Hechos 8:19 - Dios Iwene

¹⁹ Ja̧danö, abebijetö: —Juluwi̧ma iyitjö, baladanö chimido, ja̧danö ötjöbi 'biteba̧lena Dios O̧'wo̧ Luwo̧ tebachibö öjamatena jojodönö—abebijetö Pedronö, Juannö.

Hechos 8:19 ပူးပေါင်းရင်းမြစ်များ

Juan 5:44

Ja̧danö, ökwödöma ¿dakwö kwöwaisachibaduwobö ötjönöma? Ju'wi jawa kwisakwaduwobe. Jojodö ökwödönö tjösödi̧da, pjatjati̧da kwisakwaduwobe. Dios jawa, bakwo̧da Dios jwiinö otiwi̧ jawama kwisakwaduwokobe— yöawinobe Jesúsma judío jojodö la'aka luwedönöma.

Hechos 8:17

Ikenama Diosnö abebö kabatö Pedro, Juan Samarianö ju̧kwadö Jesúsnö ösödadönö 'bibeba̧lijadötö. 'Bibeba̧lö Dios O̧'wo̧ Luwo̧ma ichö tebachibö jamatijetö jobadö tjo̧'wo̧ luwo̧nö.

Hechos 8:18

Ikenama Simón, mea boawa waiso̧ma, Pedro, Juan 'bitjeba̧lobe edö omukwatijetö, ¡Ayö! Jobadöma 'bitjeba̧lena Dios O̧'wo̧ Luwo̧ma tebachibö öjamatobe. Yelösöda juluwadö, jö̧ba̧lö. Jejenö omukwatö, ja̧ juluwi̧ emotö jö̧ba̧lö, balada iyobö abebijetö.

Hechos 8:20

Jo̧kwaijayonö jejenö aebiökwe Pedroma jö̧ba̧lijetö: —Sulabenö kwomukwatajabetjö̧ kwu̧kwa baladakwö ökwöla ubobekwö 'ya̧wi. Diosma ujulu mikwa jwiinö iyijayonö ökwöma sulabenö omukwatö jö̧ka̧lajabe, Baladanö midö chemocha, jö̧ba̧lö.

3 Juan 1:9

Belö, kwialusöjanö wȩyudö wetijatö jobe kwitebobe, jobe ko̧ko̧kwa̧lö ba̧nö Jesúsnö ösödadönö yöbawö, Dios iwene yöbawö 'ya̧dönö pjakataduwobö jo̧be, jö̧ba̧lö. Jo̧kwaijayonö ökwödötjö bakwo̧, Diótrefes mikwo̧ma ötjö webö yötawi̧ öpöjödinobe. Yelösöda jo̧bama, Ötjödasa abönö la'aka luwo̧sa, jö̧ba̧lö, yötawi̧ma öpöjödinobe. Yelösöda öpöjödinobe, Juan, ja̧danö jo̧bakwö ja̧dö ökwödö duluwedöböködö, jö̧ba̧lö. Öpöjödinobe, Jobadö yötjawi̧ma da̧ja̧kwoko, jö̧ba̧lö.