Hechos 7:55 - Dios Iwene

⁵⁵ Jo̧kwaijayonö Esteban, Dios O̧'wo̧ Luwo̧ ujulu iyökwema, mölejȩbekwö eda̧lö Dios dewinö idejatobe edijetö. Jobe Dios öwaisobekwöchobe jo̧nö, Jesúsnö edijetö.

Hechos 7:55 ပူးပေါင်းရင်းမြစ်များ

Marcos 16:19

Ikenama yöba̧lö kaatena Diosma mölejȩbe kaekwajinö ja̧bijetö Jesúsnöma. Jobe mölejȩbema Jesúsma Dios öwaisobekwöchobe bamatijetö.

Juan 11:41

Ikenama inabama pjolatö tjujuninobe. Jemi ikenama Jesúsma mölejȩbekwö edö aebinobe Diosnö: —Chabe'do, ökwönö yöta̧la. Otiwanö a̧ja̧kwö pjakatajabe— aebinobe—.

Juan 12:41

Ja̧danö, Isaíasma Jesúsnö iwȩyudinobe, ajayinöma öwaisinobetjö̧, Jwiinö otiwakwo̧, jö̧ba̧lö.

Juan 14:3

Jau, kwuju̧kwaduwakwa̧ omudawö chujunobö chi̧'yakobe yemidanö bai ichö, ökwödönö öbibö chitebobe chȩwa̧jobö, ökwödöma ötjö chö̧jobe kwö̧jaduwobö ba̧kwȩlö̧jatebö.

Hechos 2:4

Ikenama jobadönö okobe deinö Dios O̧'wo̧ Luwo̧ma tebachibö jamatijetö. Tebachibö öjamatajawö̧ma ju'wedö tjiwene wajwitjijayonö yöbawijadötö. Ja̧ yötjawi̧ma Dios O̧'wo̧ Luwo̧da pjabatijetö, ju'wedö tjiwenenö yötjawobö.

Hechos 4:8

Jejenö atjeba̧lökwe Pedroma, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö atadijetö: —Jojodö tjuluwedöbi, israel jojodötjö damöbi,

Hechos 6:10

Jejenö jwöjwötjakwawijayonö jobadöma atadakwawa jwiinö ji̧jadötö, Dios O̧'wo̧ Luwo̧ öba̧ja̧da̧lonö Esteban waisanö yöa̧lobetjö̧.

Hechos 6:3

Jo̧kwaobetjö̧, chömöledö, ökwödötjö emö junaduwi jelemutjö du̧ju̧tajanö ömadönö, pjaatakwawa jojodönö, ja̧ iyawa webadö batjibinö. Jobadö emö kwujunaduwakwawö̧ma, Otiwanö omukwatö ju̧kwadö, jö̧ba̧lö, jojodö yötja̧lawö̧nöda emö kwujunaduwo. Ja̧danö, jobadö emö kwujunaduwakwawö̧ma waisanö omukwatadönöda kwujunaduwo. Ja̧danö, Dios O̧'wo̧ Luwo̧ öba̧ja̧dawö̧nöda emö kwujunaduwo. Emö kwujunaduwawö̧nö wedakobe jobadöda iyawa wetjobö.

Hechos 6:5

Jejenö jö̧tja̧liawö̧, okobe deinö Jesúsnö ösödadöma a̧ja̧kwö ösödijadötö. Jo̧kwaobetjö̧ emö junijadötö Esteban mikwo̧nö. Jo̧bama Diosnö jwiinö ösödö ji̧abijetö. Dios O̧'wo̧ Luwo̧ iteda o̧'wo̧ luwo̧ okwanö öba̧ja̧di̧ a̧ja̧kwö ji̧abijetö. Ja̧danö, ju'wedö tjeminawö̧ma bidö: Felipe, Prócuro, Nicanor, Timón, Pármenas mikwadö. Jelo̧ma Nicolás, Antioquíanö jo̧. Jo̧ba Nicolásma judiobö̧kö̧jayonö judíoso̧danö ji̧abijetö.

Hechos 6:8

Esteban mikwo̧ma Dios pjaatinökwe. Jo̧bama Dios ujulu i̧sebö ji̧abijetö. Ja̧danö, jo̧bama jojodö tjeda̧lonö edajitjökö jawabi i̧sebö ji̧abijetö.

Hebreos 8:1

Chömöledö, ötjö yötawi̧tjö inesö ji̧ma biya̧: Ida̧ökö dujuna̧lobe ökwödönö pjabato̧nö, Diostjö jojodötjö ö'weje la'aka pjabato̧ baibanö jo̧nöma. Ja̧danö, jo̧bama suli̧ jwibo̧. Ja̧danö, ba̧kwȩlö̧jatebö ökwödönö pjabato̧. Jo̧bama mölejȩbekwö kabekwajo̧ Jwiinö Otiwo̧ Dios ö̧bemi öwaisobekwöchobe öbamatinobe. Jo̧bama Jesúsda.

2 Pedro 1:17

Jau chömöledö, belö Diosnö ösödakwawa'o mö'ösa'onö Duluwo̧kwö dö̧jenama, Dabe'do Diosma jo̧banö i̧sebinobe, Bitema otiwanö chomukwatökwe, jö̧ba̧lö. Jau chömöledö, otiwanö omukwati̧ i̧sebö Duluwo̧ Jesús salöinö idejatobö weinobe, ja̧danö Duluwo̧ jejenö idejatenama, ökwödöma ja̧ baledi̧ dedijatö. Ja̧danö, inesö salöinö dewobe mölejȩbetjö ökwöi̧: —Bitema ötjöda chitji̧, jwiinö chösödökwe— jö̧ba̧lö Dios yöawi̧ ökwöenama, ökwödöma ja̧ ökwöi̧ mölejȩbetjö da̧ja̧kwijatö chömöledö. Jau chömöledö, Duluwo̧kwö ja'o mö'ösa'onö dö̧jena, ja̧ baledi̧ma döbajalenö dedijatö, ja̧danö dölakiyunö da̧ja̧kwijatö. Jau chömöledö, jejenö edinadösa, ja̧danö jejenö a̧ja̧kwinadösa, jo̧kwajabetjö̧ isabenö yödawi̧ kwösödaduwobö jo̧be chömöledö.

Apocalipsis 21:11

Yelösöda, 'yayi̧ Jerusalénma jwiinö dewinö dejatobe, Dios, iteda jwiinö dewinö idejati̧ma jobe salöobetjö̧. Salöanö dejatobe chedijatö, inawa otiwawa jape mikwawa salöi̧danö. Yelösöda, isa̧yu̧ salöi̧danö dejatemi .