Hechos 8:40 - Dios Iwene

⁴⁰ Ikenama Felipema jelobe öwawachijetö, Azotobe. Jobetjö Cesareabe ȩwa̧jö, Dios jawa otiwa jawa wene yöbawiabö ȩwa̧jijetö okobe jwiinö jobe comunidadeskwena.

Hechos 8:40 ပူးပေါင်းရင်းမြစ်များ

Hechos 10:1

Bakwo̧ romano jojo, Cesareanö jo̧ma Cornelio mikwo̧ ji̧jetö. Jo̧bama ciennö guardia jojodö, italianos mikwadö tjuluwo̧bijetö.

Hechos 10:24

Jemi ikena dewachö mölema Cesareanö ichibijadötö. Ja̧danö, Cornelioma te'ada̧lijetö jobadönöma, ömöledökwö, ejukwö tjichobö jwöajawö̧kwö.

Hechos 11:11

—Ja̧danö, jejenö baledö kaatena judío jojodöböködö wa̧medukwama ichijadötö dejunö Cesareatjö, ötjönö edö weinawö̧ma.

Hechos 12:19

Ja̧danö, la'aka luwo̧ Herodesma, Pedro dei̧ wene yötjawi̧ a̧ja̧kwö webijetö guardia jojodönö Pedronö tjisakwobö. Jobadöma tjisakwemi deijetö Pedroma. Deiökwe Herodesma abeba̧lijetö Pedronö te'ada̧lakwawa jojodö guardianöma ¿Dakwö baledaja̧da? jö̧ba̧lö. Ikenama, Bidöma otiwanö te'ada̧löködö, jö̧ba̧lö, webijetö ju'wedönö kwabö lotjobö jobadönöma, Pedroma jobadötjö döibajobetjö̧. Ikenama Herodesma Judeatjö labebö jelobe 'yi̧jetö, Cesareabe, ja'yubeda lekwe ö̧jobö.

Hechos 18:22

Ja̧danö, ȩwa̧jo̧ma Cesareanö ichibö lamatijetö. Lamatö wa̧ibö kwebachö 'yi̧jetö Jerusalénbe, Jesúsnö ösödadönö edö. ja̧danö, jobadönö edö, yöa̧lakwawaja̧ ikena ȩwa̧jijetö Antioquíabe.

Hechos 21:16

Cesareanö ju̧kwadö Jesúsnö ösödadötjö ju'wedöma ökwödökwö tjichijatö Jerusalénbe. Jobe dichibenama ökwödökwö ichajadöma ökwödönö öbibö tji̧'yijatö dabakweju jobekwö, Mnasón mikwo̧ ejube. Jo̧bama, Chipre ö'wejesa'otjö ichina, ajayinö Jesúsnö ösödinadötjö jojobijetö.

Hechos 21:8

Ju'wi dewachö jobetjö labebö Cesarea nijinö ichibö, lamatajadö wa̧ibö di̧'yijatö Felipe, ji̧kwa wene yöbawo̧ ejube. Felipema Jesúsnö ösödadönö pjabato̧, jelemutjö du̧ju̧taja pjaatakwawa jojodötjö bakwo̧.

Hechos 23:23

Ikenama jo̧ba guardia jojodö la'aka luwo̧ma du̧ju̧tajanö ömöayedönö, ciennö guardia jojodö tjuluwedönö jwöbijetö tjichobö. Ichajadönö webijetö: —Ökwödö kwömöayedöduwi, doscientosnö tjichobö jwöbaduwi. Ichibajadönö yökawaduwo, Makö yö̧te, las nuevenö di̧'yakobe Cesareabe, Pablonö öbibö 'ya̧nö, jö̧ba̧lö. Ja̧danö ju'wedönöbi yökawaduwo ökwödökwö tjicho, ka̧ba̧yu̧dönö tjoma'anö wa̧nö 'ya̧jadönöbi, setentanö. Ja̧danö ju'wedönöbi yökawaduwo, kwölöte'iju do̧bata̧lö 'ya̧jadönöbi doscientosnö, ökwödökwö tji̧'yakwedönöma.

