Hechos 9:10 - Dios Iwene

¹⁰ Ja̧danö, jobe Damasconö Jesúsnö ösödo̧ma, Ananías mikwo̧, ji̧jetö. Duluwo̧ma jo̧banö yöbawijetö i̧'wi̧di̧danö, baikwö: —Ananías— jwöbijetö Duluwo̧ma. Ananías atadijetö: —Chuluwo̧— atadijetö.

Hechos 9:10 ပူးပေါင်းရင်းမြစ်များ

Génesis 14:15

Jobe ichibö ömöayedönö wainökwena tji̧'yobö webijetö, la'aka luwedö tjuju̧kwobekwö, yö̧te. 'Ya̧jadöma juluwijadötö jobadö la'aka luwedönö, tjömöayedö guardia luwedönöbi, dötjibajinö. Ja̧danö döbibajadönö lubijadötö ödö, Hoba ichibanö, Damasco u'dakwö.

Génesis 22:1

Ja̧danö, Abrahamkwö Abimeleckwö tjiwene yöbawö tjujunina tupakwö Diosma, Abraham ötjönö o̧'wo̧ wa̧na̧lö weti̧ a̧ja̧kwojobö chedo, jö̧ba̧lö, jwöbijetö Abrahamnö: —Abraham— jwöökwe: —Chuluwo̧, yöba̧li cha̧ja̧kwo— atadijetö Abrahamma.

Génesis 31:11

Ikenama, chi̧'wi̧dinö Dios weajökwe ángelma ötjönö jwöijatö: —Jacob— jö̧ba̧lö. Jwöitjö̧: —Bena chö̧ja— chatadijatö chi̧'wi̧dinö.

2 Samuel 15:26

Jo̧kwaijayonö, ötjönö öpöjödö, –Davidnö chöpöjödachibajabe, –jö̧ba̧lö pjaatökötjö̧ma, ja̧bi otiwa. Ötjöma Dios ömöayo̧sa, iteda ösödi̧danö ja̧obö otiwobe, —jö̧ba̧lö yöa̧linobe Davidma Sadocnö.

Éxodo 3:4

Ja̧danö, Isabenö Jo̧ma Moisés ösötje jo̧obekwö ichobe edö jwöbijetö ösötje okwatjö ¡Moisés! ¡Moisés! jö̧ba̧lö. Jejenö jwöökwe, Jao bena chö̧ja, jö̧ba̧lö atadijetö Moisésma.

Isaías 6:8

Jemi ikenama Isabenö Jo̧ yöa̧lobe cha̧ja̧kwijatö, baikwö yöa̧li̧ma: —Tinö wetakwa̧da, chömöledö israel jojodönö yöa̧lobö? Jobadönö yöda̧lo jö̧da̧lima, tinö wetakwa̧da, jo̧bada yöawakobetjö̧? —jö̧ba̧lö. Jobekwö abebö a̧ja̧kwi̧tjö̧, ötjö Isaiasma chatadijatö, —Chuluwo̧, ötjöma bai kwöba a'o jo̧sa, ötjönöda webi, yökawo jö̧ka̧li̧ma yötawakobetjö̧, —jö̧ba̧lö.

Daniel 2:19

Ja̧danö, jejenö atjebiökwe, iya̧da yö̧te Diosma Danielnö i̧'wididanö i̧sebinobe Nabucodonosor i̧'wi̧dikwina jawabi, labebö loawabi. Ja̧danö jejenö i̧sebiökwe, Danielma Diosnö ösödinobe, isabenö otiwo̧ja jö̧ba̧lö,

Hechos 10:3

Ju'wi möle, ja̧wo̧ wöatena, ángelma öwaitjöda öwawachijetö Cornelionö, i̧'wi̧di̧danö. Ja̧danö, ángelma Cornelio eju okwa tebachö jwöbijetö: —Cornelio—jwöbijetö.

Hechos 11:5

Ja̧danö, Pedroma yöbawijetö: —Chömöledö. Belöma ötjöma Jopenö ja̧nö Diosnö atebijatö. Atebemi abökönö chi̧'wi̧di̧danö chedijatö biya̧: Mölejȩbetjö böjȩkwö sawana'wodanö jala'wo chedijatö 'do̧'do̧kwetenia do̧lachibö jwiachobe, ötjö chö̧jobekwö.

Hechos 12:9

Pedroma ángelkwö ka̧lena ba̧kwawȩko̧tjöma labebijetö. Labebö omukwatijetö, Biya̧ma ¿dakwö baledajö? jö̧ba̧lö. Chi̧'wi̧di̧ena bite ángel ötjönö pjaati̧ma, jö̧ba̧lö, omukwatijetö.

