Hechos 9:13 - Dios Iwene

¹³ Jejenö jö̧a̧liökwe Ananíasma jö̧ba̧lijetö: —Chuluwo̧ ba̧jekwadö yötjawobe cha̧ja̧kwijatö, jo̧ba Saulo ja̧inama. Jo̧bama yelösöda sulabenö ja̧inobe Jerusalénnö ju̧kwadö ökwö kwömöledö babibinadönöma— jö̧ba̧lijetö—.

Hechos 9:13 ပူးပေါင်းရင်းမြစ်များ

Mateo 10:16

Tupakwö yöawinobe Jesúsma: —Chömöledö, isabenö labobe kwi̧'yaduwobö wetaduwakwö. Baikwö wanedö yötawa: Ökwödönöma o̧bȩja̧dönö wetobedanö ichejekwa, labidö tebo a̧wi̧li̧dö tjö'da̧de kwi̧'yaduwobö. Jo̧kwajabetjö̧, waisanö omukwatö kwö̧jaduwo, ja̧danö ju'wibi ja'yubebi jojodönö laböködö kwö̧jaduwo.

Hechos 22:4

Ajayinöma ötjöma Jesúsnö ösödadönö sulabenö ja̧biachijatö, inia tjötjinö yelösöda ja̧bö, ji̧bakwawa mananö kwebachadö ötjabiwö̧nöma. Jobadötjö ömadönöbi, ya̧dönöbi do̧batibö ka̧lena ba̧kwawejunö tjödobö webiachijatö. Jobadötjö ju'wedönöma debö tji̧'yinöbi ja̧biachijatö.

Hechos 8:3

Ikenama Sauloma jwiinö öpöjödijetö Jesúsnö ösödadönöma. Tjejubiya techawö do̧batibö tötöbö öbibö ka̧lena ba̧kwawejube tje'ewobö webiabijetö Sauloma.

Hechos 9:1

Sauloma ina sulabenö ja̧biabijetö Duluwo̧nö ösödadönöma. Jobadönö yetjaibobö labinö yöbawö, Ökwödönöma kwabö lotjobö wetocha, jö̧ba̧lö, yöbawiabijetö. Ja̧danö, jo̧bama Diostjö jojodötjö ö'weje la'aka pjabato̧ ö̧jobekwö 'yi̧jetö.

Hechos 9:21

Okobe deinö Saulo yöawi̧ a̧ja̧kwö: —¿Dakwö Jesús jawama yöbawo̧jö?— jö̧ba̧lö eda̧lijadötö—. Bitema Jerusalénnö ju̧kwadö Jesúsnö ösödadönö usula tjemawinö sulabenö webina. Baikwö ichinobe Jesúsnö ösödadönö nu'yajo̧ Jerusalénbe öbibö e'ewobö, Diostjö jojodötjö ö'weje la'aka pjabatadö tjuju̧kwobekwö—yöba̧lakwawijadötö.

Hechos 9:32

Ja̧danö, Pedroma jelobebi jelobebi 'ya̧nö Jesúsnö ösödadönö tebachö edijetö. Techawiabö comunidakwena Lida comunidadnö ichibö

Hechos 9:41

Ikenama Pedroma jömamunö do̧batö a̧lapedijetö jobujunöma. Ikenama jwöbijetö tji̧lȩkwa̧munö wobekwinadönö, ja̧danö, okobe deinö Jesúsnö ösödadönöbi yemidanö tetjachobö. Tetjachajadönö i̧sebijetö 'yabibajunö.

Romanos 15:31

Biya̧ akebaduwobö ateba chömöledö: Diosnö abebaduwi Jerusalénnö ju̧kwadö Jesúsnö öpöjödadötjö chö̧jibinö ja̧o jö̧ba̧lö. Ja̧danö ju'wibi: Biya̧ judío jojodöböködö tjiyina jawa Jerusalénnö ju̧kwadö Jesúsnö ösödadönö chiyenama, Aaa, otiwanö tjiyinobe, jö̧ba̧lö tjösödobö akebaduwo Diosnö chömöledö.

