Hechos 8:28 - Dios Iwene

²⁸ Ja̧danö, Jerusalénbetjö ȩwa̧jo̧nö Felipema edijetö. Jo̧bama ka̧ba̧yu̧dö tjö̧tji̧ kolukanö a̧jö eda̧lijetö Dios iwene, Dios yöawi̧ yöbawo̧ Isaías iwȩyudina'yema.

Hechos 8:28 ပူးပေါင်းရင်းမြစ်များ

Isaías 1:1

Baikwö laebobe Dios yöawi̧, Amos itji̧ Isaias mikwo̧nö i̧sȩbö yöawina jawa. Juda niji inesö la'aka luwedö Uzias mikwo̧bi, Jotan mikwo̧bi, Acaz mikwo̧bi, Ezequias mikwo̧bi bakwo̧nökwena webö tjö̧jonö, Diosma iteda yöawi̧ i̧sȩbö yöawinobe Isaiasnö, Jerusalen comunidad baledakwa̧ jawabi, ju'wi Juda niji baledakwa̧ jawabi. Jadanö ja̧ yöawinama baikwö laebobe:

Lucas 3:4

Ja̧ Juan yöawi̧ma, Dios yöawi̧ yöbawo̧ Isaias iwȩyudina badekwachinö yöawinobe. Baikwö iwȩyudinobe Isaíasma, Juan yöawakwa̧ wenema: Jojodö deobetjö bakwo̧ jwöeba̧lakobe, Duluwo̧ma juluwanö ichakwo̧, jo̧ba ichakwa̧ma mana dotidaduwo, jweinö ichakobetjö̧.

Lucas 4:17

Ja̧danö, jamatajo̧nö tjiyinobe Isaias iwȩyudinöjama, ja̧danö Jesúsma jöja sedatö yöa̧linobe, baikwö laebi̧ma:

Hechos 28:25

Ikenama, tjo̧wi̧ dȩwa̧jo, jö̧ba̧lö, ina wainö omukwatijadötö. Tjȩwa̧jakwa̧ abönö Pabloma yöbawijetö, bajaleapo yöawi̧ma: —Damötjö Dios O̧'wo̧ Luwo̧ma ba̧ja̧dijetö jelo̧nö, Dios yöawi̧ yöbawo̧nö, Isaías mikwo̧nö ökwödötjö ajayinö ji̧nadönö yöawobö. Ja̧ yöawinama jweinö yöbawijetö. Baikwö laebobe Dios iwenetjö:

Hechos 8:27

Jejenö weiökwe Felipema 'yi̧jetö. Ja̧manö 'ya̧nö badekwajijetö jelo̧nö, Etiopía jojonö, tjöla'yapiyu 'wibebö loinökwenöma. Jo̧bama Etiopía la'aka luwuju jömöayo̧, balada te'ada̧lakwawa jojo. Jo̧bama Jerusalénbetjö Diosnö ösödö ȩwa̧jijetö.

Hechos 8:29

Felipema jejenö eda̧lonö Dios O̧'wo̧ Luwo̧ma jo̧ba o̧'wo̧ luwo̧nö öbibö jö̧ba̧lijetö: —Koluka pjeanö 'ya̧ibi—jö̧ba̧lijetö.

Colosenses 3:16

Chömöledö, Cristo jawa wene kwomajadeduwinö omukwatö kwö̧jaduwo, jo̧kwajabetjö̧ waisanö yökawakwawaduwo, ja̧danö waisanö kwöba̧ja̧dakwawaduwo kwömöledöduwikwö. Ja̧danö otiwanö pjabato̧ja jö̧ba̧lö, Diosnö ösödö lo̧köbaduwo, Salmos jawa lo̧awabi, Jesús jawa lo̧awabi, Dios O̧'wo̧ Luwo̧tjö öba̧ja̧di̧ lo̧awabi.

Josué 1:8

Ba̧kwelöjatebö kwiyalu'ye weti̧ wȩyukwa'ye yöba̧lö kwö̧jo, ja̧danö mölebi, yö̧tebi laebi̧ jawa omukwatö kwö̧jo, okobe jwiinö laebi̧danö ja̧bö kwö̧jakobetjö̧. Jau Josue, jejenö ja̧bö kwö̧jitjö̧ma, kwö̧ji̧ma isabenö jwiinö otiwanö waekwökönö kwö̧jakwo̧ja.