Hechos 16:10

Jejenö i̧'wi̧dinö edajo̧ ötjö Lucasnö, Silasnö, Timoteonö yöawijatö edaja̧ma. Ötjö, Lucas, Pablokwö 'yi̧no̧sa. Pablo jejenö i̧'wi̧dinö editjö̧ ökwödöma döwaisachibijatö, Aaa, Diosma jweinö i̧sebajabe Macedoniabeda otiwa jawa wene yöbawö di̧'yobö wea, jö̧ba̧lö. Jo̧kwaobetjö̧ Macedoniabe di̧'yobö, te'ada̧lökönö di̧'yakwowima disakwijatö.

Hechos 16:9

Jobe ichibajadö tjichibaja̧ yö̧te, Pabloma abemi i̧'wi̧dinö edijetö bakwo̧nö, Macedonianö jo̧nö. Jo̧ba Macedonianö jo̧ma o̧'wo̧ tjo̧bekwö aebobema a̧ja̧kwijetö: —Macedonia pebibö ichö pjabatidönö— aebobe a̧ja̧kwö 'wi̧di̧kwijetö Pabloma.

Hechos 18:9

Ja̧danö, ju'wi yö̧te Duluwo̧ma yöbawijetö Pablonö i̧'wi̧dinö edö: —Pablo, yekabi. Chiwene yökawi̧ma kakatiba. Kabatibökönö jojodönö yöbawi chiwenema—yöbawijetö—.

Hechos 2:17

Jo̧bama baikwö yöbawö wȩyudijetö: Baikwö yöawobe Diosma ökwödö judío jojodönöma: Böjȩ ina 'dö̧ibajökenanö Cho̧'wo̧ Luwo̧nö wetocha jojodökwö ö̧jobö. Ökwödötjö tupadanö jojodönöma ötjö yötawi̧ otiwanö yöbawadö batjibobö wetocha Cho̧'wo̧ Luwo̧nö, jobadökwö ö̧jobö. Ja̧danö, Cho̧'wo̧ Luwo̧ jobadö tjo̧'wo̧ luwo̧nö öba̧ja̧da̧lonö ötjö yötawi̧ yötjawakobe. Ja̧danö, möayedö ömadönöma ötjö chösödi̧ tjöwaisachibobö tji̧'wi̧di̧danö tjedobö chi̧sebakobe. Ja̧danö, damö ömadönöma ötjö chösödi̧ tjöwaisachibobö tji̧'wi̧dinö tjedobö chi̧sebakobe.

Hechos 22:12

Jobema, bakwo̧, Ananías mikwo̧ma, Dios wei̧ ja̧bö jo̧ma ö̧jijatö. Okobe deinö jobe ju̧kwadöma, judío jojodöma, Ananiásnö tjösödökwe, Otiwanö ja̧bö jo̧, jö̧ba̧lö.

Hechos 9:12

Ja̧danö, jo̧ba Sauloma i̧'wi̧di̧danö edatö ökwönö, Ananías. Jo̧ba ö̧jobekwö kwi̧'yobe edatö. Ikenama kwömamiju jo̧banö 'bikeba̧lemi öbajalebiya otiwanö baibanö kwotidobe edatö, i̧'wi̧di̧danö— yöbawijetö Duluwo̧ma Ananíasnöma.

Hechos 9:9

Ikenama Sauloma wa̧pötakwa möle jenanö öbajale tjewawinö ji̧jetö. U̧kwabi kwijökötö, ja̧ wa̧pötakwa möle jenanö.

2 Corintios 11:32

Jau chömöledö, tupakwö yöta̧la chujulu jwii̧ wene yöbawö. Belö Damasco comunidadnö chö̧jenama, la'aka luwo̧ Aretas mikwo̧ ujuninökwe gobernadorma ötjönö do̧atobö ösödinobe, jo̧kwajabetjö̧ guardia jojodönö ujuninobe comunidad tjöekwemi apjudebiya tjite'ada̧lobö, ötjönö do̧tjatobö.

Gálatas 1:17

Ja̧danö Jerusalénbe chi̧'yijökötö, ötjötjö ajayinö Jesús webawedö babibinadökwö yöta̧lakwawo jö̧ba̧löma. Jelobeda chi̧'yijatö, Arabiabe, ja̧danö jemi ikenama yemidanö Damascobe chȩwa̧jijatö.

1 Samuel 3:4

Ja̧danö, Isabenö Jo̧ma Samuelnö jwöinobe, ja̧danö jwöökwe, —Tajida chuluwo̧, —jö̧ba̧lö,