Romanos 16:15

Ja̧danö, Filólogo, Julia, Nereo, Nereo öjawuju, Olimpasnö, jobadökwö ju̧kwadö Jesúsnö ösödadönöbi dokwa ateba.

Romanos 16:2

Jobe jichibenama, kwösödaduwojö, Bisuma Duluwo̧ ömöayuju, jö̧ba̧lö. Ja̧danö, dömöledö Jesúsnö ösödadönö dösödobö Dios weinadanö, kwösödaduwojö kwömöledösujunöma. Febema ba̧jekwadönö pjabatuju, ja̧danö ötjönöbi pjabatinuju chömöledö. Ja̧danö, ökwödökwö jö̧jenama, ju'wi jaye jwibö jö̧jitjö̧ma, pjakataduwojö, ju'wedönö pjajatinadanö.

1 Corintios 1:2

ökwödö Dios ömöledö Corintionö ko̧ko̧kwö ba̧jadönö. Ökwödönö Diosma jwöinobe, ja̧danö omudawö ujuninobe, iteda ömöledö bakibaduwobö. Jau chömöledö, ökwödöbi, okobe deinö ju'wedö Duluwo̧ Jesucristonö ösödadöbi, Duluwo̧ma bakwo̧da, Jesucristoda. Ja̧danö, Cristo Jesúskwö bakobe dötewinö ja̧nö, Dios ömöledöbedösa chömöledö.

1 Corintios 14:33

Jau chömöledö, aliyadakwawö ja̧doböma ösödö̧kö̧ Diosma, dösölö̧jinö wene jwiinö ja̧bö dö̧jobö ösödo̧. Ja̧danö, okobe deinö ko̧ko̧kwö tjö̧baji̧tenia Jesúsnö ösödadö ja̧tji̧danö,

1 Corintios 16:1

Ja̧danö, Jerusalénnö ju̧kwadö Dios ömöledönö pjaatakwawa balada jawa yötawa. Galacia nijitjö ko̧ko̧kwö tjö̧baji̧tenia ju̧kwadö Jesúsnö ösödadönö yötawinadanö yötawaduwakwö chömöledö, ökwödöbi jobadö ja̧tji̧danö ja̧köbaduwobö.

1 Corintios 6:5

Jau chömöledö, jejenö ja̧köbaduwi̧ omukwatö, kwötabakwaduwo chömöledö. Ökwödö Jesúsnö ösödadötjö, ¿bakwo̧bi waiso̧ ö̧jokobeji̧, Jesúsnö ösödadökwö ju'wedö Jesúsnö ösödadökwö wene lȩekwa yöawo jö̧ba̧löma?

Efesios 1:1

Ötjö, Pablo, böja kwialusöjanö yöbawö chiwȩyuda. Ötjöma Cristo Jesús webawo̧sa, Diosma jejenö omukwatö ösödinobetjö̧. Ökwödönö chiwȩyuda, Éfesonö ju̧kwadönö, Dios ömöledö babibinadönö, Cristo Jesúsnö kwo̧'wo̧duwi wana̧lö ja̧dönö.

Filipenses 1:1

Ötjö Pablobi, Timoteobi Cristo Jesús ömöayedösa, ja̧danö Timoteokwö ja̧nö böja kwialusöja wetaduwakwö, okobe deinö ökwödö Filipos comunidadtjö Dios ömöledö Cristo Jesúskwö dötewadönö, ja̧danö ökwödötjö Jesúsnö ösödadönö te'ada̧lakwawa luwedönöbi, pjaatakwawa luwedönöbi.

Filipenses 4:22

Jau chömöledö, okobe deinö bemi jojodö Jesúsnö ösödadöma detjawobedanö ökwödönö dokwa jö̧ba̧lö atjebobe, ja̧danö inesö la'aka luwo̧ César mikwo̧ eju te'ada̧ladötjö Jesúsnö ösödadöbi isabenö ökwödönö dokwa jö̧ba̧lö atjebobe.

