Hechos 9:30 - Dios Iwene

³⁰ Jo̧kwaijayonö, ju'wedö Jesúsnö ösödadöma ja̧ tjomukwati̧ yötjawi̧ a̧ja̧kwö Saulonö öbibö 'yi̧jadötö Cesareabe. Jobetjö Tarsobe i̧'yobö webijadötö Saulonö.

Hechos 9:30 ပူးပေါင်းရင်းမြစ်များ

Mateo 10:23

Jau chömöledö, bakwöta comunidadtjö ökwödönö usula kwemawaduwinö ja̧tjenama, jobetjö döbibajö ju'wi comunidadbe 'ya̧duwi. Ja̧danö, isabenö yötawaduwakwö, okobe jwiinö Israel niji comunidadtenia jojodönö yöbawö kakataduwakwa̧ abönö, ötjö jojo baibanö jeminökwema yemidanö chichocha.

Mateo 16:13

Cesarea de Filipo ötjabi̧ nijibe ichibajadö, Jesúsma iteda öba̧ja̧di̧ waisachadönö abebö a̧ja̧kwinobe: —Chömöledö, ¿dakwö yötja̧lobe jojodöma ötjö jojo baibanö jeminökwenö, tijö jö̧ba̧lö?—

Hechos 1:15

Ju'wi möle jobadö tjoko̧ko̧kwena, ciento veinte jenanö ju̧kwijadötö. Pedroma jobadö tjö'da̧denö jamatö yöbawijetö:

Hechos 11:25

Jemi ikenama Bernabéma Tarsobe Saulonö öbibö chȩwa̧jo, jö̧ba̧lö, omukwatajo̧, Tarsobe 'yi̧jetö, Saulonö isakwö.

Hechos 17:10

Ikenama yö̧te baibena Jesúsnö ösödadöma Pablonö, Silasnö webö lobijadötö jelobe tji̧'yobö, Berea comunidadbe. Jejenö webö lotjawö̧ma Berea comunidadbe 'yi̧jadötö. 'Ya̧jadöma Berea comunidadnö ichibö judío jojodö yötjaweju okwa yöbawö tebachijadötö.

Hechos 17:15

Ikenama Bereanö ju̧kwadöma Atenas comunidadbe 'yi̧jadötö ojwenö, Pablonö junö. Jobe ja̧nöma abebijetö Pabloma junibö ȩwa̧jadönöma: —Silasnö, Timoteonö juluwanö tjicho weköbaduwo— abebijetö Pabloma.

Hechos 28:14

Jobema Jesúsnö ösödadönö döbadekwajijatö. Jobadöma da̧debijatö ökwödönöma jobadökwö dö̧jobö bakwöta semana baledibanö. Ikenama jobetjö kwebachö di̧'yijatö dömasapanöda Romabe.

Hechos 8:40

Ikenama Felipema jelobe öwawachijetö, Azotobe. Jobetjö Cesareabe ȩwa̧jö, Dios jawa otiwa jawa wene yöbawiabö ȩwa̧jijetö okobe jwiinö jobe comunidadeskwena.

Hechos 9:11

Ikenama Duluwo̧ma yöbawijetö: —A̧laibö 'ya̧wi mana, jweinö la̧ma mikwama lo̧bekwö. Ja̧ma ö'öbö jȩju, Judas ejube 'ya̧wi. Jobetjöma akebo Saulo mikwo̧nö, Tarso jojo kwedobö. Jo̧bama yada ja̧nö ötjönö aebobe—yöbawijetö—.

Gálatas 1:21

Ja̧danö, jemi ikenama Siria nijibebi, Cilicia nijibebi chi̧'yijatö.