧nösamutjö döbölatajanö ö'wöchijotö.

Marcos 9:21

Ikenama Jesúsma abebö a̧ja̧kwijetö tjemu abe'donö: —¿Dokwa lekwe bejenöma ö̧jinada?— jö̧ba̧lö. Jejenö abebö a̧ja̧kwökwe tjemu abe'doma atadijetö: —Ina tjemuayi—atadijetö —.

Lucas 13:16

Ja̧danö kwa̧jwi̧muduwinö jejenö otikwökö möle kwejataduwobö ji̧tjöma, bisu Abraham itjiju tupadanö jojosujunö ¿jö'wöchi̧tjö chejatobö jwienaji̧? Isabenö jo̧be. Bisuma Awetja nu'yö loiniokoda a̧li̧nösamu jelemutjö wa̧pötakwa o̧biya itukobuju usula jemawajabeta, ja̧danö kwa̧jwi̧munö otikwökö möle kwejataduwobö ji̧tjö̧ma, isabenö bisu kwa̧jwi̧muduwitjö bajalekwönönö mikwawujunö otikwökö möle chejatobö jo̧be— jö̧ba̧lö yöawinobe Jesúsma.

Juan 5:5

Ja̧danö, bakwo̧ 'wabo̧ma jobe bi̧nobe, lekwe trentiocho o̧bi̧ya jenanö 'yö̧kö̧ma.

Juan 9:1

Jemi ikenama, Jesúsma iteda öba̧ja̧di̧ waisachadökwö kweachemi öbajale tjewawökwenö edinobe. Jo̧bama la'akatjöda öbajale tjewawökwe ji̧na.

Juan 9:21

Jo̧kwaijayonö wajwida ¿dakwö otiwanö baibanö baledinada? Wajwida jo̧ba otidö lobinanöma—tjatadinobe—. Ditji̧nöda abebö a̧ja̧kwaduwi. Jo̧bama pöe, jo̧bada yöawena— tjatadinobe.

Hechos 14:8

Jobe, Listranö bakwo̧, ömasapiya 'wabo̧ma ji̧jetö. Jo̧bama la'akatjöda ömasapiya sulina, la'akatjöda kwebachinö̧kö̧.

Hechos 3:2

Tjichena ju'wedöma bakwo̧nö, kwebachö̧kö̧nö e'ewö ichejebijadötö. Jo̧ba kwebachö̧kö̧ma, la'akatjöda ömasapiya sulina. Ja̧danö, ju'wi möle jwiinö ju'wedöma jo̧banö ichejebiabijadötö Dios eju tjöekwemi apjude a'o ö̧bobö. Jade apjudema, otiwade, mikwade. Jena ba̧nö jo̧ba kwebachö̧kö̧ma Dios eju tjöekwemi okwa tebachadönö balada abeba̧lö bi̧abijetö.

Hechos 9:32

Ja̧danö, Pedroma jelobebi jelobebi 'ya̧nö Jesúsnö ösödadönö tebachö edijetö. Techawiabö comunidakwena Lida comunidadnö ichibö

Hechos 9:34

Ja̧danö, Pedroma Eneasnö edö jö̧ba̧lijetö: —Eneas, Jesucristo ökwönö otiwanö bakibanö ja̧ajabe. A̧laibö kamapjo do̧lati— jö̧ba̧lijetö. Jejenö jö̧a̧lemi Eneasma omönanö otiwanö baibajökwema a̧laibijetö.