Colosenses 1:2

chö̧ja̧wo̧dö Colose jojodötjö jwaikwöda Cristonö ösödadö Dios ömöledönö. Dabe'do Dios ökwödönö lȩlö̧jinö edobö chösöda, ja̧danö kwo̧'wo̧ luwo̧duwi ösöwachibanö pjaatobö chösöda.

Hebreos 13:24

Chömöledö, debawö atebobe, Dokwa, jö̧ba̧lö, okobe deinö jobe ökwödönö Dios iwene yöawakwawa jojodönöbi, okobe deinö Jesúsnö ösödadönöbi. Ja̧danö Italiatjö ichinadöbi, Dokwa, jö̧ba̧lö, debawö atjebobe ökwödönöma.

Judas 1:3

Chömöledö, ökwödö Jesúsnö ösödadöma, okobe deinö bakwainö ji̧badösa, ¿jö̧tö? Jau chömöledö, ökwödö okobe deinö Dios lȩlö̧jinö iyi̧tjö emadösa, ja̧danö ja̧ jawa labebö lobö ökwödönö chiwȩyudobö jö̧ta̧latö. Jo̧kwaijayonö sulabenö yöbawadö yötjawobetjö̧, ja̧ chiwȩyudobö jö̧ta̧li̧ma waekwajabe, ju'wida chiwȩyudobö jo̧be babema. Jau chömöledö, ju'wedöma ju̧kwawö dö'da̧de tetjachajabe, ja̧danö dö'da̧de ja̧nö sulabenö yötjawobe. Jo̧kwajabetjö̧ ju'wida chiwȩyudobö jö̧ta̧lijayonö, ökwödönö kwujuluwaduwachibanö chiwȩyudobö jo̧be, dösödi̧ wene tjöbeba̧lö ölakwabikwawö kwö̧jaduwobö. Jau chömöledö, ja̧ dösödi̧ wenema, bakwöta wene balewachökö wene, ja̧danö bakwötanöda Dios iyina wene, ba̧kwȩlö̧jatebö ja̧ wenenöda dö̧jibobö. Ja̧ wene balewö lobö sulabenö yötjawapji jö̧ba̧lö, tjöbeba̧lö ölakwabikwawö kwö̧jaduwobö kwujuluwaduwachibanö chiwȩyudaduwakwö. Ökwödönö sulabenö yöbawadönö baikwö yötawa: Diosma damötjö jobadönö lȩebakwa̧ omukwatö ujuninobe. Jobadöma isabenö Diosnö ösödöködö chömöledö, ja̧danö sulabenö yöbawö Dios mikwa jwiinö otiwa jawa iyi̧ wene balewö lotjobe, jojodö jwaikwöda sulabenö ja̧bö tjö̧jobö wei̧ wene baibanö. Ja̧danö ju'wibi, Duluwo̧ma bakwo̧dajayonö, Duluwo̧ Jesucristonö öpöjödadö, duluwo̧bö̧kö̧ jö̧ba̧lö.

1 Samuel 16:2

Yöa̧lökwe, Samuel atadinobe, —Yetabi, jejenö omudawö kwujunajökwenö o̧te tobebö chi̧'yitjö̧ma, Saulma a̧ja̧kwena, ja̧danö a̧ja̧kwö, ötjönö kwabö loena, —jö̧ba̧lö. Atadökwe, Isabenö Jo̧ma yöa̧linobe, —Baikwö ja̧bi, o̧te tobebö kwi̧'yi̧ wene Saul öwaisachibapji jö̧ba̧lö. Pakayasujunö la'akatjöda metu'wo jö̧kujunö öbibö kwi̧'yo Belentjö kwabö juwö kwiyobö, ja̧danö yökawo, –Baikwö chichajabe, belö kwabö juwö Isabenö Jo̧nö chiyobö, –jö̧ba̧lö.