Hechos 8:26 - Dios Iwene

²⁶ Ju'wi möle Duluwo̧ weajökwe ángelma webijetö Felipenö, Samarianö jo̧nö: —Felipe, a̧li̧kwö 'ya̧wi. Jobe mananö, Jerusaléntjö Gazabe 'ya̧kwawamanö 'ya̧wi— webijetö ángelma Felipenö. Ja̧ma jojodö ba̧jekwadö tjuju̧kwokobe 'ya̧kwawama.

Hechos 8:26 ပူးပေါင်းရင်းမြစ်များ

Génesis 10:19

Ja̧danö, Canaántjö tupadanö jojodö tjiteboma jalobe yelösöda, Sidón comunidadtjö a̧li̧kwöchobekwö Gaza comunidad ichibanö ji̧jetö. Ja̧danö, jobetjö tebokwöchobe Gerar comunidad ichibanö ji̧jetö, Canaántjö tupdadanö jojodö tjiteboma. Ja̧danö, ja̧wo̧ laebobekwö, Sodoma, Gomorra, Adma, Zeboim comunidades, Lasa comunidad ichibanö ji̧jetö, Canaántjö tupadanö jojodö tjiteboma. Jalobe yelösöda.

2 Reyes 1:3

Jo̧kwaijayonö Isabenö Jo̧ weajökwe angelma, Dios yöawi̧ yöbawo̧ Eliasnö weinobe, —A̧la̧ibö 'ya̧wi, Samaria la'aka luwo̧ ömöayedönö kwöbadekwajobö. Jobadönö badekwajo̧, baikwö yökawodönö: —Ökwödöma tajawedö Ecron jojodö tjösödökwe Baal Zebubnö abebö kwa̧ja̧kwaduwobö kwi̧'yaduwobeda? Kwedaduwemi Israel nijitjö Dios deobeji̧? -Ditebotjö deobe Diosma, -jö̧ba̧lö ju'wedö tjitebo jojodö tjösödökwenöda abebö kwi̧'yaduwobeji̧?

1 Crónicas 22:16

Ja̧danö ju'wibi kwömöayedötjö tjuju̧kwobe, orotjöbi, platatjöbi, broncetjöbi, 'dii jawatjöbi otikwa waisadöma. Jo̧kwajabetjö̧, baikwö wetakwö chitji̧: La'aka luwo̧ bakibenama, juluwanö a̧la̧ibö kwotido, ja̧danö Isabenö Jo̧nö ateba, ökwökwö ja̧nö pjaatobö, —jö̧ba̧lö yöa̧linobe Davidma, itji̧ Salomonnö.

Hechos 10:22

Jejenö abebö a̧ja̧kwiawö̧ atadijadötö: —Duluwo̧ Cornelioma, ciennö guardia jojodö tjuluwo̧ma weatö ökwödönöma ökwönö öbibö di̧'yobö. Jo̧ba Duluwo̧ma otiwanö omukwatö jo̧. Diosnö otiwanö yebabinö omukwato̧. Okobe deinö judío jojodöma tjösödökwe Duluwo̧nöma. Dios weajökwe ángelma öwawachajo̧ webijetö Duluwo̧nöma ökwönö weobö, iteda ejube kwi̧'yobö, ökwö yökawi̧ a̧ja̧kwobö— yöbawijadötö.

Hechos 10:7

Ikenama tjo̧wi̧ ángelma ȩwa̧jabe okobe Cornelioma ömöayedö du̧ju̧tajanö jwöbijetö tjichobö. Jelo̧, iteda ömöayedötjö guardia luwo̧nöbi, Diosnö ösödo̧nö ichobö jwöbijetö.

Hechos 12:23

Ikenama omönanö Duluwo̧ weajökwe ángelma Dios ujulunö isȩbö ja̧ijetö Herodesnö wi̧ba̧'dö̧ nöinö tja̧jinö, ukwa'wo 'ye'yeachibanö. Herodesma, jojodönö jwebeba̧lö yöa̧lokobetjö̧, Ötjöma Diosbö̧kö̧sa, jö̧ba̧lö, Diosnöda ösödaduwi, jö̧ba̧lö, jejenö baledijetö, wi̧ba̧'dö̧ tja̧jinö Herodes ukwa'wonö. Ikenama ju'wi möle, lekwokobetjö, Herodesma ö'wö babibijetö, ukwa'wo wiba'dö̧ nöinö tja̧jobetjö̧.