Hechos 23:33

Ikenama Cesareanö ichibö tjuluwo̧ iwȩyudina kwialusöja iyijadötö Félixnö. Iyajadö Pablonöma junibö ȩwa̧jijadötö, Félixkwö ö̧jibonö.

Hechos 25:1

Ikenama Festoma Cesareanö ichijetö jobe balekwo̧ la'aka luwo̧ ba̧nö weobö. Ichajo̧, wa̧pötakwa möle baledibajena Jerusalénbe kwebachö 'yi̧jetö.

Hechos 25:13

Ikenama, ja'yubeda lekwe möle baledibajena jelo̧ la'aka luwo̧ma, Agripa mikwo̧ma Cesareabe kwebachö 'yi̧jetö öjawujujukwö, Bernicia mikwujukwö, balekwo̧ la'aka luwo̧ Festonö edö.

Hechos 25:4

Jejenö atjebijayonö Festoma: —Wetökö jejenöma. Jobe Cesareabe ka̧lena ba̧kwaweju okwa Pablonö tjitje'ada̧lobe. Ötjöma juluwanö chȩwa̧jocha jobema.

Hechos 25:6

Ikenama jobe ji̧jetö Festoma judío jojodökwö ja'yubeda lekwa, jelemutjö wa̧pötakwa mölebi domulataja mölebi jenanö. Ikenama ȩwa̧jijetö Cesareabe. Ju'wi dewachö weawa yöawakwawȩko̧nö ba̧nö webijetö Pablonö ichejebö tjujunobö öba a'otjö.

Hechos 8:25

Ikenama Pedro, Juan, Duluwo̧ Jesús yöawina wenebi, Jesús ina jobadökwö ö̧jayi baledinabi yöbawö kabatö Jerusalénbe ȩwa̧jijadötö. Ȩwa̧jö Samaria nijinö ju'wi comunidadbi ju'wi comunidadbi tebachö yöbawiabö ȩwa̧jijadötö, Dios jawa otiwa jawa wenema.

Hechos 9:30

Jo̧kwaijayonö, ju'wedö Jesúsnö ösödadöma ja̧ tjomukwati̧ yötjawi̧ a̧ja̧kwö Saulonö öbibö 'yi̧jadötö Cesareabe. Jobetjö Tarsobe i̧'yobö webijadötö Saulonö.

Romanos 15:19

Ja̧danö Dios O̧'wo̧ Luwo̧ weitjö̧, Dios O̧'wo̧ Luwo̧ ujulunö jojodö edajitjökö jawa chi̧sebijatö, Dios ujulu chi̧sebijatö, edö Diosnö tjösödo jö̧ba̧lö, Dios wei̧ jobadöbi ja̧tjo jö̧ba̧lö. Ja̧danö, jejenö yötawiawö̧, judío jojodöböködöbi Diosnö tjösödinobe, jobadöbi Dios wei̧ ja̧bö. Jau chömöledö, nöinö yöbawö kwebachiachijatö, Jerusaléntjö jamatö, Ilírico niji baibanö. Jobe okobe jwiinö Cristo jawa otiwa jawa wene yöbawiachijatö.

Josué 11:22

Jwiinö jobadönö söbebö loinobe, israel nijitjö bakwo̧bi ö̧jibökenanö. Jo̧kwaijayonö israel nijitjö detjijayonö, jobadötjö o̧bukwedöma ina filisteo jojodö tjitebonö tjö̧jinobe, Gaza comunidadtjöbi, Gat comunidadtjöbi, Asdod comunidadtjöbi.

1 Samuel 5:1

Filisteo jojodöma Dios iteapjo israel jojodötjö 'dötjebinobe, Ebenezertjö israel jojodönö tjujuluwenama, ja̧danö 'döbebajadö, tjitebo comunidad Asdodbe tje'ewinobe.