Hechos 8:39 - Dios Iwene

³⁹ Ikenama jobadöma ojwetjö a̧laibö Dios O̧'wo̧ Luwo̧ma Felipenö jelobe ö̧jobö e'ewijetö. Etiopía jojoma yemidanöma edijökötö Felipenöma. Jo̧bama Felipenö e'ewaja̧ ikena o̧'wo̧ ösöwanö ȩwa̧jijetö.

Hechos 8:39 ပူးပေါင်းရင်းမြစ်များ

1 Reyes 18:12

Jejenö yötawoböma yetabi chuluwo, baikwö yöta̧la, Acabnö yöbawö chi̧'yaja̧ okobe, Isabenö Jo̧ o̧'wo luwo̧ma jelobekwö ökwönö öibakwo̧, wajwitobekwö. Ja̧danö, Acabnö yötawaja̧ okobe, ökwönö öbadekwajökötjö̧ma, –Omöna yöba̧lo̧ja, –jö̧ba̧lö ötjönö kwabö loakwo̧ Acabma. Jobekwö suli̧ kwöwaedokotjö chuluwo̧ Elias, ötjöma Isabenö Jo̧nö yebabinö ösödo̧chobetjö̧. Jau Elias, tjemubayo̧ chö̧jinemi baikwöma, bakwelöjatebö Diosnö ösödo̧sa, Acab ötjönö kwabö loobö kwisakwoko chuluwo̧.

2 Reyes 2:16

Ja̧danö jobe ju̧kwadö Dios yöawi̧ yöbawadöma Eliseonö yötja̧linobe, —Eliseo, ökwödö kwömöayedötjö̧, cincuentabedö kwetjachobö juluwadö tjuju̧kwobe, weköbobö adebakwö, ajayi kwuluwo̧bina Elias iteba'o isakwö kwetjachobö. Dedemi Isabenö Jo̧ O̧'wo Luwo̧ma, Eliasnö emajo̧, iteba'o jelobe ikwö loajena, mösa'o jele'otjöena, wabeko jelekotjöena, weköbakwa̧ji̧? —jö̧ba̧lö atjebökwe, —Tjisakwobö weköbaduwoko, —jö̧ba̧lö atadinobe Eliseoma.

Isaías 61:10

Jwiinö cho̧'wo ösöwachibanö chösödobe Isabenö Jo̧nö, —Chösödökwe Diosma otiwanö pjabato̧, —jö̧ba̧lö. Jau, baikwö wanedö yöta̧la, ji̧ikwa jawa kamisinö 'duatajabe ötjönö, ja̧danö otiwanö ja̧bö ja̧kwawa jawa wamesa̧do̧nöbi 'duatajabe. Jobekwö 'duatajökwe, ö'weje pjabato̧bi, ilekwonö emakwo̧bi jwiinö otiwaka butjawaka tjubutjawi̧danö, ja̧danö jilekwenö jemakwuju sasiyu jöni̧danö, otiwanö 'dubawö jo̧sa, chösödökwe Diosma otiwanö pjaatobetjö̧.

Mateo 13:44

Tupakwö wanedö yöawinobe Jesúsma: —Baikwö wanedö yötawa mölejȩbe jo̧ la'aka luwo̧ ö̧jena jawama: Jojoma ka̧putjö inesö mikwawi̧ jawa öbadekwajinobe, ju'wedö ajayinö tojö tjujunina jawama. Jejenö badekwajo̧, yemidanö tojö, o̧'wo̧ ösöwachibanö okobe jwiinö ujuna̧li̧ mikwanö iyö lobajo̧, ja̧ ka̧pu midö eminobe, öbadekwajina jawa, inesö mikwawi̧ jawa ujuna̧lakobetjö̧.

Mateo 3:16

Jesúsnö ojwenö ubu̧dataja̧ ikena, ojwetjö a̧laibinobe Jesúsma, ja̧danö a̧laibenama, möleje po̧ekwachibobe edinobe, ja̧danö mö köba̧lo̧ yunuku jwiachi̧danö Dios O̧'wo̧ Luwo̧ jwibachö Jesúsnö öjamatobe edinobe.

Marcos 1:10

Ojwenö ubu̧datajökwe Jesúsma ojwe okwatjö a̧laibö möakwö pöbamö edemi mölejȩ po̧ekwachibobe edijetö. Mölejȩ po̧ekwachibobetjö iteda ö̧jobekwö Dios O̧'wo̧ Luwo̧, mö köba̧lo̧ yu̧nu̧ku̧ meibi̧danö, itenö öwamatobö meibobe edijetö.

Hechos 13:52

Ja̧danö, tji̧'yajabe okobema Antioquíanö ju̧kwadö Jesúsnö ösödadöma tjo̧'wo̧ ösöwanö ju̧kwijadötö. Jobadöma Dios O̧'wo̧ Luwo̧ jobadö tjo̧'wo̧ luwo̧nö öba̧ja̧donö ju̧kwijadötö.

Hechos 16:34

Ikenama te'ada̧lakwawa jojoma Pablonö Silasnö tebatijetö eju okwa tjukwobö. Tebachö Pablonö, Silasnö kwakwawa iyö mesasötenö junijetö, ¡Jö̧jö̧ kwaduwi! jö̧ba̧lö. Ja̧danö te'ada̧lakwawa jojobi, ejunö ju̧kwadöbi tjo̧'wo̧ ösöwobe ji̧jadötö, Babema Diosnö dösödadösa, jö̧ba̧lö. Ikenama tjebachajijadötö ka̧lena ba̧kwawejube.

Hechos 8:29

Felipema jejenö eda̧lonö Dios O̧'wo̧ Luwo̧ma jo̧ba o̧'wo̧ luwo̧nö öbibö jö̧ba̧lijetö: —Koluka pjeanö 'ya̧ibi—jö̧ba̧lijetö.

Hechos 8:38

Ikenama webijetö ömöayedönö koluka yötjatobö. Ikenama kolukatjö meibö ojwe se'do lo̧bekwö 'ya̧ibö kwöbibijadötö. Kwöbibö jamatö ojwenö bu̧datijetö Felipema.

Hechos 8:8

Jo̧kwaiawö̧ Samarianö ju̧kwadöma tjo̧'wo̧ ösöwanö ju̧kwijadötö.

Romanos 5:2

Ja̧danö, ju'wibi chömöledö. Jesúsda dö̧jibinö pjabato̧, jö̧ba̧lö dösödiökwe, Diosma mikwa jwiinö otiwa jawa iyinobe ökwödönöma. Ja̧danö, do̧'wo̧ ösöwanö dö̧jobe, isabenö Dios dewinö idejatena duju̧kwakwedösa jö̧ba̧lö. Ja̧bi Cristoda ja̧ina chömöledö.

Filipenses 4:4

Chömöledö, Duluwo̧nö omukwatö, kwo̧'wo̧ ösöwanö kwö̧jaduwo. Yötawaja̧danö yemidanö inesö mikwawi̧ jawa yötawaduwakwö, ba̧kwȩlö̧jatebö kwo̧'wo̧ ösöwanö kwö̧jaduwo jö̧ba̧lö.

Santiago 4:16

Jo̧kwaijayonö ökwödöma Diosnö omukwatökönö ökwödöda yöka̧laduwobe kwi̧'yaduwakwa̧bi, kwotidaduwakwa̧bi. Jejenö yöka̧laduwi̧ma otiwökö. Sulabenö kwomukwataduwobe chö̧ja̧wo̧dö, jejenö yöka̧laduwena.