Hechos 27:23

Jo̧da yö̧te ötjö Chuluwo̧ Dios, cho̧'wo̧ chöwana̧lökwe Dios weajökwe ángelma ötjönö öwawachö

Hechos 5:19

Jo̧kwaijayonö yö̧te ja'ö Duluwo̧ weinökwe ángelma ka̧lena ba̧kwawejube öwawachibö apjude po̧bebö öbibö labebijetö Jesús webawedönöma. Ja̧danö, a̧petube öbibö labebajo̧ jö̧ba̧lijetö jobadönö:

Hechos 8:29

Felipema jejenö eda̧lonö Dios O̧'wo̧ Luwo̧ma jo̧ba o̧'wo̧ luwo̧nö öbibö jö̧ba̧lijetö: —Koluka pjeanö 'ya̧ibi—jö̧ba̧lijetö.

Hechos 8:5

Jobadötjö bakwo̧, Felipe mikwo̧ma, Samariabe 'yi̧jetö. Jobetjö, jobe ju̧kwadönö yöbawijetö Jesúsnö, Dios jojodö tjö̧jibinö pjaatobö yöbawö ujuninökwenöma.

Hebreos 1:14

Jejenö weinokobe jobadö isapjobedönöma Dios ömöayedödatjobetjö̧. Jobadöma Dios ömöayedö ja̧nö, jojodönö pjatjatobö Dios weawö̧. Isabenö, ángelesdöma jojodönö pjatjatobö weawö̧, Dios mikwa jwiinö tjö̧jibinö pjaati̧tjö tjemakwedönöma. Isabenö chömöledö, ángelesdöma Dios ömöayedöda, jojodönö pjatjatobö weawö̧. Jo̧kwaobetjö̧ chömöledö, döwaisachibanö wajuwanö i̧sebobe, Dios Itji̧ma ángelesdönötjöbi o̧penönö jwiinö inesö jo̧, jö̧ba̧lö.

Josué 13:3

Jobadö filisteo jojodötjö la'aka luwedöma, Gaza comunidadtjö bakwo̧, Asdod comunidadtjö bakwo̧, Ascalon comunidadtjö bakwo̧, Gat comunidadtjö bakwo̧, Ecron comunidadtjö bakwo̧ tjö̧jobe, okobe deinö bakwamubedö luwedö batjibanö, ja̧danö tjitebo ina kwemaduwobö jo̧be. Jau Josue, okobe jwiinö filisteo jojodö tjitebo, egipto niji ö'öbösödö Sijor mikwödötjö, u'dakwö Ecron comunidad ichibanö niji̧ma, filisteo jojodö jobe tjö̧jijayonö, isabenö canaan nijiobe, ja̧danö kwemaduwobö jo̧be. Ja̧danö, a̧likwö ju̧kwadö aveos jojodö tjitebo niji̧bi ina kwemaduwobö jo̧be. Ju'wibi ina okobe jwiinö cananeo jojodö tjitebo niji kwemaduwobö jo̧be, u'da sidonio jojodö tjitebo comunidad Arajtjö, amoreo jojodö tjitebo ö'öbö comunidad Afecbe ichibanö.

Josué 15:47

Asdod comunidadbi, ö'öbö pjei̧ comunidadteniabi, Gaza comunidadbi, ö'öbö pjei̧ comunidadteniabi. Ja̧danö okobe jwiinö Egipto ö'öbösödö lo̧bekwö ji̧ comunidadteniabi, ju'wi jwaibalawa Mediterreano ötjabawa ö'öbö comunidadteniabi. Okobe jwiinö ja̧ ba̧ba̧lawobe comunidadteniama, juda niji comunidadtenia baibinobe.